مقبل على شراء رانجلر 2011 هل من مراسل ؟

[K_E]

السلام عليكم

من فترة كبيرة بدور على عربية في حدود 200 الف تكون عالية عن الارض وناعمة وقوية و......

الاسبورتاج مش مرتاحلها بسبب سعرها المبالغ فيه والقشقاي عجباني جداً لكن شكلها من جوه بالنسبالي كلاسيكي جداً ومش عاجبني

من زمان عيني على جيب رانجلر علشان شايفها انها مناسبة جداً لمصر في ظل بلطجة التكاتك والميكروباصات والتاكسي وبعض اصحاب الملاكي
كمان مناسبة جداً لطرق مصر الغير ممهدة

علشان كده نويت على رانجلر 2011

عارف ان استهلاك البنزين عالي لكن انا مش بروح الشغل بالعربية ومليش مشاوير يومية ثابتة واستخدامي للعربية قليل شوية

كان نفسي اجيب ال 2012 بالموتور الجديد لكن العين بصيرة والايد بصيرة برضه

دورت كتير وشفت مراجعات لكن قلت استشير الناس هنا بعد الاستخارة

اتمنى لو حد عنده اي ملاحظات او تحذيرات او نصائح مايبخلش

وكمان مش عارف اكشف عليها فين وياريت مركز خدمة معتمد لان التوكيلات مواعيدها في رمضان زحمة اوي

ودمتم ذخراً لنا

[ahmed_eng2001]

متابع

[Mohatfhd]

الترخيص هايبقي غالي و متهايألي ان ده عيبها الوحيد

[Thebutcherr]

بنزين و مصاريف تشغيل و سعر اعلدة البيع

[shaddadfalcon1]

طيب ماتشوف حته bmw x1 مستعمل هتبقي اشيك واحلي واجمل مليون مره

[K_E]

شاكر جداً عالردود

الترخيص هايبقي غالي و متهايألي ان ده عيبها الوحيد

هي معاها رخصة سنه وانا قريت ان اول سنة 5000 وبتقل 10% كل سنة وبما انها 2011 يعني بعد سنه هيكون ترخيصها حوالي 3000 وشوية
مش عارف لو اغلى من كده

بنزين و مصاريف تشغيل و سعر اعلدة البيع

كلام سليم بس برضه اني شاريها مستعملة ده هيقلل الخسارة شوية لو حبيت ابيعها

طيب ماتشوف حته bmw x1 مستعمل هتبقي اشيك واحلي واجمل مليون مره

اكيد ال x1 حاجه تانية خالص
دورت على واحده في حدود 200 لكن ملاقتش حاجه كويسة

[Elawany13]

كان فيه اخ فى المنتدى معاه رانجلر 2011 وباعها واخوه معاه رانجلر 2012
بيشكر قوى فى 2012 وبيقول ان استهلاكها احسن بكتير فى البنزين من 2011

[K_E]

كان فيه اخ فى المنتدى معاه رانجلر 2011 وباعها واخوه معاه رانجلر 2012
بيشكر قوى فى 2012 وبيقول ان استهلاكها احسن بكتير فى البنزين من 2011

انا قريت الموضوع ده والله ودخت عليه تاني علشان الاقيه ومش عارف هههههههههه

[eleanor]

على فكره ماتتخدعش فى منظر العربيه لان صاجها مش قد كده يعنى ومعظما فبر من بره
والعربيه دى اخرها فى الجرى 175 وبعد كده بتموت

[Maghraby1987]

التابلو شكله مش حلو خالص و ده مجرد رأي

[K_E]

على فكره ماتتخدعش فى منظر العربيه لان صاجها مش قد كده يعنى ومعظما فبر من بره
والعربيه دى اخرها فى الجرى 175 وبعد كده بتموت

هي اكيد مش دبابة ولا مصفحة بس اقوى من عربيات كتير اوي

وبالنسبة للجري هو 175 فل اوي بس مشكلة 2011 الي عرفتها بعد ماجربت ال 2012 ان تسارعها بطيء جداً بشكل ممل

التابلو شكله مش حلو خالص و ده مجرد رأي

امال لو شفت شكل تابلوه 2010

[Hossam_hassan4]

من صديق ليا معاه رانجلر كان بيقولي القعده فيها مش مريحه ..... مش بتشوف الرفارف من الجنب و العربيه كبيره بس دي مش مشكله اوي لاني في عربيتي مش بشوف لا الرفارف ولا الكبوت بس معرفش لو عربيه كبيره هتبقي ازمه ولا ايه .... العربيه مش بتعدي 185 في اي حال من الاحوال بس هو جاب بيها 195 في منزل العين السخنه و جاب معاها الفتيس بس اتغير في الضمان بس هو ليه معارف هناك

[Maghraby1987]

من صديق ليا معاه رانجلر كان بيقولي القعده فيها مش مريحه ..... مش بتشوف الرفارف من الجنب و العربيه كبيره بس دي مش مشكله اوي لاني في عربيتي مش بشوف لا الرفارف ولا الكبوت بس معرفش لو عربيه كبيره هتبقي ازمه ولا ايه .... العربيه مش بتعدي 185 في اي حال من الاحوال بس هو جاب بيها 195 في منزل العين السخنه و جاب معاها الفتيس بس اتغير في الضمان بس هو ليه معارف هناك

جابت فتيس عشان جاب ١٩٥!!!
ليه هو الفتيس تعبان اوي كده؟!!
ده حتي المفروض انها عربيه heavy duty يعني تستحمل بهدله اكتر من كده بكتير

[Hossam_hassan4]

جابت فتيس عشان جاب ١٩٥!!!
ليه هو الفتيس تعبان اوي كده؟!!
ده حتي المفروض انها عربيه heavy duty يعني تستحمل بهدله اكتر من كده بكتير

هي المفروض ان مهما حاولت تقرص مش بتعدي 185 هو قرص في منزل فا جابت 195 :) و اعتقد مهما كانت تستحمل القرص علي اخر الموتور كله بيبقي واحد

[شاهين - بنز]

الصراحة فرق عدد الأحصنة بين 2011-2012 شنييييع الفرق بينهم أكبر من عدد أحصنة التويوتا ياريس