حادثة بسيطة حصلتلى

[shery103]

النهاردة كنت راجعة من ميدان تريومف ، و دخلت شارع النزهة و جاية بلف اليوترن اللى قدام توكيل بيجو و كده ، و انا اللى جنب الرصيف يعنى بلف على الضيق
و جه تاكسى كان بيلف جنبى ، و احنا بنلف دخل فيا حك الباب بتاعه مع الحتة اللى فوق العجلة القدام بتاعتى

المهم انه بعد اللفة راح راكن قدامى و معرفش اعدى طبعا عشان كان فى عربيات جاية بسرعة من جنبى ، و نزلى السواق و معاه 2 و شكلهم استغفر الله العظيم انا شفت منظرهم خفت ، و كنت انا و اختى اللى فى العربية بس و راجعين من عند دكتور

انا اصلا خفت من شكلهم انى انزلهم طبعا فنزلت الشباك حاجة بسيطة ، اعد يقولى استنى متمشيش لحسن اجرى وراكى اكسرلك عربيتك ، و كلام كده

المهم انا فى الموقف ده كنت حاسة انى ضعيفة اوى و انهم ممكن يكسرو عليا عربيتى فعلا لان كان منظرهم ميسرش


و بعدين اعد يبص على عربيته و رجع قالى اتفضلى احنا اسفين ( بسخرية كده )
فرحت ماشية و انا دمى بيغلى انى معرفتش اتصرف

كان المفروض اعمل ايه ؟
و مين الغلطان ؟؟

[osamaelbaz]

الحمد لله انها جت على قد كدة وإن شاء الله الخبطة تتصلح دى خبطة بسيطة هو المفروض ما دام واحد دخل اليو تيرن الاول التانى يستناة لما يلف بس احنا فى مصر كلة بيلف مع كلة والى يحصل يحصل

[onsi]

فى جميع الاحوال انا لا افضل نزول البنت او الانسة من العربية خاصة فى الحوادث البسيطة وتستعوضى ربنا عن اللى حصل للعربية وتحمدى انك بخير ودة فى حالةغلط الطرف الاخر، اما ازا كان الغلط منك فيمكن الاعتذار ثم اكتشاف نوايا الطرف الاخر اذا كان يقبل العوض سواء نقدا او التصليح على حسابك وانا افضل التصليح نظرا لاحتمال الجشع او طلب مبلغ مبالغ فية وانتهاز الفرصة خاصة لعدم الخبرة فى حالة الانسات او السيدات عامة.
وفى حالة نزولك من العربية اذا كانت الحادثة كبيرة لا قدر الله فيمكن استعمال الموبايل لطلب النجدة او شرطة الطريق 0121110000 او الاستعانة بشرطى المرور اذا كان موجود او طلب النجدة 122 او طلب صديق وكل هذا يفضل قبل نزولك من العربية والانتظار لوجود طرف ثالث

[Casio2000]

لو الموقف بالضبط كدا - و فعلا في احساس بالبلطجة - اطلبيله النجدة و سمعيه صوتك وانت بتمليهم نمرته - مش انه خبطك - تبلغي انه بيتهجم عليك و كدا (حتى لو لسه ماحدش رد كما هو متوقع)

ماعرفش ممكن دا يخوفه ولا لأ بس أكيد حايبقى احسن ماتقعدي مستكبنة مستنياه يقرج عنك ولا لأ


لو حانتكلم على القواعد - هو الغلطان - بس فعليا هنا في مصر لو كل يوتيرن اخدتيه بالطريقة دي - يبقى حاتتخبطي 5-6 مرات في اليوم

[Powert]

تنزلي تصوتي في الشارع وتلمي علية الناس هو هيخاف ويطلع يجري:cuss:
وتتصلي بالشرطه فوراُ
و تخلي معاكي اي اداه تستخدم كسلاح تحت الكرسي
حتي لو طفايه الحريق

[dr_abooody]

هو اللي غلطان لانك بتلفي على الضيق و هو كبس عليكي هتعملي اية يعني تطلعي فوق الرصيف عشان يلف هو ؟؟؟
كان المفروض يعمل مسافة او يستني ثانية واحدة فقط عبال ما تلفي ؟؟ هو دة الغباء بعينة يعني
و التصرف دة بالنسبة ليكي هو احسن تصرف لأن الناس دة ممكن يكونوا مش كويس و لا محششين و كمان لو مسكتي في خناقهم مش هتخدي حق و لا باطل تلاقي التاكسي مش بتاعة و استحالة تخدي منة تعويض و هي دة البلطجة بعينها يقولك لو مشيتي هنكسر العربية و للأسف النوعية دة من الناس انتشرت في البلد؟؟

[shery103]

هى حكة بسيطة بس انا دمى محروق لانها اول خبطة فى العربية ( لسه مكملتش 500 كيلو حتى )
و ان دماغى وقفت و معرفتش اتصرف بسرعة

و كمان انه نازل يبلطج عليا و هو الغلطان

بس الحمد لله على كل شىء كويس انها جت على اد كده

[sa3dawy]

الحمد للة ان هيا جت على قد كدا ... المهم انك بخير ....
انا لو منك كنت نزلت و**************** !!! بس انا مقدر موقفك لانى عارف الناس دى بيبقى شكلها عامل ازاى !!

[MEDO_AHMED2]

النهاردة كنت راجعة من ميدان تريومف ، و دخلت شارع النزهة و جاية بلف اليوترن اللى قدام توكيل بيجو و كده ، و انا اللى جنب الرصيف يعنى بلف على الضيق
و جه تاكسى كان بيلف جنبى ، و احنا بنلف دخل فيا حك الباب بتاعه مع الحتة اللى فوق العجلة القدام بتاعتى

المهم انه بعد اللفة راح راكن قدامى و معرفش اعدى طبعا عشان كان فى عربيات جاية بسرعة من جنبى ، و نزلى السواق و معاه 2 و شكلهم استغفر الله العظيم انا شفت منظرهم خفت ، و كنت انا و اختى اللى فى العربية بس و راجعين من عند دكتور

انا اصلا خفت من شكلهم انى انزلهم طبعا فنزلت الشباك حاجة بسيطة ، اعد يقولى استنى متمشيش لحسن اجرى وراكى اكسرلك عربيتك ، و كلام كده

المهم انا فى الموقف ده كنت حاسة انى ضعيفة اوى و انهم ممكن يكسرو عليا عربيتى فعلا لان كان منظرهم ميسرش


و بعدين اعد يبص على عربيته و رجع قالى اتفضلى احنا اسفين ( بسخرية كده )
فرحت ماشية و انا دمى بيغلى انى معرفتش اتصرف

كان المفروض اعمل ايه ؟
و مين الغلطان ؟؟

معلش يا شيرى بس انتى غلطانة المفروض اولا اليوترن تخطفية بسرعة بلطجة يعنى وانتى معاكى بيكانتو يعنى ممكن تخطفى بسهولة بس معلش مش اول حد يعملها انا واخد واحد مع توك توك جابلى من قدام الباب للشنطة مركب ديفندر خلفى كبير علم عليا والحمد للة والمشكلة ان كل سواق تكسى شايف نفسة الى هوه مفيش زية وفى ناس بتعمل كدة بغرض السرقة او اى حاجة تانية ماعلينا بس انا شخصيا شايل فرمنش فى التابلوة ووالدتى كنت حاتت لها اليكترن ماشين فى التابلوة برضو دة لازم انتى على الاقل سكون معاكى سينس ديفنس و حاولى مثلا اما توقفى وتنزلى ومتحوليش تكونى قريبة منة و بجد متحسيش انك غلطانة ممكن الى انتى عملتية يكون الصح ومفبسش غير كدة بس ياريت تكونى اتعلمتى من كدة ملحوظة بقى انا لو لقيت حد كبير او اى بنت فى خناقة او العربية عطلانة بلا ترددبساعدها وبحس انها قريبتى مش بغرض انى اعاكس لكن للمساعدة بس والله بس شايف ان لو مامتى او اختى فى الموقف دة هيكون كويس لو حد ساعدهم بس للاسف فى كام موقف هعمالهم موضوع مش كويين نظير المساعدة اسف للاطالة

[WalidAdel]

والله انا شايف ان اللي انت عملتيه دا انسب حاجه يعني انك منزلتيش و فتحتي الزجاج حته كده علشان تسمعي بيقول ايه كويس يعني اصل اكيد كان حيقل ادبه او اي حاجه و مكانش حيقدر يعملك حاجه و انت جوه العربيه و الا يبقي تهجم عليكي اصلاً و حيدخل نفسه في حوارات تانيه فكده كويس و بعدين مفتكرش انه لو كان عملك حاجه اصلاً او لمسك و انت في العربيه كان حد من الماره حيسيبه بجد الحته دي في الشعب المصري بالرغم بما فيه من مساؤ و كويس انها جت علي قد كده و ربنا سترها و الحمد لله