إعـــــــلان

Collapse

.

,
See more
See less

تقرير شامل عن اجهزة تتبع السيارات اللى بتبيعها شركات الاتصالات فى مصر

Collapse
X
 
  • Filter
  • الوقت
  • Show
Clear All
new posts

  • تقرير شامل عن اجهزة تتبع السيارات اللى بتبيعها شركات الاتصالات فى مصر

    السلام عليكم
    اخوكم احمد
    انا مليش مشاركات كتير داخل المنتدى بس حبيت اوضح تفاصيل عن اجهزة تتبع السيارات اللى بتعلن عنها اتصالات وفودافون وموبينيل وده لانى ادين للمنتدى بكثير من المعلومات اللى استفدتها منه

    انا شغال فى مجال اجهزة تتبع السيارات ده بقالى اكثر من سنتان ونصف واستوردت موديلات كتير واعرف افضل الانواع الموجوده فى العالم
    وده اللى خلانى اجيبلكم التفاصيل الدقيقه عن الاجهزة اللى فعلا هتبعها شركات الاتصالات وده خالص بنيل موتوز فقط

    تقرير شامل عن اجهزة تتبع السيارات اللى بتبيعها شركات الاتصالات فى مصر

    الشركه المصنعه اسمها globefleet
    وده الموقع الخاص بالشركه
    GLOBEFLEET - Vehicle Tracking and Fleet Management http://www.globefleet.com


    مكان الشركه تركيا وطبعا بصراحه مكنتش اسمع عنها لحد ما عرفت اتصالات هتشترى منين




    #000000



    الموديلات اللى بتبيعها وكمان ملفات التعريف بها

    DT350 GTrack Vehicle

    سعره فى اتصالات 1350

    DT340 GTrack Fleet

    سعره فى اتصالات 1900

    DT340C GTrack CANbus

    سعره فى اتصالات 1999


    المواصفات الفنيه للجهاز


    بالنسبه للجهاز DT350 GTrack Vehicle

    الغريب فى الموضوع ان الشركه المصنعه مش حطه اى صور للجهاز وبالنسبه للتفاصيل

    1 - حساسيه استقابل المديول للقمر الصناعى ضعيفه جدا -148
    على الاقل المفروض تبقى -158
    وده لما يكون الجهاز مستقل لكن طبعا لما تمشى العربيه الحساسيه بتبقى افضل عشان يقدر يربط مع القمر الصناعى بسهوله ده معناه انه لو دخل منطقه كلها عمارات عاليه وابراج هيبقى ربطه للقمر الصناعى صعب
    لحد ما يخرج من المناطق اللى فيها مرتفعات كبيره


    2 - الجهاز فيه 3 مداخل 1 موجب و 2 سالب
    المداخل دى فيدتها انك تقدر تعرف عن طريقها الحاجه اللى انت موصل المدخل عليها شغاله او لا
    هشرح بمثل : يعنى المدخل الموجب ده لو وصلته على الكونتك لما تيجى تدور العربيه هتبقى عارف ان العربيه ديره عن طريقه رساله او من خلال الموقع
    اما المداخل السالب دى بتتوصل على الكسيت مثلا او الكلاكس او الابواب اذا كانت مغلقه او مفتوحه او غطاء البنزين

    3 - الجهاز فيه مخرج واحد بس
    المخارج دى فيدتها انها بتوصل ارضى تقدر تفتحه وتقفله فى اى وقت من خلال رساله موبيل او من السيرفر
    وطبعا ده تقدر تستفيد منه انك تقدر تقطع الكهرباء عن الكونتك او طلمبه البنزين من خلال ريليه او بمعنى اخر كتاوت
    طبعا مش وحش ان فيه مدخل واحد بس طبعا لو عندك مداخل اكتر بيكون افضل لانك تقدر تقفل حجات تانيه زى ازاز السياره او السنتر او لفدر الله لو المخرج اتحرق وده مش بيحصل الا فى حاله واحده ان ممكن يوصله راجع وساعتها المخرج بيتحرق

    4 - بطاريه الجهاز 1100 ملى امبير
    ودى حاجه كويسه لان كده البطاريه كويسه وتقعد فتره طويله فى حاجه ان بطاريه العربيه تفضى او انك تفصلها

    5 - الهوائى الخاص بالموبيل وبالقمر الصناعى داخلى
    انا شايف ان ده مش كويس لان الهوائى الخارجى افضل وبالذات للقمر الصناعى

    6 - وزن الجهاز 64 جرام
    انا مش فاهم ازاى الوزن ده وهو فيه بطاريه لوحدها حوالى 100 جرام

    7 - الجهاز طبعا بيخزن الاحداثيات فى حاله عدم اتصال شبكه الموبيل
    طبعا ده كويس بس مش كتبين مساحه الميمورى اللى بتخزن عليها كام ميجا

    ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
    اما بالنسبه للتكاليف
    الجهاز ثمنه 1350 بس ده من غير ثمن التركيب
    لانك بتروح تركبه فى المراكز الخاصه بالتركيب اللى هتحددها اتصالات
    مثل التوكيلات الخاصه بالسيارات وده لان اتصالات معندهاش فنيين فهتبعتك على توكيل السياره بتعتك فى مصر عشان تركبهولك لكن انت هتدفع ثمن التركيب للتوكيل
    وده هتركبه طبعا طبقا للحجز

    اما الاشتراك الشهرى فهو 75 جنيه
    وده ثمن اشتراك خدمة الموبيل انترنت اللى هتربط الجهاز بالسيرفر
    بالاضافه الى 300 رساله نصيه
    عشان توصلك فى حاله الضغط على زرار الاستغاثه او انك تعدى سرعه معينه مثلا او انك تدور العربيه وده لو انت مبرمجها

    طبعا السيرفر لحد دلوقتى الشركه لسه مخلصتش تركيبه
    وغالبا هيكون جاهز فى وقت معرض الاتصالات
    cairo ict 2013
    وده هيكون يوم 29/9

    امكانيات الجهاز اللى هتستخدمها انت
    1 - مراقبه السياره من خلال الموبيل او الكمبيوتر
    2 - تحديد سرعه السياره فى اى وقت
    3 - ايقاف السياره من خلال رساله موبيل او من خلال السيرفر
    4 - زرار استغاثه للضغط عليه فى حاله سرقه سيارتك من خلال بلطجيه
    5 - معرفه حاله المحرك او الابواب او غطاء البنزين

    دى مواصفات اقل فئه فى الاجهزة اللى هتبيعها اتصالات
    وان شاء الله هكملكم مواصفات باقى الاجهزة
    اسف للاطاله وطبعا انا تحت امركم فى اى معلومه او سؤال
    :33:

  • #2
    شكراااااااااااااااااااااا ليك جدااااااااااااااااااااا
    [SIGPIC][/SIGPIC]

    Comment


    • #3
      شاكر لحضرتك المعلومات دي
      وبما انك شغال ف المجال فهل ممكن تعمل لينا تقرير عن الاجهزة المتوفره ف السوق حاليا والفروق بنها ده لو امكن

      Comment


      • #4
        مشكور يا باشا علي الشرح الوافي
        . . . . . . . . . . . . [SIGPIC][/SIGPIC] . . . . . . . . . . . .
        . . . . . . . أة يــا تــيــشــيــرت الـــعـــمـــر يـــا أبــيـــض ... انـــا الـــزمـــالـــك انـــتـــو مـــيـــن ؟؟ . . . . . . .
        و ارجــع روحــك عــالــيــة لـلـجـمـاهـيـر الـغـالـيـة و انـسـى كــل مــا فــاتــك و قــدم كــورة تـانـيـة ♥♥ ZAMALEK ♥♥

        Comment


        • #5
          تركي يعني كنا نبلع الصيني دلوقتي نشتري تركي
          يعني لو فاتك الياباني والماليزي والصيني مش هيرجع تاني
          دا غير المميزات الرهيبه اشاره ضعيفه وسط العمارات

          Comment


          • #6
            شكراً على المعلومات القيمة ، بس ممكن نستفيد من خبرة حضرتك في هذا المجال وتقولنا عن افضل الموديلات اللى حضرتك جربتها وشغال بيها ومتوسط اسعارها

            Comment


            • #7
              كان فيه موضوع هنا معمول من فتره والناس كانت بتقول ان الجهاز بالمواصفات ديه ملوش اى لزمه
              لانه زى الاجهزه الموجوده بالسوق وان الاشتراك الشهرى غالى والمفروض حاليا ب 10 جنيه فقط
              فياريت تكلمنا اكتر على الاجهزة الموجوده بالسوق
              [SIZE="5"]لا اله إلا الله محمدُ رسول الله[/SIZE]

              Comment


              • #8
                شكرا جدا لكل اللى رد على موضوع وشكرا ايضا لكل اللى شاهده
                بالنسبه للاجهزة اللى موجوده فى السوق انواعها مش كتير لكن اهم حاجه وانت بتشترى انك تشوف المنتج ده موجود فعلا وفى ناس جربته ولا لا لانك ممكن تلاقى منتج بيتصنع لحساب مستورد وده مشكله كبيره لانك مش هتلاقيله سيرفر ولا هتلاقى ليه دعم فنى ولو لقيت له سيرفر مش هتلاقيه مستمر

                وكمان المشكله الكبيره اللى موجوده فى مصر جشع التجار
                لان الجهاز طبعا مش بيخش مصر بسهوله فبالتالى بيروح يجيب جهاز رخيص تمنه مش بيعدى 40 دولار وطبعا من غير سيرفر
                ويكلفه ضعف تمنه لحد ما يدخله مصر ويبيعه ب1000 جنيه و ب 1300 جنيه زى تمن الاجهزة الكويسه
                دى حاجه الحاجه التانيه انك تسال اللى جرب الجهاز
                يعنى انا مثلا حاليا مستقر على استيراد جهاز معين جربته فى عربيتى اكتر من 6 شهور قبل ما استورده وطبعا جربت قبله انواع كتير لكن كلها كان ليها مشاكل وطبعا كل جهاز ليه مشاكل مختلفه عن غيره
                بس طبعا فى انواع كويسه جدا فى مصر
                وطبعا الاسعار فوق بتكون اغلى من 1300 جنيه
                وطبعا بيكون بالسيرفر مجانى على الاقل اول سنه او اول سنتين او اكتر على حسب البائع والمنتج غير اشتراك الشريحه اللى هو حوالى 10 او 15 جنيه فى الشهر
                وانا ان شاء الله هجهزلكم موضوع شامل عن انواع الاجهزه اللى موجوده فى مصر واسعارها وافضلها وخصائص كل جهاز وامكانياته وافضل ثمن ممكن تشتريه بيه من غير ما يستغلك البائع
                وانا تحت امركم فى اى سؤال
                :33:

                Comment


                • #9
                  تمام ياباشا طب ممكن تفدنا حالياً اية النوع اللى حضرتك شغال بيه بقالك 6 شهور وهل مشاكلة كتير ولا قليلة لحين تجهيز الموضوع

                  Comment


                  • #10
                    انا شغال فى النوع ده بقالى من اول يناير 2012 يعنى حوالى اكثر من سنه ونصف
                    وده موقع الشركه المصنعه
                    MEITRACKUSA.COM

                    وموديل الجهاز هو MVT380

                    وطبعا الجهاز مشاكله نادره جده تكاد تكون معدومه ولذلك انا بدى بيه فاتوره بضمان استبدال سنه
                    اهم حاجه انك تركبه صح ولو هتشتريه او تشترى غيره من اى شركه هما اللى يركبولك عشان لازم يكون عندهم فنى مختص وفاهم ومش يقرب جمب كمبيوتر العربيه ويكتبلك السريل بتاع الجهاز على الفاتوره
                    الجهاز ده شركته امريكيه ومصنعها فى الصين وانا بعمل الاوردر من امريكا وبيتشحن من امريكا
                    لكن بيجى مكتوب عليه صناعه صينى
                    بس جودته ما شاء الله والسيرفر كويس جدا ومنتظم وامكانياته كتير
                    غير ان الشركه المصنعه بنجيب منها الاكونت اللى بنديه للعميل مدى الحياه



                    وطبعا فى شركات افضل بس اسعارها غليه اوى
                    زى شركة arvento او teltonika
                    :33:

                    Comment


                    • #11
                      دى مواصفات الجهاز بالتفصيل
                      اولا الصور






                      المواصفات
                      باللغه الانجليزيه وترجمتها باللغه العربيه



                      Car GPS Tracker
                      جهاز تتبع السيارات من خلال القمر الصناعى

                      Support Logging, Listen-in or Two-ay Audio;
                      يدعم تسجيل المسارات و الاستماع و التحدث

                      SOS/Geo-fence/Speeding/Impact/Antenna-cut Alarms
                      به زر استغاثه و تحكم بالمناطق الجغرافيه و انذار بالسرعه و انذار بالصدامت و انذار بفصل الهوائى

                      Engine Cut
                      ايقاف محرك السياره

                      Features: الميزات


                      Track by SMS/GPRS (MEITRACK Protocol)
                      يدعم بروتكول الرسائل النصيه القصيره و اتصال الانترنت من خلال شبكه المحمول

                      Track on Demand
                      تتبع السياره فى نفس الوقت

                      Track by Time Interval
                      تتبع من خلال الوقت على السيرفر اى انه يمكن التحكم فى وقت ارسال البيانات للسيرفر
                      مثلا كل 10 ثوانى او كل 60 ثانيه او كل ثلاث دقائق على حسب ما تحدده انت
                      وانا افضل كل 10 ثوانى اى انه يعطى البيانات مفصله

                      Track on Mobile Phone
                      تتبع من خلال الموبيل عن طريق الرسائل القصيره

                      Listen-in or Two-way Audio (Optional)
                      يمكن الاستماع لمن بالسياره من خلال تركيب ميكروفون او التحدث من خلال تركيب سماعه وميكروفون

                      Internal 4Mb Memory for Logging
                      به زاكره 4 ميجا لتسجيل الاحدائيات والمسارات عليها فى حاجه الغاء السيرفر


                      850mAh Internal Backup Battery
                      به بطاريه داخليه 850 ملى

                      SOS Alarm
                      به زر استغاثه يرسل رسائل ل 3 ارقام

                      Geo-fence Alarm
                      يمكن التحكم بالمناطق الجغرافيه اى انه يمكنك تحديد منطقه معينه اذا دخلتها السياره او خرجت منها يرسلك تنبيه من خلال رساله على المحمول و تنبيه على السيرفر

                      Low Battery Alarm
                      تنبيه بخفض شحن بطاريه الجهاز او بطاريه السياره

                      Speeding Alarm
                      تنبيه بتخطى سرعه محدده

                      Impact Alarm
                      تنبيه بالصدمات حيث ان الجهاز به حساس صدامات فى حاله حدوث اى حادث او اصتدام بمطب قوى يرسل لك تنبيه

                      GPS Antenna Cut Alarm
                      تنبيه بقطع الهوائى

                      External Power Cut Alarm
                      تنبيه بفصل بطاريه السياره

                      Engine Cut (Engine immobilization)
                      ايقاف محرك السياره

                      وكمان فيه حجات كتير زياده انا ضفتها ط
                      زى مثلا ان لما حد يدور العربيه تعرف ومن غير ما تكلفك حاجه
                      فى اجهزه كتير لما تحب تشغل الخاصيه دى بتشغلها برساله والجهاز بيرد عليك برساله انه شغلها
                      وطبعا لما تحب توقف الخاصيه برساله وبرده الجهاز هيرد عليك برساله انه وقفها
                      ودى طبعا كلها تكلفه ومش هتعملها كل يوم
                      وكمان لو حد دور العربيه هيبعتلك رساله وممكن مش تشوفها لو صوت الرساله عندك ضعيف فى الموبيل مثلا
                      لكن انا عملت حاجه تخلى العربيه لما حد يدورها حتى لو انت تتصل بيه وطبعا الاتصال مش هيكلفك حاجه لانك مش هتفتح الخط وفى الحاله دى لو لقيت العربيه بتتصل بيك يبقى اكيد فى حد حاول يدورها


                      Accessories

                      Standard Accessories:
                      GPS Antenna
                      هوائى للقمر الصناعى

                      GSM Antenna
                      هوائى لشبكه الموبيل او المحمول

                      I/O Cable
                      ضفيره الكبلات الخاصه بالجهاز

                      SOS Button
                      زر الاستغاثه

                      USB Cable with USB-to-Serial Adaptor
                      كابل ال usb الخاص ببرمجه الجهاز

                      CD
                      اسطوانه البرمج ودليل التعامل مع الجهاز

                      Relay
                      زى ما بيقولو عندنا كتاوت


                      Packing

                      MVT380 Dimension
                      105 x 65 x 26

                      MVT380 Net Weight
                      190g


                      ولو فى اى سؤال انا تحت امركم
                      ولو حد معاه جهاز او يعرف نوع جهاز ومش فاهم حاجه فيه يكتبلى موديله ونوعه وانا ابعتله التفاصيل اللى هو عاوزها
                      :33:

                      Comment


                      • #12
                        ط متوسط سعره وهلفيه فرجنات منه تختلف بالاكسسوارات او ما الي ذلك

                        Comment


                        • #13
                          المشاركة الأصلية كتبت بواسطة michohat مشاهدة المشاركة
                          ط متوسط سعره وهلفيه فرجنات منه تختلف بالاكسسوارات او ما الي ذلك
                          سعر الجهاز ده بيكون بيبدا من 1300 الى 1500 من غير التركيب
                          وطبعا بتفرق من تاجر لاخر لانه بيحسب تكلفته ويشوف ربحه اد ايه ويضيفه
                          والسيرفر الخاص بالجهاز ده مجانى هو صحيح بيكلف المستورد فلوس بس مبيكنش مبلغ كبير وبيكون مره واحده بس وبيكون مضاف اصلا الى ثمن الجهاز
                          يعنى انت بتاخده من البائع اصلا بالسيرفر من غير ما تدفع ولا مليم تانى غير ثمن التركيب لو هو هيركبه

                          اما الاكسسوارات
                          الجهاز بيجى بالهوائى والكابل ال usb والسى دى والضفيره والكتاوت والسيرفر
                          لان دول الاساسيات اللى لازم الجهاز يركب بيهم
                          واوعى لما تشترى الجهاز البائع يدفعك ثمن الكتاوت هو صحيخ بيدفع ثمنها لوحدها مش مع الجهاز لكن بردو ثمنها محسوب من ضمن الفلوس اللى هتدفعها اول مره
                          لكن لو مثلا انت محتاج تجيب ميكروفون للجهاز ده وتركبه بلاش تخلى البائع يجيبهولك لان ثمنه هيبقى غالى
                          وممكن يقولك 50 جنيه
                          ممكن انت تروح اى محل كمبيوتر وتشؤى ميكروفون كمبيوتر عادى من اللى بيتعلق فى القميص وثمنه 10 جنيه وتركبه
                          وهيشتغل تمام وميفرقش حاجه عن اللى هو هيجيبهولك
                          اعتقد انى قولت كل حاجه عن الجهاز ده
                          ولو فى اى حاجه مش واضحه انا تحت امركم
                          :33:

                          Comment


                          • #14
                            نسيت اجيبلكم كتيب التعليمات الخاص بالجهاز
                            وكمان عاوز اقولكم ان حساسيه استقبال الجهاز للقمر الصناعى هى -159
                            وده كويس اقصد يعنى متوسط لان فيه مديولات افضل بكتير بتوصل الى -163 فى الوضع الثابت ودى زى اللى موجود فى الاى باد بس طبعا اسعارها بتكون غاليه جدا
                            :33:

                            Comment


                            • #15
                              طب هل يمكن مراسلة الموقع والشراء منه مباشرة
                              ولاحظت انه يوجد موديل احدث في الموقع فهل هو جيد

                              Comment

                              Working...
                              X