عربية ماشية بترمي رمل في الشوارع خلوا بالكم

[Amr Axel]

بسم الله الرحمن الرحيم
السلام عليكم و رحمة الله و بركاته


انهاردة لقيت عربية نص نقل عليها شكاير رمل و اسمنت تقريبا ماشي وراها من اول التجمع الأول و الرحاب من بعيد و كنت ماشي واحدة واحدة لأني لقيت الطريق مليان رمل
لما قربت شوية لقيت واحد منهم ماسك شكارة رمل و عمال ينزل رمل منها في الشوارع طول مهما ماشيين اول ما يلاقوا عربية قربت منهم يقفلها



و لما شافني ركزت و ببص ع رقم العربية وطلعت لقيت العربية هدت ع الاخر ورا لحد ما بعدت لقيت قدامي صنية قولت الف و اجي وراهم تاني و اصورهم
مشيت وراهم و جيه من جنبي ميكروباص السواق بيزعق لهم قعدوا يضحكوا و هو دخل يمين
و انا لسه وراهم فلما لاقوني قربت و كان بيني و بينهم مترين بالكتيير وبمسك الموبايل و هصور اللي بيحصل فراح قافل الشيكارة بسرعة و اللي جنبه راح مشوح بايديه بما يعني سيبه يصور و بعدها لقيته راح منزل رملة اكتر و انا وراهم

وبعدها لفيت و ديه صورة تانية لما فضي اخر الشيكارة و بعدها مسك شيكارة تانية



و انا مشيت معرفش رايحين ع فين و مش عارف ايه السبب في الاذي ده
العربية رقمها ع ما اتذكر كان 492 بس ممكن تبان في الصور اكتر


فخلوا بالكم و بصوا في الشوارع و انتوا سايقين ليكون فيه رمل او اي حاجة تعمل كارثة

[ahmed_h_g]

لا اللى زى ده بيبقى مش هاين عليه يروح يفضي الحموله فى الجبل فبيفضيها فى الشارع زى طريق المدافن اللى عند المنطقه الحره فى مدينة نصر
كله بالشكل ده

[Amr Axel]

لا اللى زى ده بيبقى مش هاين عليه يروح يفضي الحموله فى الجبل فبيفضيها فى الشارع زى طريق المدافن اللى عند المنطقه الحره فى مدينة نصر
كله بالشكل ده

الكلام ده حقيقي بس لو كان دبش بس ده رمل نضيف و شكله ناعم و اللي بينزل عمال بيوزعه بايديه يمين و شمال شوف الصورة التانية بنفسك و احكم عشان كده انا مستغرب ايه سبب الاذي
لدرجة و انا راجع شوفت العربيات كلها ماشية واحدة واحدة من الرمل
فقولت احذركم عشان محدش يمشي بسرعة في وجود رملة زي كده خاصة لو بليل

[أحمد جودة]

الموضوع مش مفهوم اوي اية الغرض من انه يفضي رملة فى الشارع

بس اللى متاكد منه ان فيه ناس كتير مؤذية وميهمهاش اذي الناس


أنا فى يوم كنت ماشي على الطريق الدائري عند نفق التجمع ولقيت عربية نقل محملة دبش (( حجارة بيضاء كبيرة )) وشم هاين عليه يأمن الحمولة ويربط الدبش وحدثت الفاجعة الباب الخلفي للعربية النقل اتفتح وطارت بعض قطع الحجارة ومش عاوز أوقل لحضارتكم كام عربية اتدمرت واكتر مشهد شدني حجرة كبييييييييرة طارت ونزلت على زجاج سيارة كان راكبها شاب ووش العربية اتدغدغ والشاب اتعور واتبدهل

يارب اهدي لنا انفسنا

[S O P H O S]

ليه الاذي ده ّ!!!
طب والنهاية

[mshmshm3]

عادي شكلهم متخلفين عقلبا و الرمل اللي بيقع منه مش هايعمل ازمة

[ahmedhilmy]

جزاكم الله خيرا

[Amr Axel]

الموضوع مش مفهوم اوي اية الغرض من انه يفضي رملة فى الشارع

بس اللى متاكد منه ان فيه ناس كتير مؤذية وميهمهاش اذي الناس


أنا فى يوم كنت ماشي على الطريق الدائري عند نفق التجمع ولقيت عربية نقل محملة دبش (( حجارة بيضاء كبيرة )) وشم هاين عليه يأمن الحمولة ويربط الدبش وحدثت الفاجعة الباب الخلفي للعربية النقل اتفتح وطارت بعض قطع الحجارة ومش عاوز أوقل لحضارتكم كام عربية اتدمرت واكتر مشهد شدني حجرة كبييييييييرة طارت ونزلت على زجاج سيارة كان راكبها شاب ووش العربية اتدغدغ والشاب اتعور واتبدهل

يارب اهدي لنا انفسنا

ليه الاذي ده ّ!!!
طب والنهاية

عادي شكلهم متخلفين عقلبا و الرمل اللي بيقع منه مش هايعمل ازمة

عالم مؤذية يعني ممكن واحد يضرب فرامل فجأة العربية متمسكش