تجربه زيت xado .. ال 10w40

[الغزالى]

اهلا بيكم يا اهل نايل موتورز الكرام :]
ويارب تبقوا بخير وصحه خصوصا بعد احداث الفتره الى فاتت دى ..
و اخش على الموضوع على طول ..
اعرفكم بس فى الاول عربيتى كيا سيفيا 99 مانيوال ..
عدادها انتحر من زمان 207 الف
يعنى خدت على عنيها خصوصا من سواقتى لما اتهرت .. والماتور هوا الضحيه سواء من طول فتره الاستهلاك والعمر الافتراضى ليه او من كتر انواع الزيوت الى بنستخدمها وفيها من الوحش ( كتير للاسف ) وفى منها االكويس ( لقليل ) او الى بيتناسب مع طبيعه البيئه والمواتير هنا فى مصر ..
مبدأيا انا اول غيار لما اشتريت العربيه كان موبيل 1 ,,, ومش محتاج احكى عن من مدى حلاوته الى زى الزفت
تانى غيار كان ليكوى مولى بعد مقارنه بينه وبين الكاسترول مجناتيك .. حطيت الليكوى
وبصراحه كان مش حلو خالص صوت العربيه عالى وبعدين نقص او بمعنى اصح اختفى من العربيه رغم انه مكنش كمل ال 4000 كيلو ..
نزلته وقررت اشوف حاجه انضف بئى خصوصا انى الماتور مع طول الاستهلاك الجدران بتاته بتتأكل و بيحتاج ماده تسد الفراغات دى .. كنت جربت السيراتك بتاعه ليكوى مع الزيت بس طلعت فاشله او على الاقل مع عربيتى وعربيت ابن عمتى .. وال 2 سيفيا
وبعد مقارنات من الناس هنا فى المنتدى لقيت شكر كتير فى الكاسترول و الفولفولاين .. وكان كذا جد جرب الفالفولاين فررقت احطه .. خصوصا ان ال max life 10w40 مخصوص للمواتير فوق ال 120 الف كيلو متر .. فقررت احطه وفعلا اشتريته ومن اول تدويره واول مشوار بان الفرق صوت الماتور هدى .. كتير جدا عن الاول .. ولكن برضو جه ميعاد تغيره
ولقيت كذا زيت نزل السوق وبما ان عربيتى حقل تجارب لكل حاجه :]
وكنت قريت موضوع الدكتور المناهرى عن الزيوت وبعدين كلامه عن الزيت زادو وانه احسن من الفالفولاين وانه التكنولوجيا الى فيه ال nano اعلى من ال micro الى فالفولاين

http://www.nilemotors.net/Nile/368938-xado.html

وده لينك للموضوع غشان كله يستفيد منه .. وقررت احطه وصوت العربيه الحمد لله لازل هادى زى ماهو بس خلينى اعمل تقرير تانى بعد ال 5000 كيلو عشان دكتور المناهرى كان موضح ان ماده السيراميك الى فالزيت بيبان مفعولها بعد 2000 كيلو ..
واسف لو كنت طولت عليكم .. :]

[Ahmed Amin]

أولاً بشكرك علي تقريرك دا,, وأنت مطولتش خالص, وموضوع منسق وواضح بشكل ممتاز.
أنا مستني تقريرك التاني من دلوقتي,, وياريت تبقي تحط لنك ليه هنا عشان يجيلي notification بيه.

ويارب يكون الزيت دا كويس زي ما بيقولو, ويريح موتور عربيتك عن الزيوت اللي فاتت,,

[Ahmed_Ramadan]

يعنى مصدعنا يا عم إنت و مفيش تقرير بالتجربة ... ده أنت عيل رخم

[horas3000]

تسلم يا كبير
و هو انت قافل ال facebook بتاعك ولا ايه
بيقولي deactivated
متنسنيش في موضوع ال 5008

[الغزالى]

أولاً بشكرك علي تقريرك دا,, وأنت مطولتش خالص, وموضوع منسق وواضح بشكل ممتاز.
أنا مستني تقريرك التاني من دلوقتي,, وياريت تبقي تحط لنك ليه هنا عشان يجيلي notification بيه.

ويارب يكون الزيت دا كويس زي ما بيقولو, ويريح موتور عربيتك عن الزيوت اللي فاتت,,

يا فندم لا شكر على واجب :]
وانا تحت امرك الظروف تسمح بس .. وانا هاشغلها تاكسى عشان ايه الكلام مع الزيت ده ... بس بدايه جميله

يعنى مصدعنا يا عم إنت و مفيش تقرير بالتجربة ... ده أنت عيل رخم

مهو حطيت الزيت اهو .. مش كفايه كده

تسلم يا كبير
و هو انت قافل ال facebook بتاعك ولا ايه
بيقولي deactivated
متنسنيش في موضوع ال 5008

اه قافله بريح الجمجمه شويتين ..
ابعتلى رقمك
و هاقولك على كام حاجه برضو كده موجودين وهاشوفلك ال 5008 بكره برضو ان شاء الله

[الغزالى]

[Samah AbdAllah]

في انتظار تقييم الاداء بعد فترة
يارب يبقا كويس :-)

[horas3000]

اه قافله بريح الجمجمه شويتين ..
ابعتلى رقمك
و هاقولك على كام حاجه برضو كده موجودين وهاشوفلك ال 5008 بكره برضو ان شاء الله

خير ما عملت
و بعت لك النمره علي الخاص

[الغزالى]

في انتظار تقييم الاداء بعد فترة
يارب يبقا كويس :-)

ان شاء الله ...
بس يارب نلاقى بنزين وطرق مفتوحه عشان نجربه :]

خير ما عملت
و بعت لك النمره علي الخاص

تمام وصلت يا شريف ورديت عليك

[Karim_Monir]

ومحتاج اعرف منك حاجتين
صوت الموتور عالسلانسية وهل في رعشة ملحوظة في الموتور ولا هادية ؟؟ وصوت الموتور مع تاكوميتر عالي 4 او 5
وكمان اخبار التشتيت الحراري بتاعه ايه والمروحه بتشتغل كتير معاه ولا ولا معدل طبيعي

[Amr Axel]

نعم ؟؟؟ ايه يا عم انت كل ده و في الاخر طلعت حطيت الزيت بس ؟؟ :)

انزل بالانطباع المبدأي عن الزيت ايه الاحساس اللي حسيته بمجرد ما حطيته و مشيت بيه لحد دلوقتي ؟؟ يعني صوت الموتور ع سلانسيه و نقلات و اخبار النقلات ايه و الار بي ام

[S O P H O S]

سمعت عن الزيت ده هنا لكن متعملتش بيه
قبل كده ياريت تقولنا تقيمك

[Akram.Gamal]

منتظرين الانطباع عن التجربه
و تفاصيل اكتر
وربنا يديك و ومتورك طولة العمر :d

[ahmed_h_g]

أنا مستني

[roland_yamaha]

عاوز أعرف صوته ع السلانسيه عامل ايه يا غزالي عشان حاطط وولف 10-40 والصوت عندي عالي