اترعبت على الصحراوى النهارده

[aldesha989]

السلام عليكم

يا جماعه انا انتخنقت من العربيه بنت الهرمه دى

حسيت النهارده وانا راجع من العجمى ان مافيش ثبات وانا كنت عايز اجرب علشان كده رجعت صحراوى

110 و100 تحس ان مافيش ثبات تمامآ والعربيه طارت كذا مره ونطت شمال

وادوس فرامل مع لفه الدركسيون تحس انها بتحدف جامد لليمين

ايه الحوار ده

مع انى لسه حالآ مغير فردتين ورا ومن اسبوعين مغير فردتين قدام وكان اللى قبلهم مافيش عومه للدرجادى يعنى كنت بمشى 120 ومش حاسس بغير انها بتنط بس مع المطبات اللى على الحصراوى لكن النهارده خوفتنى بجد 110 وتنط جامد ومع اى تصدع فى الارض تحس انها بتعوم

ده غير اساسآ ان السحب زى الزفت مع انى ظابط كهرباء ومغير بوجيهات ومنضف ابن الجزمه الكربراتير ومغير فلاتر وبحط بنزين 90 وساعات 92

وتحس ان الخامس ملهوش اى لزمه يعنى قرصت على الرابع لحد 110 واول ما اجيب خامس مافيش تجميع نهائى

وعلى فكره مغير ديسك واسطوانه من كام شهر ولسه ما عملتش اربع الاف كيلو عليهم

[ahmed salah90]

عموما حمد لله على السلامه اهم حاجه
بالنسبه للتعويمه فهي ممكن تكون جلب مقصات و عفشه عموما او من المساعدين خفيفه فهي تسبب التعويمه و ممكن تقلب العربيه كمان مع مضبات الهوى بتبقى حاجه غبيه
اما للحدفه مع الفرامل ممكن تكون عيب تيل فرامل تلاقي فرده بتمسك و التانيه موش بيمسك كويس
و الله اعلم

[aldesha989]

عموما حمد لله على السلامه اهم حاجه
بالنسبه للتعويمه فهي ممكن تكون جلب مقصات و عفشه عموما او من المساعدين خفيفه فهي تسبب التعويمه و ممكن تقلب العربيه كمان مع مضبات الهوى بتبقى حاجه غبيه
اما للحدفه مع الفرامل ممكن تكون عيب تيل فرامل تلاقي فرده بتمسك و التانيه موش بيمسك كويس
و الله اعلم

هى المساعدين اللى ورا رايحين فى الهوا انا عارف بس اللى قدام ناشفين
وجلب المقصات انا شاكك فيها لانى حسيت ان العربيه بتعوم من اقل عدله للدركسيون يمين او شمال حاسس ان فى حاجه غلط ومش مظبوطه مع انى لسه مغير المقصات من كام شهر

[amrelsaqqa]

راجع ياباشا على العفشة كلها خصوصا الزوايا والمقصات والجلب وطبعا الفرامل عشان الحدفة اللى مع الفرملة دي

[ahmedalaahosny]

ياعم صلى ع النبى مش كده هدى نفسك هو اينعم مش معقوله بعد المرمطة دى ومشاكل مع العربية كل يومين تبقى غير مرضيه بس هتعمل فيها ايه هتولع فيها !! هتصلحها

[aldesha989]

راجع ياباشا على العفشة كلها خصوصا الزوايا والمقصات والجلب وطبعا الفرامل عشان الحدفة اللى مع الفرملة دي

انا كنت لسه ظابط زوايا بعد الكاوتش ممكن اللى ظبطها ما ظبطهاش كويس مثلآ ؟

ياعم صلى ع النبى مش كده هدى نفسك هو اينعم مش معقوله بعد المرمطة دى ومشاكل مع العربية كل يومين تبقى غير مرضيه بس هتعمل فيها ايه هتولع فيها !! هتصلحها

انا اللى خايف منه ان العربيه اصلآ تبقى زفت وتفضل تعوم كده وموضوع السحب ده كمان

ونفسى اخلص من الحاجات دى

[hilal]

راجع برضه على قطمة الدركسيون

[aldesha989]

راجع برضه على قطمة الدركسيون

ايه اعراضها وماحدش لمسها

هل ممكن تكون الكبالن تتسبب فى التعويم

لان كان عندى المشرشر اللى على اكس الكوبلن الخارجى مش كويس ومره الاكس صدر فى الكوبلن ولما تكسر الدركسيون كله شمال العربيه ما تطلعش كأنه ديسك واسطوانه بس هى كوبلن

وكان فى تعويم قبلها ولما ظبطت رأس الكوبلن وركبته مؤقتآ على الوقت ده ظبطت شويه بس هل المشكلة ممكن تكون عادت وتطلع تانى من الكوبلن الخاارجى

[Land_Cruiser]

رأيي ان حضرتك تدور علي عفشجي شاطر يظبطهالك و تستلمها منه بدون مشاكل

[aldesha989]

رأيي ان حضرتك تدور علي عفشجي شاطر يظبطهالك و تستلمها منه بدون مشاكل

المشكلة ما اعرفش اى عفشجى فى اسكندريه نهائى ما اعرفش غير الميكانيكى بتاعى بس

[Hobgoblin]

يا فندم حضرتك عامل مواضيع كتير قوي عن مشاكل في عربيتك.

هي كدة مكلفاك كم؟ أنا رأيي تبيعها وتشوف حاجة حالة كويسة تريحك.

صدقني لو طبعاً الماديات تسمح هترتاح نفسياً بدل اللف على الصنايعية


ربنا يوفقك

[aldesha989]

يا فندم حضرتك عامل مواضيع كتير قوي عن مشاكل في عربيتك.

هي كدة مكلفاك كم؟ أنا رأيي تبيعها وتشوف حاجة حالة كويسة تريحك.

صدقني لو طبعاً الماديات تسمح هترتاح نفسياً بدل اللف على الصنايعية


ربنا يوفقك

مكلفانى كتير بس انا من النوع الموسوس فى العربيه ومش بحب حاجه مش مظبوطه يعنى فى ناس بتطنش على حاجات وتقول لما تجيب اخراها بس انا ما بعرفش امشى باى حاجه مش مظبوطه وبفضل وراها لحد ما اخلص منها علشان كده بتصرف معايا كتير

لو الماديات تسمح والله ماكنت قربت للمستعمل اكتر حاجه بكرها ولو بعتها مش هجيب الا زيرو لو ربنا اراد ان شاء الله

[Mecha]

sway bar bushes and drive slowly
max 100 km

[aldesha989]

sway bar bushes and drive slowly
max 100 km

مافهمتش المصطلح ولا فهمت تقصد ايه

[Land_Cruiser]

المشكلة ما اعرفش اى عفشجى فى اسكندريه نهائى ما اعرفش غير الميكانيكى بتاعى بس

أتفضل يا فندم الموضوع ده ان شاء الله يفيدك و ممكن تستفسر عن اي معلومات اضافيه من أصحاب المشاركات فيه

http://www.nilemotors.net/Nile/369872-a.html