تقليص ساعات الحظر لتصبح من 9 م ل 6 ص

[Karim_Monir]

السلام عليكم ورحمه الله

تم تقليص عدد ساعات الحظر لتصبح من التاسعهة مساء حتي السادسة صباحا من اليوم التالي

تحياتي

[maio_do]

عبقال مايتفك خالص والكماين تتشال

[Khaled Lanos]

عقبال ما ينتهي :)

[Imhotep]

ما هو ده اللى كنا بنقوله انهم مش غاويين رخامة على الناس فى عز الصيف و بيراجعوه و اهم فعلا خففوه

[monamize4]

خبر جميل

[S O P H O S]

شئ كويس
وان شاء الله قريب ميكنش في حاجة للحظر والحياة ترجع لطبيعتها
بأذن الله ..

[Bassem Youssef]

الحمد لله

[akmm]

كويس واحنا قابلين بالخنقه دى ان كانت الضريبه الوحيده لإستقرار البلد اللهم انصر مصر .

[ahmedhilmy]

التقليص يوميا ما عدا يوم الجمعه

[a raafat]

جماعه هوه ايه اخبار السواقه والطرق قبل ساعات الحظر ؟
انا حاسس انى لو نزلت بالعربيه مثلا من 5 ل 8 هلاقى زحمه شبيه بزحمة الزروه لان الناس كلها عايزه تنزل وتتفسح وتلحق ترجع قبل الحظر !!!!!! زى بالظبط السواقه فى رمضان قبل الفطار الناس كلها بتبقى عايزه تلحق ترجع قبل ادان المغرب
تفتكروا انا احساسى ده صح ولا لا ياريت الناس اللى بتنزل تقولى لان انا تقريبا راكن العربيه ومش عايز ابهدل نفسى فى الزحمه ووجع الدماغ ده فى نفس الوقت نفسى انزل بيها وامشيها شويه

[ahmedhilmy]

دي حقيقه و كمان التجمعات بتزيد في النديه - المطاعم - محلات السوبرماركت - محطات البنزين

[abo_lamar]

يالا ربنا يسهل ويتفك الحظر خالص

[abo_lamar]

مشكلة الحظر ده انه خلى اسعار الحاجات المهمة زي الخضراوات و الفاكهة عليت اوي

[abo_lamar]

ده غير القعدة في البيت والملل مع ان في قهاوي كتير فاتحة عادي

[dede_dodo88]

يا ريت يخلوا الحظر ده متطبق حبة حلوين لحد ما الناس تتعود على الحياة النهارية بدل حياة الخفافيش اللي أغلب الشعب عايشها..