إعـــــــلان

Collapse

.

,
See more
See less

افتراضي طريقه استخراج الرخصه الخاصه+مذكره لاختبار الاشارات "الاختبار النظرى"

Collapse
X
 
  • Filter
  • الوقت
  • Show
Clear All
new posts

  • افتراضي طريقه استخراج الرخصه الخاصه+مذكره لاختبار الاشارات "الاختبار النظرى"

    السلام عليكم ورحمه الله وبركاته



    نبدا على بركه الله
    انا النهارده هتكلم فى موضوع الرخصه الخاصه بالكامل وهقسم الموضوع ل3 اقسام
    1-- الورق المطلوب منك
    2-- اختبار عملى "S"
    3--اختبار نظرى " الاشارات" وده الحمدلله جايبلكم فيه مذكره مش هيخرج الاختبار



    القسم الاول "المتطلبات

    متطلبات استخراج الرخصه الخاصه :
    1 - 4 صور شخصيه .“ يا ريت تاخد معاك 2 احتياطى”
    2 - شهاده صحيه باطن و نظر من اى مستشفى ..
    . . .وتحتوى على فصيله الدم
    3 - 4 صور للبطاقه + الاصل.
    4 - اثبات مؤهل دراسى “ ولو طالب يبقى صوره.
    لكرنيه كليه حضرتك ”




    القسم الثانى الاختبار النظرى "الاشارات"
    بعد تخليص الاجرءات وتسليم الورق المطلوب بتدخل على اختبار النظرى بيكون على جهاز كومبيوتر
    عباره عن 12 سؤال لازم على الاقل تجاوب 10 صح
    علشان لو لا قدر الله سقط هتستنى 100 يوم علشان الاعاده
    بص من الاخر باذن الله المذكره اللى انا رفعتها على النت هتجيب من الاخر
    انا الحمد لله ذكرتها وجبت 100 %
    مجرد تقراها مرتيت تلاته والسلام
    ده لينك ممكن تنزلها منه من موقع 4shared
    الاختبار النظرى الاشارات لاستخراج الرخصه الخاصه - Download - 4shared
    بس متنسوش الدعاء لاخوكم ولكل اللى شارك فى المذكره دى
    وكمان هرفعها فى المرفقات



    نوصل لثالث واخر قسم الاختبار العملى الاس
    باذن الله بعد النجاح فى اختبار الاشارات هتنزل للاختبار العملى
    وده لو خلصتو صح من غير ما توقع اى قرطاس تروح تتصور ومبروك الرخصه

    ده فديو بيوضح الاختبار https://www.youtube.com/watch?v=vaHwvyqGMvs

    وباذن الله يكون سهل بس ادرب كتتتتتيييييييييير علشان تنجح من اول مره
    لو لا قدر الله منجحتش هيقولك تعيد بعد اسبوع او اتنين بالكتير


    انا اللى خلانى اعمل الموضوع انى لما جيت اطلع الرخصه لفيت كتيير اوى عقبال ما عرفت المتطلبات واكتر واكتر علشان المذكره فقلت ارفعها بدل ما الناس تدوخ
    فى النهايه احب انكم تكونو استفدتم
    ولو فى اى استفسار انا فى الخدمه

    فى انتظار تقيمكم للموضوع

  • #2
    للاسف معرفتش احط الملف فى المرفقات علشان حجمه كبيير

    Comment


    • #3
      موضوع جميل ,, تسلم ايديك
      [COLOR=Black]الحمد لله عدد ما احصى كتابه و الحمد لله على ما احصى كتابه
      الحمد لله ملء ما فى السموات و ملء ما فى الارض و ملء ما بينهما [/COLOR]
      [img2]http://nileup.com/up/uploads/nilemotors_13651184541.jpg[/img2][COLOR=Black]
      [SIZE=4] You decide on your speed. Physics decides whether you live or die(بأمر الله طبعا)[/SIZE][/COLOR]

      Comment


      • #4
        انا عملت الورق مرتين عشان اطلع رخصة خاصة ويصقطونى
        لغاية ماقلتلهم فية اية بالظبط
        قالولى ....
        هتلنا واسطة او روح ادفع مدرسة

        قولتلهم انا بسوق وانا عندى 15 سنة
        وعارف الاشارات كويس والحمدلله محترف فى السواقة
        عادولى نفس الجملة

        بلد تقرف ربنا يطلعنا من الدنيا على خير

        Comment


        • #5
          جزاك الله كل خير الحمد لله لم ادفع ولا مليم لاحد عشان اطلع الرخصه وعندي اصحابي كتير طلعوها بدون واسطه وبدون دفع فلوس

          Comment


          • #6
            تجربتي كانت كالتالي,
            رحت مرّتين وسقّطوني في العملي, بسبب العربية الشاهين الظريفة اللي حاطين فيها حتّة طوبة تحت دواسة البنزين عشان محدّش يجري بيها, والنتيجة اني مش عارف اظبط الميزان والعربية فصلت منّي كذا مرّة وبالتالي معرفتش أظبط المسافات والأبعاد ووقّعت آخر قمعين.
            وطبعاً المهندس هناك يبصّلك باحتقار الدنيا كلّه ويقولك: "روح اتدرّب يابني وتعالى بعدين"

            المرّه التالتة كلّمت البيه الشهاوي الواسطة بتاعتنا قبليها بيوم ودخلت أتصوّر على طول.
            كوسة بالصلصلة يعني.

            شكراً ليك موضوع قيّم.
            [SIGPIC]http://www.nilemotors.net/Nile/signaturepics/sigpic136214_1.gif[/SIGPIC]
            [SIZE="5"].Regret Nothing[/SIZE]

            Comment


            • #7
              شكرا للافادة

              Comment


              • #8
                تسلم ايدك يا فندم

                Comment


                • #9
                  المشاركة الأصلية كتبت بواسطة ahmed nasser مشاهدة المشاركة
                  انا عملت الورق مرتين عشان اطلع رخصة خاصة ويصقطونى
                  لغاية ماقلتلهم فية اية بالظبط
                  قالولى ....
                  هتلنا واسطة او روح ادفع مدرسة

                  قولتلهم انا بسوق وانا عندى 15 سنة
                  وعارف الاشارات كويس والحمدلله محترف فى السواقة
                  عادولى نفس الجملة

                  بلد تقرف ربنا يطلعنا من الدنيا على خير

                  والله انا خلصت كل الموضوع لواحدى
                  بس اللى غلس معايا الاختبار العملى والحمدلله عدى بالحب

                  Comment


                  • #10
                    شكرا لحضرتك علي مجهودك في عمل موضوع مهم زي ده.
                    بس بعد إذنك لو ينفع تنزل المذكره دي بجوده أعلي لأنها باهته ومش واضحه اوي أو حتي تنزلها عباره عن مجموعة صور بكاميرا نقيه تخلي الصور أوضح علشان تقدر تفيد الناس اكتر.
                    وشكرا ليك مره تانيه.
                    [SIZE=4]Mr.Essam Ibrahim Abdelhamid Ayad[/SIZE]
                    An English language teacher - Kuwait
                    [img2]http://www5.0zz0.com/2013/02/26/16/410206724.jpg[/img2]

                    Comment


                    • #11
                      لو حد يعرف مرور اكتوبر اختبارة شكلة اية يقولى يعنى u ولا S ولا اية بالظبط

                      Comment


                      • #12
                        [quote=esam_ayad;3875163572]شكرا لحضرتك علي مجهودك في عمل موضوع مهم زي ده.
                        بس بعد إذنك لو ينفع تنزل المذكره دي بجوده أعلي لأنها باهته ومش واضحه اوي أو حتي تنزلها عباره عن مجموعة صور بكاميرا نقيه تخلي الصور أوضح علشان تقدر تفيد الناس اكتر.
                        وشكرا ليك مره تانيه.
                        [/quot]



                        والله حضرتك البهتان ده من المذكره نفسها وانا مصورها بكميرا 16 ميجا
                        وباذن الله هحاول ادور على مذكره جودتها اعلى
                        وشكرا لمرورك

                        Comment


                        • #13
                          اولا تسلم علي المجهود والافادة

                          تاني حاجة بس انا عايز افعرف الاختبار دة كان في مرور اييه بالذات بتاع الاشارات الي علي الكمبيوتر دة
                          عشان انا لسة مختبر في مرور عبود وكان عبارة عن لوحة فيها الاشارات كلها وهو شاورلي علي اشارتيين اتنين بس وعديت علي كدة

                          Comment


                          • #14
                            [والله حضرتك البهتان ده من المذكره نفسها وانا مصورها بكميرا 16 ميجا
                            وباذن الله هحاول ادور على مذكره جودتها اعلى
                            وشكرا لمرورك[/quote]


                            شكرا لحضرتك وأتمني انك تلاقي مذكره أفضل شويه من اللي موجوده
                            [SIZE=4]Mr.Essam Ibrahim Abdelhamid Ayad[/SIZE]
                            An English language teacher - Kuwait
                            [img2]http://www5.0zz0.com/2013/02/26/16/410206724.jpg[/img2]

                            Comment

                            Working...
                            X