لماذا يتم عمل عمرة للموتور

[hulkyehia]

بسم الله الرحمن الرحيم
السلام عليكم ورحمة الله و بركاته
بما انى جديد فى موضوع السيارات فعندى سؤال
لماذا يتم عمل عمرة للموتور و هل كل السيارات جديد و قديم
وشكراً

[aldesha989]

العمره بتتعمل للماتور لما يبتدى يأكل زيت او يطلع دوخان ابيض كثيف لو لا قدر الله لان الماتور بيخبط او البساتم اتكسرت او اى حاجه عيب داخلى فى الماتور كبير

او وش السلندر اهم حاجه لو العربيه قديمه غير فلتر الزيت مع كل غيار زيت علشان تحافظ عليه حاول تحط زيت نضيف تحافظ على حرارة العربيه لو بتسخن لازم تحل المشكلة بسرعه

تحاول ما تمشيش على الزيت اكتر من المفروض ولو اقل من المفروض بيبقى افضل

وبكده تقدر تحافظ عليه

ولو الماتور بيحتاج خراطه بيكون التغير فى الحالة دى على رائى الزملاء افضل

[M I D O]

العمرة بتتعمل للمحركات القديمة الزهر انما المحركات الجديدة قليل الي بيتعملها عمرة ولو المحرك باظ بيترمي

[Bassem Youssef]

نظرا لتاكل الاجزاء الداخليه للمحرك

[hulkyehia]

العمره بتتعمل للماتور لما يبتدى يأكل زيت او يطلع دوخان ابيض كثيف لو لا قدر الله لان الماتور بيخبط او البساتم اتكسرت او اى حاجه عيب داخلى فى الماتور كبير

او وش السلندر اهم حاجه لو العربيه قديمه غير فلتر الزيت مع كل غيار زيت علشان تحافظ عليه حاول تحط زيت نضيف تحافظ على حرارة العربيه لو بتسخن لازم تحل المشكلة بسرعه

تحاول ما تمشيش على الزيت اكتر من المفروض ولو اقل من المفروض بيبقى افضل

وبكده تقدر تحافظ عليه

ولو الماتور بيحتاج خراطه بيكون التغير فى الحالة دى على رائى الزملاء افضل

العمرة بتتعمل للمحركات القديمة الزهر انما المحركات الجديدة قليل الي بيتعملها عمرة ولو المحرك باظ بيترمي

نظرا لتاكل الاجزاء الداخليه للمحرك

شكراً لهذة المعلومات القيمة وجزاكم الله خير
منكم نستفيد

[Rapper]

علي حسب في حاجه اسمها نص عمره ممكن تغير مثلا وش سلندر
و العمره الكامه بتكون مثلا للموتور القديم شويتين موديل 80 مثلا انا بديك مثل
بيكون استهلك جامد
و في ناس بتفضل انها تعمل عمره احسن م تجيب موتور مستورد من بورسعيد
بيقولك انا اعمل الموتور علي ايدي احسن ما اجيب موتور بردو انا مش ضامنه
بس بيني و بينك هي بتعتمد علي المحافظه علي الحاجه
مدام انت بتحافظ علي الحاجه هتفضل عايشه معاك
بس بردو كل حاجه وليها عمر

[abokoko]

الاستهلاك والعمر الافتراضي
بيحصل تاكل لاجزاء المحرك والعمره نص او كاملة بتقبي على حسب الحالة
والعمره بيكون لها عدد مرات كحد اقصى 3 مرات او 4 وبعدها يتجاب موتور تانى
جديد او استعمال
طبعا موتور ال لادا له عمر افتراضى وموتور المرسيدس له عمر افتراضي - يعنى النوع له عامل
كمان الاستخدام نفس له عامل - هل بتقرص على العربيه ومدى مراعاه السخونيه اول باول وتجنب اسبابها
وزيت الموتور والبنزين المناسب للعربيه والتحميل على العربيه بالاوزان الزائده ووو