نصابين الكاوتش

[esam_refaat]

خللوا بالكم من نصابين الكاوتش اللى بيعملوا اخرام فى العجل اثناء تزويد الهواء مثلا
حصلت معايا فى اول ش الزيات من ناحية جامعة القاهرة والسيناريو كالاتى :
انا : اكشفى لى على العجلة وراء يمين وضبط هواء
النصاب :الفردة كويسة بس اللى قدام ناقصة جامد .. لف لى الدركسيون على الاخر
رحت الف الدركسيون ورجعت
النصاب : الفردة فيها كذا خرم ومش هتمشيك لاخر الشارع
انا :لو زى ما بتقول كنت حسيت بيها فى الدركسيون وانا ماشى .. سيبها دى تيوبلس مش هتنام وانا معايا منفاخ ومستعجل على الشغل
النصاب : لازم تعملها وقعد يرخم وعاوز يعملها بالعافية
طبعا شكيت فيه على طول ومشيت
و فى اخر اليوم رحت لبتاع الكاوتش اللى بتعامل معاه ليقت 4 خروم جنب بعض عملهم ابن ... بمسمار فى ايده وانا بلف الدركسيون
اللى ضايقنى ان الكاوتش لسه شاريه من 3 شهور وال 4 خروم فى الفردة دول ممكن يحصلوا على مدى 3 سنين مثلا
المهم خللوا بالكم ومتقفوش عند اى بتاع كاوتش غبر اللى متعودين عليه وربنا يكفينا جميعا شر المواقف الطارئة

[akmm]

لاحول الله

[Haitham Basha]

يا باشا انت و 4 خروم أنا الضلالي الي في البنزينة الي في أول عباس قالي 14 خرم يا راجل دي كانت ليلة و أمة لا إله إلا الله كلها اتفرجت عليه و هو بيتعمل معاه الصح و لبسته في فرده جديدة ميشلان زي الي كانت راكبه طبعاً بعد سلسلة wwe الي حصلت جوة المحطة هههههههههههههههههههه بصراحة الراجل مشفتوش تاني في عباس العقاد كلو هههههههههههههههه :)))

[aldesha989]

حسبى الله ونعم الوكيل

ما تقلقش تمشيك ان شاء الله

[eng.salama93]

واحد صاحبي عملوها معاه ف اوبترا مأجرها و لبسوه 14 خابور ب 140 جنيه

[abdulhafeez]

حاول دايما انت اللي تنفخ الكاوتشات بتاعتك انا شفت بتاع التاكسي بعمل كدا يخش ياخد المنفاخ ويزود العجل ويدفع ويمشي ......... طبعا احنا بتوع الملاكي عيب نعمل كدا فبنتلب في خرم الكاوتش

[احمد فهمى]

الموضوع ده انتشر الكام شهر اللى فاتو بشكل عجيب وفى موضوع تانى يقولك العجله ناقصه اكشفلك وانت واقف ويجيب ازازة مياه المفروض فيها مياه بصابون بس بيحطو كربوناتو لمى يرش المياه على العجله تعمل كآن العجله مخرومه وبيخرج هوا شغل نصب وخلى بالكو احياننا بيكون معاه موس ويقطعلك البلف ويقولك بينفس فتركزو دايمآ معاه وهو بيزود العجل ولو عندك مسمار وهيلحمها ادخل معاه ﻷن مره واحد شق العجله من جوه بموس وقالى شايف محتاجه لحامات كتير وكانت بريدجستون وجديده والله شوية مجرمين فكلو ياخد بالو يعنى لو هتزود انزل بنفسك لف معاه على العجل

[mhDeeb]

اتعملت معايا قبل كدة 5 خرم في ميت عقبة وكان كاوتش جديد بردة

حسبى الله ونعم الوكيل فيهم

[ahmedteam]

لاحول الله

حضرتك الصح تقول لا حول و لا قوه الا بالله

أسمع كثير من الناس يرددون ( لا حول الله ) هل هذه الكلمة جائزة

http://majdah.maktoob.com/vb/majdah48163

[ahmedzizo131]

بسم الله الرحمن الرحيم
حسبنا الله و نعم الوكيل

[S O P H O S]

معلش يا باشا
هما دايما اول ما يقولك لف العجلة بيكون بيخرم الكاوتش
وافضل شئ انك حتي لو العجل كله علي الارض
ساعتها متعملش عنده حاجة
علشان الاذئ الي عمله ميستفدش بيه بجنيه ويبقي حسابه عند ربنا ..