ينفع اسافر دلوقتي بالعربية الجديدة من غير نمر ولا لازم تجاري ؟

[hmghamry]

دلوقتي يا شباب انا عايز ارخص بس انا بطاقتي اسكندريه فلازم اروح اسكندريه ارخص بس المشكله اني مش لاقي في اكتوبر نمر تجاري خالص وناس قالولي في حته اسمها هدى شعراوي فيها ، فياريت حد يقولي فين هدى شعراوي دي بالضبط ولو هاركب تاكس اقوله ايه بالضبط ولا اركب ايه من اكتوبر عشان مش عايز انزل البلد بالعربيهمن غير نمر في الظروف دي ياريت تساعدوني ياشباب لاني تعبت من البحث عن النمر ..
ولا اسافر وخلاص ومعايا ورقها والافراج الجمركي وخطاب المرور الموجه لاسكندرية .. بس الجيش لو وقفوني مش هيفهموا الكلام ده خالص دي عربية من غير نمر يعني مصيبه وكذلك المرور اخاف يفلسوا ..

[sayco100]

ومش الجيش وبس انت معاك ورقها يهنى لو اتثبت بدون نمر وبورقها كأنك بتهديها لأى عصابة اللى بيشمشموا على اى عربية جديدة يدون نمر خد بااااااااااااالك اوى
ومش عارف والله افيدك بحاجة .. وربنا يسترلك طريقك ان شاءالله

[أحمد كمال]

ارفعها على ضهر كساحة لاسكندرية و اركب معاه و معاك المبابعة و الورق لو الجيش وقفك توريهم الورق

[ahmedteam]

بلاش تمشى بالعربيه من غير نمر ناس كتيير حصلت معاهم مشاكل بسبب الحوار ده

[mohammedabdallh]

من اى معرض يا كبير
خش قوله عاوز نمر هيدهالك ب 50 الى 100ج حسب المعرض(( على مزاجه يعنى))
او ونش بس مش هيبقى اقل من 300ج الى اسكندريه ودى اقل حاجه

[GMakram]

ارفعها على ضهر كساحة لاسكندرية و اركب معاه و معاك المبابعة و الورق لو الجيش وقفك توريهم الورق

هيا فعلا النمر التجاريه موجوده فى مكان فى وسط البلد فى شارع اسمه هدى شعراوى بس مشكله النمر دى انها ممكن تكون مضروبه اصلا,مش كل اللي بيأجروها بيكونوا امناء,ده غير انك هتكتب وصل امانه بمبلغ كبير على نفسك بالاضافه انك هتدفع مبلغ تأمين علشان لو لاقدر الله ضاعت منك النمر او اتسرقت ده غير انك مش مسموحلك تركب اى حد معاك فى العربيه طلما عليها نمر تجاريه,الموضوع مش سهل وغلس,انا بقوللك الكلام ده كله بناء على تجربه قديمه كنت فيها مع استشارى من المنتدى هو مينا علشان هو كان عايز يأجر النمر دى برضو لعربيته لحين ترخيصها وتراجع عن الفكره وانا كنت نزلت معاه ساعتها شارع هدى شعراوى ده,لو عايز معلومات اكتر تقدر تراسل مينا بس نصيحه بلاش الفكره دى هتكلفك فلوس كتير اوى ومش مضمونه,خليك فى فكره رفع العربيه على كساحه فعلا احسن وبالتوفيق

تحياتى

[mohamed_selim]

هدى شعراوى فى وسط البلد شارع يمين بين التحرير و طلعت حرب ... جنب فلفله ... هات نمر تجارى او كساحه متمشيش من غير نمر !

[Ashraf_Ibrahim]

زي ما عرض أحد الاصدقاء
ارفعها على ونش وخدها لاسكندرية ولو محتاج ونش انا جنبي واحد محترم جدا وأمين والونش بتاعه جديد كمان :]

[mohamed_selim]

الونش على فكره مش هيبقى مكلف قوى مقارنة بالنمر .. النمر بتتاجر باليوم و مش هتقل عن يومين و اليوم بين 80-120 زائد مشوار تجيبها و ترجعها (ده لو هترجعها تانى يوم اصلا) و الورق اللى هتمضى عليه ....

[2CODE]

طبعاً زي ماقالوا الاخوه الافضل ترفعها على كساح واركب معاه وتستريح