تصريح العربيه هيخلص ومش عارف ايه الاجرائات

[احمد المصرى]

السلام عليكم

العربيه كانت مرور الدقى وانا حولتها لمرور 6 اكتوبر واخد تصريح 6 شهور من انى مجدد 3 سنوات والتصريح هيخلص كمان كام يوم

المفروض انى هروح المرور علشان اشوف الملف جه ولا لسه طيب لو الملف جه هاخد رخصه بباقى المده صح كدا .... طيب لو الملف مجاش ايه الاجراء وهتتكلف كام تقريبا مع انى دافع ال 3 سنوات كامله

[Silent~Dream]

ان شاء الله هتلاقى الملف موجود لانهم بيدوا مده اكبر من احتماليه انه يجى هتجيب نموذح فحص و تديه لموظف الملاكى و بعدين تاخده تختمه من الضابط
و ترجع تديه للموظف تانى و بس تستنى لما ينادولك على الرخصه و هتاخدها طبعا ب ثلاث سنين و حاسبين ال6 شهور طبعا منهم ( يا ريت لو قولت حاجه غلط حد يصححلى )

[Abdelmoneem]

ان شاء الله هتلاقى الملف موجود لانهم بيدوا مده اكبر من احتماليه انه يجى هتجيب نموذح فحص و تديه لموظف الملاكى و بعدين تاخده تختمه من الضابط
و ترجع تديه للموظف تانى و بس تستنى لما ينادولك على الرخصه و هتاخدها طبعا ب ثلاث سنين و حاسبين ال6 شهور طبعا منهم ( يا ريت لو قولت حاجه غلط حد يصححلى )

الموضوع ده حصل معايا من أسبوعين،
لو الملف مجاش الموظف هيعملك حاجة اسمها استعجال (غالبًا عشان يبعته للمرور التاني عشان يستعجل الملف) وهتاخد تصريح تاني بـ 6 شهور كمان،

بالنسبة للمصاريف هتصرف بتاع 20 أو 30 جنيه أو أقل مش فاكر بس حاجة بسيطة، والإجراء بسيط يعني مش هتعد كتير،

بس إن شاء الله تلاقي الملف وتاخد الرخصة وترتاح لآخر مدة التجديد.

[Ayman_Aly]

كنت نفس الحالة بس مرور شبرا الخيمة
رحت بعد ال6 شهور خدت وصل كومبيوتر قيمته 10 جنيه
وصورة البطاقة وأصل التصريح
سلمتهم للموظف واتسلمت الرخصة بعد 3 ساعات علشان البهوات يشربوا الشاى ويفطروا براحتهم وبعدين يقوموا يشتغلوا

ولما لمحت الملف بتاعى لقيت فيه الأوراق اللى جبتها وقت التحويل.. ما جاش فيه الورق اللى كان فى المرور القديم اللى كانت تبعه

[احمد المصرى]

ان شاء الله هتلاقى الملف موجود لانهم بيدوا مده اكبر من احتماليه انه يجى هتجيب نموذح فحص و تديه لموظف الملاكى و بعدين تاخده تختمه من الضابط
و ترجع تديه للموظف تانى و بس تستنى لما ينادولك على الرخصه و هتاخدها طبعا ب ثلاث سنين و حاسبين ال6 شهور طبعا منهم ( يا ريت لو قولت حاجه غلط حد يصححلى )

نموذج فحص ايه يا باشا اكيد انت غلط والنبى قلى انك غلط اكيد مش هفحص تانى هههههههههههههه كفايه اوى فحص ......... انت تقصد انى هجيب نموذج لموظف الملاكى لو الملف موجود هيعملى الرخصه على طول ولو الملف مش موجود باخد تصريح تانى

[احمد المصرى]

الموضوع ده حصل معايا من أسبوعين،
لو الملف مجاش الموظف هيعملك حاجة اسمها استعجال (غالبًا عشان يبعته للمرور التاني عشان يستعجل الملف) وهتاخد تصريح تاني بـ 6 شهور كمان،

بالنسبة للمصاريف هتصرف بتاع 20 أو 30 جنيه أو أقل مش فاكر بس حاجة بسيطة، والإجراء بسيط يعني مش هتعد كتير،

بس إن شاء الله تلاقي الملف وتاخد الرخصة وترتاح لآخر مدة التجديد.

يا مسهل يا رب لان موضوع المرور دا بشيل همه قبلها بسنين

كنت نفس الحالة بس مرور شبرا الخيمة
رحت بعد ال6 شهور خدت وصل كومبيوتر قيمته 10 جنيه
وصورة البطاقة وأصل التصريح
سلمتهم للموظف واتسلمت الرخصة بعد 3 ساعات علشان البهوات يشربوا الشاى ويفطروا براحتهم وبعدين يقوموا يشتغلوا

ولما لمحت الملف بتاعى لقيت فيه الأوراق اللى جبتها وقت التحويل.. ما جاش فيه الورق اللى كان فى المرور القديم اللى كانت تبعه

معنى كدا انى يفضل قبل ما اروح لوظف الشباك انى اشترى وصل كمبيوتر ( من الخزنه ولا منين ) علشان مرجعش تانى على ورقه واسلمها للموظف

[Silent~Dream]

نموذج فحص ايه يا باشا اكيد انت غلط والنبى قلى انك غلط اكيد مش هفحص تانى هههههههههههههه كفايه اوى فحص ......... انت تقصد انى هجيب نموذج لموظف الملاكى لو الملف موجود هيعملى الرخصه على طول ولو الملف مش موجود باخد تصريح تانى

اكيد مفيش فحص تانى بس انا مش فاكر اسمه بالضبط نموذج فحص - ملف فحص مش فاكر و تصور بطاقتك صوره و الرخصه صوره و زى ما قولتلك و تديهم للموظف هيبعتك تدفع 20 جنيه تقريبا فى الخزنه و هيكتب شويه حاجات و هيقولك اختمهم من الضابط و تعالى و هتاخد الرخصه لما تطلع من على الكمبيوتر

[mohabelnegm]

لو الملف مجاش و عايز تضمن انك تخلص و يكون عندك وقت تضحى بمشوار بتاخد استعجال باليد من المرور اللى أنت حولت عليه و بتروح للمرور القديم تجيب "رقم الصادر بتاريخ خروج الملف من المرور" و توديه للمرور المحول ايه الملف.
أنا حولت ملف من محافظة لمحافظة و الملف خد 9شهور علشان يوصل و مجاش غير لما عملت استعجال باليد و جبت رقم الصادر. أتمنى أن فى نفس المحافظة بيكون أسرع .

[Ayman_Aly]

يا مسهل يا رب لان موضوع المرور دا بشيل همه قبلها بسنين





معنى كدا انى يفضل قبل ما اروح لوظف الشباك انى اشترى وصل كمبيوتر ( من الخزنه ولا منين ) علشان مرجعش تانى على ورقه واسلمها للموظف

وصل الكمبيوتر قيمة 10 ج من شباك تانى غير الخزنة
شباك رسمى مش كشك لبيع النماذج والأوراق وتحصيل ايصالات الكمبيوتر (قصدهم بيها الطباعة لأى حد هيطلع رخصة قيادة أو سيارة أو شهادة بيانات)

[احمد المصرى]

الحمد لله رحت انبارح خلصت فى خمس ساعات ( حرب اكتوبر كانت فى 6 ساعات ) قدمت الرخصه ورحت دفعت 10 جنيه والملف جه من الارشيف واخد تصريح 6 شهور تانى عقبال لما الملف يجى من المرور التانى

[na3m977]

طيب سؤال من فضلكم العربية كانت مرور وانا حولتها مرور تانى وخدت تصريح 6 شهور لحين ورود الملف كان اخر التصريح 15/6/2013 وانا مروحتش وماشى كدة عافية وببعد على اقد مقدر من ضباط المرور والحال ماشى وانا مجدد سنة يعنى المفروض اجدد فى 15/12/2013 فى مشكلة انى مروحش المرور الا وقت تجديد الرخصة وخصوصا ان الحال ماشى محدش بيقوللى انتا رايح فين وجاى من وين

[mradelcom]

انا قعدت سنة و3 شهور ماشي بالتصريح لحد ما عملت الرخصة

الله يخرب بيت بتوع المرور اللي مش بيراعوا ربنا في شغلهم

[Abo-Yousef]

انا نفس الكلام نقلت من مرور لمرور وخدت تصريح 6 شهور بس لسه هيخلص التصريح فى شهر 4/2014 وساعتها ربنا يحلها من عنده دانا اتنفخت عشان انقل ملكية وتجديد الرخصة والفحص والطفاية والهوليله دى كلها قعدت 4 ايام وصرفت حوالى 560جنيه فى تجديد سنة والطفاية والشنطة والمثلث يعنى تأمين اجبارى 110 جنيه وضريبة سنة 189 جنيه وشوية دمغات بقت 200 جنيه و حوالى 50 جنيه رشاوى عشان الدنيا تمشى واشتريت طفاية ب 111 مع استبدال القديمة فى توكيل بفاريا ولو جديدة من غير استبدال قديمة ب 139 جنيه وشنطة اسعافات ب 40 جنيه ومثلث ب 20 جنيه وورق فحص ونقل الملكية ب 25 جنيه . . . . ولما التصريح يخلص برجع عالمرور بتاعى بيدينى تصريح 6 شهور تانى لو الملف مجاش ولو جيه بدفع حوالى 20 جنيه دمغة او حاجة زى كده وباخد الرخصة