عودت سياره مسروقه من 14 سنه الى مالكها

[أبو إياد]

السلام عليكم ورحمة الله وبركاته

تمكنت الشرطة المصرية من إعادة سيارة مُبلغ بسرقتها من عام 1999 حيث تمكن الملازم أول سعيد شعلان – الضابط بإدارة البحث الجنائي المعين بنقطة التقتيش الأمنية منفذ أبيس .. دائرة قسم شرطة ثان الرمل من ضبط المتهم رضوان محمد حسن رضوان سن 45 محامى مقيم بركة السبع – محافظة المنوفيه المحكوم عليه في جنح مركز بركة السبع بأمن المنوفيه ” تبديد” غيابياً بالحبس لمدة سنه جنح مركز بركة السبع بأمن المنوفيه ” تبديد ” غيابياً بالحبس لمدة ثلاثة سنوات والمتهم أحمد محمد أحمد سن 36 مزارع و مقيم بركة السبع – محافظة المنوفيه المحكوم عليه في جنح مركز بركة السبع بأمن المنوفيه ” مباني ” غيابياً بالحبس لمدة سنه والمتهم ممدوح محمود ضاحي سن 41 موظف مقيم بركة السبع – محافظة المنوفيه .
أثناء إستقلالهم السيارة [ ملاكي منوفية ] ماركة هيونداي أكسنت ” قيادة الثالث “. وبفحص السيارة تبين أن اللوحات المعدنية المثبته عليها غير خاصة بها والسيارة مُبلغ بسرقتها في قسم شرطة العطارين – بتاريخ 17/3/1999 – وأصل لوحاتها ملاكي بحيرة
تم تحرير المحضر وجارى عرضهم على النيابة العامه وإعادة السيارة الى مالكها الأصلى

المصدر الصدفة تُعيد سيارة مُبلغ بسرقتها من عــ 99 ـام | الشرطة المصرية

[Silent~Dream]

المال الحلال عمره يا يضيع

[BEKOOO_HUNTER]

ادي الاخبار الي تفرح الله عليك يا كبير

[أبو إياد]

الموضوع كله اختبار من الله وعلى اد ثقتك بالله على اد ما هايعطيك ويرضيك

[Elawany13]

انت عملت ايه فى عربيتك اللى كانت مسروقة ؟

[lidosasa]

14 سنة خدمة فى شوارع المحروسة وهى مسروقة يعنى الموضوع بقى مش قصة ثورة وفوضى والكلام ده . دول طلعوا ناس متعودة دايماً

[janagabr]

الله علي الاخبار اللي تفرح وربنا يمكن الشرطة من السيطرة علي البلد

[samar_77]

الحقيقة أنا شدنى العنوان جدا
وقريت القصة
بس ما انبسطش ,,,
هو مبروك لصاحب العربية ,, ده لو فاضل فيها عربية
واكيد هو فرح برجوعها حتى لو كانت طول السنين دى هلكت
من استخدام واحد مش صاحبها اصلا

لكن دفعنى الموضوع لتساؤل
العربية دى كانت بتترخص ويتجدد ترخيصها إزاى كل مرة؟
وإزاى ما يتعرفش طول الفترة دى أنها مسروقه
ربنا يحمي الشرطه طبعا ,, بس أظن ان موضوع ضبط العربية كله محض صدفة

كنت أفرح أكتر ,, لو كانوا بيدوروا فعلا على حقوق الناس الضايعه
خصوصا أن ليا سابق معرفه بالسرقه
وعارفه بيتعاملوا أزاى في محاضر الشرطة

,,, شكرا على مجهودك في كتابه الموضوع (ابو اياد )
وعلى معلوماتك اللى حبيت تشاركنا بها

[saddam]

صديقي المواطن
مبروك.لصاحب العربية وتلاقي الموضوع كان صدفة أصلا وبعدين ميضيعش إلا المال الحلال عشان المؤمن مبتلى ودمتم للنضال

[monamize4]

الصراحة مش عارف اذا كان الخبر دا يفرح و لا يزعل ؟

[S O P H O S]

سبحان الله
حق ولابـــد يرجـع

[akmm]

هو السؤال فعلا ولابد من اجابه كل السنيين دى بتترخص ازاى ولو مش بتترخص بردوا كل السنيين دى ومحدش من المرور طلب فحص الرخص او حتى شك فيها والنمر التانيه بتاعه انهى عربيه ..؟؟؟؟؟؟؟؟؟؟؟؟؟؟؟؟؟

[Land_Cruiser]

سبحان الله

[aldesha989]

بصراحه يعنى مش عارف اضحك ولا المفروض اعمل ايه

14 سنه عربيه مسروقه وترجع كهنه ماشيه على الارض اصلآ ده لو صاحبها عايش يبقى كتر خيره ولو استلمها يبقى راجل تمام برضه

هما كده مش فالحين الا يعملو دكوره بس انما محاضر بالسنين ما تتقفلش لحد دلوقتى يعنى العربيه كان

والله عالم عجيبه