استفتسار عن وحدة مرور المعادى

[vasodilator]

السلام عليكم جمعيا
كنت عاوز اعرف فين بالظبط وحدة مرور المعادى لو انا جاى من الشرقيه وهاخد الدايرى

[Mostafa Khalil]

تنزل نزلة الاوتوستراد و تلف و ترجع في اتجاه حلوان اقل من 1 كيلوبعد ماتعدي من تحت الدائري حتلاقي دخلة شارع النصر في المعادي تنزلها هية بالظبط بعد بنزينة شل علي طول تنزلها و تمشي 200 متر بالضبط حتلاقي تقاطع خوش يمين و امشي حوالي 600 متر حتلاقي المرور علي اليمين هو اسمه مرور البساتين مش المعادي

[vasodilator]

بس رخصه العربيه مكتوب فيها وحدة مرور المعادى
وفى ناس قالولى هتنزل عند كارفور المعادى وتاخد تاكس للمرور

[akmm]

فعلا مرور المعادى غير البساتين والمعادى انزل فعلا عند كرفور المعادى وخد تاكسى يوديك للمرور لان المكان صعب الشرح فيه .

[vasodilator]

شاكر جدا لتفاعل حضراتكم

[Mostafa Khalil]

الله اعلم انا ساكن في المعادي و عربيتي في المرور الي بقولك عليه ده يمكن اسمه المعادي الله اعلم

[vasodilator]

طيب هو قريب من كارفور المعادى عند مساكن بتشو؟؟
المنطقه اسمها ازهار المعادى

[Mostafa Khalil]

بص يا باشا مش حتنزل نازلة شارع النصر الي انا قلتلك عليها فوق سبها و كمل حوالي 1.5 كيلو حتلاقي نزلة زهراء المعادي تنزلها و تلف اول يو تيرن و ترجع في حتعدي من تحت الاوتوستراد كمل علي طول و اسال علي نادي وادي دجلة هو في سكته لاغية متلاقي جامع كبير هناك اسال علي المرور حيبقي قريب منك اوي طبعا الكلام ده من دائري التجمع الخامس

[أحمد جودة]

دة أمام عمارات أمريكان بيتشو ........ لو جاي من الشرقية صحراوي طريق بلبيس دائري من اتجاة التجمع هتنزل نفق بتروجاس وفيه طريق فرعي من جمب بتروجاس ينزلك على المرور عدل الطريق مايتوهش .........أما لو جاي زراعي كورنيش النيل هتبقي لفة شوية وممكن اوصفهالك ....... اسأل على كوبري شمال طرة بعد المعادي بحوالي 2 كيلو تطلع الكوبري فى اتجاة الاتوستراد وبعد كدة من جمب خير زمان تاخد الشارع لاخرة شمال بردو لاخر الشارع فى يمين تلاقي المرور ......... تحياتي


طبعا متنساش تسال كل ماتمشي شوية علشان تكون متاكد انك ماشي صح

[vasodilator]

شكرا جدا لحضرتك يا استاذ احمد جودة وسيف وكل المرور الكرام شكرا