بلونه في الكاوتش

[MARTINDALE]

السلام عليكم

النهارده روحت لبتاع الكاوتش علشان الفرده اليمين قدام كانت نايمه . صلجها وركبها واكتشفت بعدها ان فيها بلونه ظهرت !!!

البلونه قطرها تقريبا 2سم , هل دي بتأثر على الكاوتش وهل فيها خطوره ولازم تتغير ؟؟
مع العلم بان الكاوتش ماشي عليه 25 الف .

[delaga]

انا كمان عندى بالونة فى كاوتش والناس كلها بتقولى خطر ولازم اغيرها علشان ممكن تضرب فى اى وقت وان شاء الله هاغيرها قريب

[khaled81]

النهاردة لسه مكتشف واحدة

[Ahmed Amin]

البالونة غلط ولازم تغير الكاوتش طبعاً,
مبدئياً لحد ما تغير رجع الكاوتش اللي فيه بالالين ورا, وخلي السلم هوا اللي قدام,
عشان خطر جداً تمشي عليه وهوا فيه بلالين قدام..

هيا عربيتك نوعها أيه ؟
أنا لسه شايف صورة مفجعة أمبارح علي الفيس بوك,

https://www.facebook.com/photo.php?fbid=720837977930298&set=a.211260918888009.61027.190432257637542&type=1&ref=nf

[Land_Cruiser]

لازم تتغير في اقرب وقت او حضرتك تستخدم الاستبن مكانها لحد ما تبقي تغيرها و خليها الاستبن مؤقتا حتي

[ياريساوي]

لازم تغيرها طبعا هي جاتلي و بدلتها بالاستبن لحد ما جبت كاوتش جديد

[Haitham Basha]

تغيره بأسرع وقت و إلا العواقب هتبقى وخيمة و ربنا يستر طريقك ...

[Haitham Basha]

البالونة غلط ولازم تغير الكاوتش طبعاً,
مبدئياً لحد ما تغير رجع الكاوتش اللي فيه بالالين ورا, وخلي السلم هوا اللي قدام,
عشان خطر جداً تمشي عليه وهوا فيه بلالين قدام..

هيا عربيتك نوعها أيه ؟
أنا لسه شايف صورة مفجعة أمبارح علي الفيس بوك,

https://www.facebook.com/photo.php?f...&type=1&ref=nf

إيه يا باشا ده ؟؟؟ دا دي مش بلونة دا خراج يا معلم ... !!!

[aw2100]

الكاوتش ابو بالونة خطر جدا يمشى تيوبلس علشان ممكن ينفجر فى اى لحظة لكن ممكن تركب له كمرة داخلية كحل مؤقت ويركب فى الخلف خطر قوىىىىىىىىى؟؟!!

[Ahmed Amin]

إيه يا باشا ده ؟؟؟ دا دي مش بلونة دا خراج يا معلم ... !!!

أنا لما شوفتها أتوهمت بصراحة.!
فيه واحدة تانية في الصورة من تحت علي اليمين, دي الطبيعية اللي بشوفها أو أكبر شوية,
لكن مش زي اللي فوق دي !

[hugan]

البالونة غلط ولازم تغير الكاوتش طبعاً,
مبدئياً لحد ما تغير رجع الكاوتش اللي فيه بالالين ورا, وخلي السلم هوا اللي قدام,
عشان خطر جداً تمشي عليه وهوا فيه بلالين قدام..

هيا عربيتك نوعها أيه ؟
أنا لسه شايف صورة مفجعة أمبارح علي الفيس بوك,

https://www.facebook.com/photo.php?f...&type=1&ref=nf

شوفتها علي الفيس
الصوره لعربيه سيراتوا جنط 17

[svneleven]

البالونة ديه معناها أن السلك اللي في المنطقة ديه اتكسر من مطب جامد مثلا أو أنك مشيت علي الكاوتش و هو نايم و بالتالي المنطقة ديه ما فيهاش غير المطاط هو اللي بيقاوم ضغط الهوا. و بالتالي المنطقة ديه ضعيفة جدا و مع أي حرارة أو تحميل أو مطب ممكن تنفجر لا قدر الله.

[janagabr]

يا باشا ارمي الكاوتش بسلاطاتة ببا غنوجة وهات واحد جديد انت هتضحي بنفسك وبالعربية عشان مئات الجنيهات في حين لاقدر الله اي مشكلة هتكلفنا ما لا يستطيع المال شراءة وربنا يحفظك

[semmsem]

غير ياباشا انا عملتها معايا من يومين
انا كنت رايح من طنطا الى بنى سويف.. وكان عندي بالونه صغيره في الفرده الشمال الخلفيه .. اتحركت من طنطا تمام..وصلت الدائرى تمام..نزلت نزلة الاوتوستوراد عشان ادخل من طريق الكريمات تمام.. وانا على طريق الاوتوستوراد طلبت معايا اشرب حاجه ساقعه ركنت عند بنزينه عشان اشتري من الماركت .. دخلت واشتريت وانا طالع لقيت العربيه مايله..هوبا ..الفرده نايمه وانا كنت ماشي عليهاوالبلونه فرقعت..الحمد لله الجنط ماباظشي..قعدت من الساعه 9 صباحا حتى الساعه 12 ظهرا ادور على كاوتش 16-205-55 عشان ما امشيش من غير استبن ودخت السبع دوخات ..وفي الاخر ركبت فرده استعمال من عند واحد بتاع كاوتش اخليها استبن..وكملت الطريق بعد عذاب بجد
نصيحه غير الفردتين اللي قدام ب 2 جداد وارتاح

[Silent~Dream]

البالونة غلط ولازم تغير الكاوتش طبعاً,
مبدئياً لحد ما تغير رجع الكاوتش اللي فيه بالالين ورا, وخلي السلم هوا اللي قدام,
عشان خطر جداً تمشي عليه وهوا فيه بلالين قدام..

هيا عربيتك نوعها أيه ؟
أنا لسه شايف صورة مفجعة أمبارح علي الفيس بوك,

https://www.facebook.com/photo.php?f...&type=1&ref=nf

دى متعوره وواخده غرز يا باشا