عايز حد بيعالج شروخ الازاز الامامى

[Derp]

السلام عليكم
عايز حد بيعالج شروخ الازاز الامامى عشان عندى كذا شرخ فى البربريز, ياريت لو حد يعرف واحد نضيف و مصنعية معقولة و يستحسن فى الهرم او فيصل او الجيزة
شكرا

[janagabr]

الصراحة انا مش مقتنع بفكرة معالجة او ايقاف الشرخ فلو حد يقدر يشرحلي الفكرة بالتفصيل فكتر خيرة كل اللي انا شوفته من حوار الدوريات اللي بتتعمل عند نهاية الشرخ فاشلة وبلاقي الشرخ مكمل بردة عندي شرخ محترم بتاع ١٥ سم سايبة زي ما هوة بقالة سنتين

[Ahmed Amin]

الشرخ بتتعالج لو مش سرطانية, بمعني أنهم مش متشعبين أوي ولا رايحين في كذا مكان
الشرخ بيتعالج علي حسب طوله والتكلفة بتكون من 30 ل 60 جنية,

صلحنا قبل كدا شروخ في كذا عربية عندنا والشرخ توقف والحمدلله لأن الشرخ كان بيزيد في الأزاز مع المشي والمطبات وكنا هنضطر نغير الأزاز كلة,

أنا معرفش حد في الهرم أو فيصل, بس هوا اي حد بيصلح أزازي وعنده المادة السايلة اللي بيحطها عشان تقفل الشروخ وبيعدي عليها جهاز أشعة فوق بنفسجية عشان تلحم الشرخ.

حبيت أقولك تجربتي, وطبعاً عالج الشروخ قبل ما تزيد عندك وخصوصاً لو كان أزاز الفابريكة بتاع العربية لأنه مش بيتعوض ولا بيبقي زي اللي في السوق.

[moamenehab]

السلام عليكم
عن تجربه خاصه - احسن واحد لعلاج الشروخ اسمه الدكتور خالد
في شارع الميرغني جنب كبابجي ابو شقره - و له فروع في كل حته ممكن تلاقي فرع قريب حاول تدور علي رقم تليفونه و تسأل عن فرع قريب
بس هوه ممتاز و بيكشف اولا لو الشرخ مش هينفع بيقولك بلاش تلحمه احسن غير الزجاج احسن + و كمان بيدي ضمان مدي الحياه علي المناطق اللي عملها لحام

[Ahmed Amin]

فعلا دكتور خالد اللي أنا عملت عنده,, وبيكشف علي الازاز الأول وبيقولك ينفع يتعمل ولا لأ,

[Derp]

فعلا دكتور خالد اللي أنا عملت عنده,, وبيكشف علي الازاز الأول وبيقولك ينفع يتعمل ولا لأ,

واحد صحبى بيقولى دكتور خالد ليه فرع فى شارع فاطمة رشدى فى الهرم

[Ahmed Amin]

طيب كويس,, أنا كنت عامل عند كتور خالد برضه بس مكنش في الهرم,
شوف أقرب واحد ليك وروح خليه يبص لك علي الأزاز وشوف هيقولك أيه.

[saddam]

صديقي المواطن
تروح ﻵخر شارع فاطمة.رشدي من ناحية شارع الهرم حتلاقي حد هناك كويس ودمتم للنضال

[محمد يوسف]

دكتور خالد ليه فرع فى الشارع الجانبى من جامعة الدول اللى على ناصيته عصير فرغلى

[kh_fawzy]

في واحد كويس فى فيصل قدام مركز الاهرام بتاع اشعه الرنين ممتاز جدا فى شغله المحل اسمه المتخصص والراجل اسمه سعيد

[hilal]

دكتور خالد ليه فرع فى الشارع الجانبى من جامعة الدول اللى على ناصيته عصير فرغلى

رحت له وطلب مني 140 جنيه وقال ان الشرخ لن يختفي تماما
رفضت ورحت عند دكتور جريش وغيرت الازاز ب560 جنيه أحسن من بتاع الفابريكة
الدكتور خالد يقدر أتعابه حسب موديل العربية وليس حسب نوع الشرخ
قبل كده رحت لواحد خلف بنزينة كالتكس في 6 اكتوبر ضحك عليه وخبط 80 جنيه وحط شوية أمير بتاع اللحام والشرخ رجع بعد اسبوع وكل يوم يزيد ، ربنا لا يسامحه

[ahmedteam]

واحد صحبى بيقولى دكتور خالد ليه فرع فى شارع فاطمة رشدى فى الهرم

فعلا فى دكتور خالد اول فاطمه رشدى من شارع الهرم جنب توينكى الحلوانى

[Derp]

رحت له وطلب مني 140 جنيه وقال ان الشرخ لن يختفي تماما
رفضت ورحت عند دكتور جريش وغيرت الازاز ب560 جنيه أحسن من بتاع الفابريكة
الدكتور خالد يقدر أتعابه حسب موديل العربية وليس حسب نوع الشرخ
قبل كده رحت لواحد خلف بنزينة كالتكس في 6 اكتوبر ضحك عليه وخبط 80 جنيه وحط شوية أمير بتاع اللحام والشرخ رجع بعد اسبوع وكل يوم يزيد ، ربنا لا يسامحه

ما هو ده اللى انا خايف منه, عشان عندى شرخ من الاتنين حوالى 30 سم و التانى 10 و لاكن فى اخر الازاز تحت يمين عند الراكب مش السواق, لو قال اكتر من 150 استنى اول الشهر ا اجيب واحد جديد ب 350 ده لو الشرخ فضل يزيد

[Ahmed Amin]

رحت له وطلب مني 140 جنيه وقال ان الشرخ لن يختفي تماما
رفضت ورحت عند دكتور جريش وغيرت الازاز ب560 جنيه أحسن من بتاع الفابريكة
الدكتور خالد يقدر أتعابه حسب موديل العربية وليس حسب نوع الشرخ
قبل كده رحت لواحد خلف بنزينة كالتكس في 6 اكتوبر ضحك عليه وخبط 80 جنيه وحط شوية أمير بتاع اللحام والشرخ رجع بعد اسبوع وكل يوم يزيد ، ربنا لا يسامحه

د.خالد بيحط مادة عبارة الزجاج السائل,, بتسد الشروخ لكن الشرخ لو عميق او فيه نسبة فامية الشرخ هيفضل باين, وبتقفل الشرخ باللمبة البنفسجية,,
وهوا بيكون أمين مع اللي هيعمله الشغل قبل ما يشتغل زي ما قالك كدا قبل ما يبدأ شغل,,
والتكلفة بتكون علي حسب طول الشرخ لأنه هياخد مادة أكتر من اللي بيحطها والمادة دي علي حسب ما عرفت العلبة ال 200 ملي ب 1000 جنيه,,

حضرتك طبعاً أسترخصت وروحت لواحد ضحك عليك وحط لك أمير وأخد منك تقريبا نص التكلفة,,
بس أنت مستفدتش حاجة بالتوفير اللي أنت عملته لأنه مكنش مسكن ولا علاج,,

لكن المادة اللي عند د.خالد أغلي وعشان كدا السعر بيزيد علي حسب طول الشرخ,,
وفعلاً بتوقف الشروخ لو قالك أنها هتوقفها وأحنا مجربين الموضوع دا في كذا عربية..

ما هو ده اللى انا خايف منه, عشان عندى شرخ من الاتنين حوالى 30 سم و التانى 10 و لاكن فى اخر الازاز تحت يمين عند الراكب مش السواق, لو قال اكتر من 150 استنى اول الشهر ا اجيب واحد جديد ب 350 ده لو الشرخ فضل يزيد

بالتوفيق لصاحاب الموضوع,
لو الأزاز بتاع الفابريكة دا مش هتعوضه حاول تصلحة الأول لو تقدر,,
مقدرتش أبقي غيرة بس اللي في السوق مش هيبقي زي الأصلي اللي بيتباع في التوكيل,
وكمان السليكيون اللي بيلزقو بيه مش بيبقي زي الفريم اللي بيتثبت عليه الأزاز الأصلي وهيعملك صدأ في القايم مع الوقت لو متقفلش صح زي الفابريكة او زي الفريم اللي بيتعمل في التوكيل.

بالتوفيق