ارغب فى اقترحاتكم بخصوص سياره

[مصطفى خالد]

السلام عليكم
بدايه احب اقولكم منتداكم جامد جدا :)
طبعا انتو عارفين :)

انا عندى 25 سنه و الحقيقه عمرى ما ركبت عربيه قبل كده
مبعرفش اسوق اصلا
فى واحد صاحبى و اخويا قالولى انهم عايزين يشتغلو فى العربيات يجيبو عربيه مستعمله كويسه و يعملولها شويه كماليات و يبيعوها
جنوط و تاره و سنتر و زجاج كهربا و عده صوت و خلافه

و انا معرفش اى حاجه فى الموضوع :)

فعايز اقترحاتكم بايه احسن عربيه تتجاب و منين
و ايه الكمالات الى تتضاف و بكام و تزود السعر كام

علما انى رايى الاتى
نجيب 128 موديل ما بين 83 ل 87
بحوالى 12 او 13 الف من سوق السيارات
تتروق تاره و كهربا و سنتر ويكلفو حوالى 800 وجنوط لو عايزين الاحسن ب 1100لو ينفع
و تتبا ب 16 مثلا
يبقى اتصرف فيها 1000 مثلا و بعناها بمكسب صافى 2000
الصراحه الموضوع شاددنى بس عايو اقترحاتكم
:)

[saddam]

صديقي المواطن
ال 128 مفيهاش المكاسب أللي إنت بتقول عليها وكمان المثل بيقلك لو.كان فيها الخير مكانش رماها الطير إنت متصور إنك تعرف تاخد عربية.من بتوع.سوق السيارات ويسيبولك فيها مكسب دول عاصرينها وجايبين آخرها ومش حتجيب ربع جتيه فوق السعر اللي إنت شاريه ببه لازم تاخد عربيات من بيوت أو من سماسرة صحابك ومش شباب وكمان.تاخد عربيات فيها مجال تلعب بيها عربيات رينج ثلاثينات وأربعينات نوبيرا لانوس فيرنا كورولا الحاجات دي إنما 128 فصباح الخسارة ودمتم.للنضال

[S O P H O S]

مش حاسس بربحية فالموضوع مدام رأس المال مش كبير
والله اعلم برضوا

[hilal]

الموضوع أرزاق مكتوبة
احتمال ان يكون رزقك واسع
جرب إيه المانع ، بس معظم التجار أصحابي بيقولوا انه صعب تكسب أكتر من 1000 جنيه في العربية 128
ولكن مقابل ذلك فهي سريعة الدوران ، يعني ممكن تبعها بسهولة
تحياتي وتمنياتي لك بالتوفيق

[مصطفى خالد]

صديقي المواطن
ال 128 مفيهاش المكاسب أللي إنت بتقول عليها وكمان المثل بيقلك لو.كان فيها الخير مكانش رماها الطير إنت متصور إنك تعرف تاخد عربية.من بتوع.سوق السيارات ويسيبولك فيها مكسب دول عاصرينها وجايبين آخرها ومش حتجيب ربع جتيه فوق السعر اللي إنت شاريه ببه لازم تاخد عربيات من بيوت أو من سماسرة صحابك ومش شباب وكمان.تاخد عربيات فيها مجال تلعب بيها عربيات رينج ثلاثينات وأربعينات نوبيرا لانوس فيرنا كورولا الحاجات دي إنما 128 فصباح الخسارة ودمتم.للنضال

ماهو السوق يوم الجمعه مليان ناس و تجار
يوم الخحد مليان تجار بس
و بعدين كنت هاخد عربيه 128 من تاجر هنام موديل 86 على 14 و لو كان شاف الكاش كان نزلها 13
و عربيه تمام فابيركا من جوه و مش راشه و لا محتاجه مصاريف

طيب الحوار يعوز راس مال كام على القد :)
20 او 25 حلو؟
و اسعار العربيات الى بتتكلم عنها ايه اخبارها؟