كوابيس السيارات فى مصر

[koshakindnes]

السلام عليكم

الواحد مش عارف يهرب من كابوس

الجماراك
ولا الدولار الى غلى
ولا الاسعار الى من دماغ الوكيل والى زيادة 20 الف من دماغهم

للعربيات الى بتنزل متنفضة وبيققللوا فى حاجات فيها


هو امتى هنركب عربيات محترمه باسعار محترمه

يعنى ايه الواحد معا 200 ومش لاقى عربيه ترضيه ودا عن تجربه شخصيه اولا وعن اراء بعض الناس



هل فى امل فى موضو العربيات دا ولا مووووووووووت يا ..........

تحياتى

[janagabr]

معاك حق طبعا تخيل ان ممكن الواحد يبقي معاه ٢٥٠ الف ومش عارف يجيب بيهم عربية نظيفة او فاخرة مش العربيات اللي عندنا صحيح هي عربيات كويسة بس كلها تندرج في بند انها عربيات اقتصادية بس برده المشكلة في الناس والتجار وجشعهم يعني تخيل نفسك مسئول وعايز تضبط السوق هتجد انه استحالة لانك عايز تنزل تمسك واحد واحد لان الاغلبية عندنا غلط فانت هتلاقي نفسك مسكت كل التجار والموزعين ويرجع السبب الي انعدام الاخلاق والضمير والذمة انت عشان تضبط الناس لازم تمشي وراه كل يوم واول ما يغلط تقوم نفخه وحبسه ومصادر فلوسة هتلاقي الناس كلها خافت وهي ده حقيقتنا لازم الكرباج انما هتطبتب عليه هيركبك ويدلدل رجليه انها ازمة اخلاق وضمير شعب يا سادة

[Silent~Dream]

الحمد لله الناس و التوكيلات معظمها جشعين و عايزين يسفحوا اى فلوس يقدروا عليها ومفيش ضمير و الجمارك ما شاء الله عليها و كل العوامل دى بتتضافر عشان تركب عربيه تمنها بره 100 الف ب 200 الف هنا و كمان مش كل الاوبشنز الى بتلاقى بره هتلاقيها هنا و حسبى الله و نعم الوكيل

[abofandy]

كله بيسرق من كله
الى بيطول حاجة بياخدها

هو دة المبدا وهى دى القضية
يلة هى منظومة فاشله وعمرها ما هتتغير وهتفضل كدة واتمنى انها تفضل كدة لانها كل مدى ما بتزيد للاسوء
العربيات كنا بشتكى انها غالية واقل امكانيات
كل العربية تقريبا زادت 30 الف جنيه ليه ياعم الحج ؟
اية يااستاذ الدولار رفع دلوقتى والجنيه بيموت ويحتضر
ماشى يا عمونا
طيب ياعم الحج الدولار رجع تانى بعد الرفعة الجامدة دى رجع الى حد ما .. ها مش هتنزل ال 30 الف الى انت رفعتهم دول ولا حتى تقللهم شوية ؟
اية يااستاذ هو الى بيطلع فوق بينزل تانى لتحت ... مفيش حاجة بتغلى وترخص تانى الا الانسان

شكرا يا عم الحج
اى خدمة يااستاذ


دة حوار بين عم الحاج (( التاجر او الوكيل او الموزع او اى حرامى )) والاستاذ وهو (( المستهلك او المسروق منه او المغيب او انا وانت ))
واجدع سلام يا بلد الكلام

[Anxs111]

خدها مني نصيحة ...مصر مش بلد يترقب فيها عربيات نضيفة ...ألا إذا كان الفلوس ما تفرقش معاك ...وبرده هتجيب عربيه تتحسد وألف مين يتمني يخبطهالك ....
دور علي عربيه عادية عشان ترتاح ....
يعني إذا معاك متين ألف هات حاجة ب-150 بالكتير ...
إذا عايز مرسيدس أو بي أم لازم يكون معاك كاش مرتاح ضعف تمنها أو علي الأقل مرة ونص وبرده ملهاش لزمه ...قضيها فيرنا وربنا يرحمنا من التجار النصابين والحوش اللي ملوا مصر ويكرم فقرائها ....

[S O P H O S]

فمصر بندفع ضعف ثمن العربية وقت الشراء
وضعف تاني مصاريف ترخيص ومخلفات الخ خلال الاستعمال

[besso]

لا وبتخسر النص لما تيجى تبيعها حقيقى بلد العجايب

[hugan]

انم مش فاهم الوكلاء هايصرفوا الفلوس دي كلها فين
يعني مثلا رجال الاعمال في اوروبا وامريكا
لما بيوصل لحد معين من الثراء يبتدي يصرف او يخصص جزء من ثروته للاعمال الخيريه
وفي نفس الوقت اسعار منتجاتهم ايا كانت في المتناول لكل ابناء بلده
اصله هايعمل ايه بالفلوس دي كلها
مش هاياخد اكتر من احتياجاته
بيعيش عيشه نضيفه
هو مش عايز اكثر من كده


انما عندنا جال الاعمال عندهم فلوس لو حرقوها كل يوم مش هاتخلص
وعايشين عيشه الملوك
وبيبعوا سلعهم بربح 1000*100
وقاعده الربح في كل دول العالم لاتتعدي 15 الي 20 في المائه
والناس بتشري
بلد غريبه

[mohamed hussei]

العيب في ناس عمالة تشتري كفاية مصيبة الاوفر برايس

[SERGIOOO90]

عندك جق الجشع عمى الناس
200 الف ما تجبلكش أي حاجة نضيفة في مصر أبدا لأن الموجود كلها عربيات كسر و مقللين اساسيات قبل كمااليات
بالإصافة للكواليتي تعبان
على فكرة و كل ما عليت إن شاء الله ل عشرة مليون هتعرف إن السعر ده بره يجيب عربية فخامة ضعف اللي هتجيبها
توكل على الله
وهاتلك سيراتو وللا كورولا أمرك لله