مازدا تتسبب في انشطار لامبرغيني إلى نصفين

[أبو إياد]

السلام عليكم ورحمة الله وبركاته

اغرب حادث ممكن تشوفه فى حياتك رصدته كاميرة مراقبه


تناقلت وسائل اعلام بريطانية وأميركية مقتطع فيديو لحداث تصادم جمع بين سيارة مازدا ولامورجيني أفينتادور ادى إلى انشطار السيارة الرياضية باهظة الثمن إلى قسمين منفصلين .
الحادث رصدته كاميرات المراقبة في شارع باتجاهين في ضاحية بروكلين في مدينة نيويورك الأميركية عندما اصدمت سيارة قادمة من الاتجاه المعاكس بالجانب الايسر لسيارة اللمبرغيني ما ادى إلى انحراف الاخيرة واصطدامها بجدار منزل قريب ،قبل ان ينفصل جسد السيارة الرياضية إلى قسمين.
واثار المقطع استغراب العديد من متابعيه الذين وصل عددهم إلى اكثر من مليون مشاهد ، قبل ازالته عن موقع يوتيوب الذي استعانت به مجلة "مترو" البريطانية لنشر المقطع اول الامر.


[youtube]http://www.youtube.com/watch?v=YpnwBSTseBQ[/youtube]

[FULL] Lamborghini Splits In Half During Brooklyn Car Crash CCTV Video - YouTube

[أبو إياد]

[buddha]

انا لما قريت موضوعك قولت فبركة مستحيل!!!!!!!!!!
دورت فى يو تيوب ولقيت انها فعلا !!!!!!!!!

[youtube]http://www.youtube.com/watch?v=EXZ_1IBGj6I[/youtube]

[Ahmed Amin]

Holllllllly Molly
طلعت عربيات ورق أووي يا أبو إياد

بس الحق يتقال غشيم أوي بتاع المازدا يا أعمي,,

[Al-Farooq]

اللى اعرفه فى الموضوع دة ان العربيات الرياضية الغالية جدا دي بتكون فعلا نصفين ، وربط نصفها الامامي بنصفها الخلفي بيكون ب صواميل ومسامير بمواصفات خاصة " مثلا 8 مسامير بتتربط ب 8 صواميل بس وخلاص ، بس ثمن المسمار والصامولة الواحدة مش عارف بكام ممكن الف دولار ولا حاجة "مش متذكر الثمن بالضبط بس كان غالي اوي "

[Ahmed Amin]

اللى اعرفه فى الموضوع دة ان العربيات الرياضية الغالية جدا دي بتكون فعلا نصفين ، وربط نصفها الامامي بنصفها الخلفي بيكون ب صواميل ومسامير بمواصفات خاصة " مثلا 8 مسامير بتتربط ب 8 صواميل بس وخلاص ، بس ثمن المسمار والصامولة الواحدة مش عارف بكام ممكن الف دولار ولا حاجة "مش متذكر الثمن بالضبط بس كان غالي اوي "

دا كلام صحيح,
مثال علي دا البوجاتي فيرون وهيا عربية 1001 حصان وبتوصل لسرعة 407 كليومتر في الساعة
مربوطة ب 14 مسمار بس,!!!
بيربطو الجزء الخلفي اللي فيه الماتور بالكابينة
بس المسامير مصنوعة من التيتانيوم,

[lanos2004]

العربيه دى اصلا كانت نصين واتجمعت فى الحرفيين واتعملها ورق فى مرور كفر الشيخ مركز سيدى سالم
علشان كدة مستحملتش الخبطه

[janagabr]

لسه شايف الفيديو علي قناة العربية تسلم ايدك

[Silent~Dream]

سواق المازدا غشيم قوى و العربيات دى يقعدوا يقولوا الكاربون فايبر قوى و خفيف و فى الاخر شكلهم بيجيبوا انواع صينى

[Ahmed Nasser]

العربيه دى اصلا كانت نصين واتجمعت فى الحرفيين واتعملها ورق فى مرور كفر الشيخ مركز سيدى سالم
علشان كدة مستحملتش الخبطه

هنجيبها ونعملها تانى

[rotanamasoud]

اعتقد ان السيفتى فى الكابينه يعنى اهم حاجه فى العربيات دى الكابينه سليمه واللى جواها يطلعو سلام حتى لو العربيه اتفرفتت فرافيت والتصميمات مبنيه على كده انا بتفرج على ناشيونال جيوجرافيك كتير وبتفرج على طريقه تصنيعهم ومتنسوش ان الحوادث دى على سرعات عاليه
لاحظو كل الصور الكابينه سليمه

[شاهين - بنز]

إنتوا عارفين إن بتاع المازدا ممكن بكون متأذي أكتر من بتاع اللمبرجيني
لإن بتاع المازدا ممكن متكونش حيلته غير العربية دي لكن بتاع اللمبرجيني تلاقيه غني غناء فاحش وتلاقيه كمان طلع عربية جديدة زيها تاني يوم ومعندوش أي مشكلة

[lanos2004]

إنتوا عارفين إن بتاع المازدا ممكن بكون متأذي أكتر من بتاع اللمبرجيني
لإن بتاع المازدا ممكن متكونش حيلته غير العربية دي لكن بتاع اللمبرجيني تلاقيه غني غناء فاحش وتلاقيه كمان طلع عربية جديدة زيها تاني يوم ومعندوش أي مشكلة

يا باشا الى راكب لمبرجينى اصلا الميكانيكى وكان طالع يجرب الفرامل

[S O P H O S]

شئ جميل للمازدا

[Dr.Karim Emam]

انا لما قريت موضوعك قولت فبركة مستحيل!!!!!!!!!!
دورت فى يو تيوب ولقيت انها فعلا !!!!!!!!!

[youtube]http://www.youtube.com/watch?v=exz_1ibgj6i[/youtube]

الصورة اللي في الثانية الـ18 دي كانت في مصر هنا في طريق الساحل الشمالي.