خبر هيغير مجرى السوق المصري للسيارات

[koj@k]

النهاردة في أهرام السيارات مكتوب إن هيبقى فيه رقابة على اسعار قطع الغيار :)
وهيتم وضع حد لهامش الربح بحيث لا يتعدي ال 30 %


الكلام ده لو اتنفذ بجد هيبقى حاجة ممتازة طبعا

إيه رايكم ؟

[abdohero]

زي التسعيرة الجبرية على السلع الاساسية والخضار والفاكهة قابلني لو اتنفذت لان التجار مش هيرضوا بكدة والدنيا هتولع اكتر

[buddha]

الحكومة الجديدة مش عايزة تفشل .... وبصراحة شغالين كويس جدا

ان شاء الله الخير قادم ونتفئل خير

[SHNORY]

زي التسعيرة الجبرية على السلع الاساسية والخضار والفاكهة قابلني لو اتنفذت لان التجار مش هيرضوا بكدة والدنيا هتولع اكتر

عنهم ما رضيوا
خلي بضاعتهم متلقحه جنبهم
المهم الناس تثبت علي المبدا ومتخضعش للجشع وتساعد الحكومه
وفي نفس الوقت الحكومه تظبط المجمعات الاستهلاكيه
دا بخصوص الخضار والفاكهه
بخصوص قطع الغيار بقي اكيد فيه ناس عاوزه تبيع علشان تلم فلوسها وساعتها حيبيع بالسعر المعتدل غصب عنه

[lidosasa]

بتفكرنى بفيلم سلام يا صاحبى لما بياع راح يشترى بطيخ من التاجر فقاله الحباية ب 5 جنيه قاله ليه يا معلم دا الحكومة مسعرة الحباية ب 2 جنيه قاله روح خدها من الحكومة . بس خلاص

[mohamed hussei]

الموضوع في العربيات سهل عكس الخضار علشان مفيش حد بيبيع قطع غيار علي رصيف واغلب ناس بيشتروا من توكيل او موزع معتمد ودول بيبئوا عندهم سجل تجاري و سجل ضريبي يعني الحكومة هتعرف تتحكم فيهم اهم حاجة دولة القانون

[Silent~Dream]

هو قطع الغيار اسهل كثير جدا من الخضار بس بردو صعب عشان حاجتين الجشع و الطمع الفظيع الى عند التجار و تانى حاجه الناس المفروض تدعم الحكومه انها تعمل كده من خلال الشراء من موزعين و اماكن معتمده مضمونه بتطبق القرار ده

[khaabas]

والله قرار جميل والحكومة الصراحة والله فوق الممتازة وكل يوم فيه حاجة حلوه بتعملها

[fourseasons]

من وجهة نظرى ان شاء الله الموضوع حينجح لو عرفوا يمسكوا اسعار التوكيلات و هامش الربح بتاعهم.لأنه بالتالى حينعكس على سعر قطعة الغيار فى التوكيل والمستهلك حيلجاء للتوكيل وتباعا حيضطر التاجر فى السوق انه ينزل بالسعر عشان يعرف يبيع.وبالنسبة للخضر و الفاكهة لو استعانوا بقدرات المجمعات الأستهلاكية و القوات المسلحة و الداخلية فى عمل اسواق كبيرة يومين او ثلاث ايام اسبوعيا ذى ما السلفيين عملوا ايام ثورة 25 يناير اوالأسواق ديه تتعمل فى اماكن معينة و الله لتلاقى التجار ادب نزلوا السعر.وان شاء الله الخير جاى بأذن الله.

[sakr_skoda]

البطيخة بكام ؟؟؟؟؟؟؟؟؟؟؟؟؟؟؟

[amrelsaqqa]

اصلا 30% ربح ده رقم كبير !

[Ahmadhamza84]

ياباشا أنت راجل طيب ...بيكسبوا أكتر من 30% بس انعدام البركة بيخلي كيلو البطاطس ب 7 جنيه وابقى خلي كتر الفلوس ينفع

[saddam]

صديقي المواطن
إذا أردت أن تطاع فأؤمر بالمستطاع أساسا وباﻷسعار الخزعبلية واﻷرباح المفتوحة مصر مفيهاش قطع غيار زي باقي الدول فما بالك يدايقوا التجار ثم المواطن بيشتري قطعة الغيار لو لاقاها مهما بلغ ثمنها المهم يلاقيها بس مش زي اﻷكل والشرب ليه بدايل بس قطعة الغيار ملهاش بدايل
ودمتم للنضال

[Haitham Basha]

الموضوع ده لو اتنفذ هيبقى ضربة قاضية لجشع التجار و الي معند هومش ضمير بس محتاج رقابة من حديد ...

[mohamed_selim]

صباح الكلام .... السوق عرض و طلب ... تدخل الحكومه بتسعيره جبريه نظام اثبت فشله و لو اى حد دارس اقتصاد يقولك اول اثر لتحديد سعر مغاير عن السعر الطبيعى(اللى ينتج عن توازن العرض و الطلب) هو وجود سوق سودا ..... المجتمع المثالى بس هو اللى مش هيشتغل فى السوق السودا و احنامجتمعنا الله ينور بيخلق سوق سودا من لا شيئ و افتكرو البنزين كان بيتباع فى جراكن بكام من كام شهر