البقاء في الحارة المرورية مهما كانت الأسباب

[tutankhamoun]

نفس الصورة بس كان مكتوب عليها في امريكا
مش مهم فين المهم الاخلاق-الله يرحمها

مفيش أخلاق ...... أخلاق يوك ... مفيش اخلاق .

لو كان عندنا نظام فحياتنا كانت في حاجات كتيرة اتغيرت
مش الطرق بس

ما هو المرور ده مراية لحياتنا
و أغلب الشعب المصري مبسوط بالهرجلة اللي أحنا عايشين فيها .

وا أسفاه

فعلا ,,,, و آسفاه على بلد كانت مهد للحضارة . و آسفاه

الحمد لله مفيش اى التزام هنا باى حاجه تبع المرور الا من رحم ربى و تلاقى الطريق يقف 10 ثوانى الى تلاقيه طلع من الصف و جرى و الى يزنق نفسه عشان يعدى عافيه و حاجات توجع القلب احنا ماشيين بالبركه وربنا الى بيسترها مع الجميع

الفهلوة و النصاحة و الأستنصاح و الأستعباط و الأستهبال = مصــــــــــــــــــــــــــــــــــري عايش في مصر .

[tutankhamoun]

كان زمان شعار القياده فن وزوق واخلاق ............ دلوقتى مفيش حاجه من دى خالص

ده كان زمان ... و برضه مكنش فيه زمان نظام ... هي عدد العربيات كان قليل و الناس كان عندها ذوق أكتر.
إنما نظام و تعليم قواعد مرور

كله كان يوك !

احنا عندنا في سواقة املي فراغات

بجد شئ مقزز و شعب مقزز و الموضوع مش في السواقة بس
أي مكان فيه طابور ... املى الفراغ .... أو قف في الأمام .

جربت يا باشا ... جربت

احنا بنسوق فى عربيات ملاهي مش طرق
و الله انا أتأكدت ان الرخصة بره مصر ملهاش أي لازمة عشان البلاوي اللى بشوفها كل يوم

لو تقصد رخصة مصر ..... غير معترف بها خارج مصر أطلاقا .. تبلها و تشرب ميتها .

ناهيك بقى على التخطي من اليمين و الرمي من الشمال و السرحان اللى يخلي العربية تاكل حارات و عدم استخدام الاشارات فى اي وقت
و مفيش حاجة اسمها اصلا اولوية المرور و لا اختراع اسمه دوران او اشارات فيه


على فكرة معظم الصورة ده تتكرر كثيرا فى قطر و آخر قانون عاملينه ان لو حد عمل نفسه ناصح و تخطي من اليمين اي صف يبقى يتعمل غرامة على الرخصة و مخالفة بواسطة كاميرات المرور

السواقة هنا عبارة عن تخرييييف و تخلف و قلة ذوق و فهلوة

السواقة هنا هي مراية لأخلاق المصريين في بلدهم مصر .

والله عندك حق
الواحد كره العربية والسواقه بسبب البشر
والله بركن العربية والطب مواصلات
ايه الحل

أنا بعمل كدا في مشاوير كتيرة جدا .

العربية للمشاوير الطويلة أو التسوق
و المشاوير القصيرة ........ مواصلات .
و العمل معانا عربية مشتركة الموظفين بيروحوا فيها .

[tutankhamoun]

على فكرة مش كل الناس ملتزمة فى الصورة
فيه واحد "مصرى" :) واقف ما بين الحارة الخامسة و السادسة "من ناحية الشمال" فوق الشجرة على طول فى الصورة

أوعى المصريين قادميييييييييييييييييييييييييييين (علشان جمع المذكر السالم بس )


بصفه عامة البقاء لله فى اخلاقيات الناس

البقاء لله ..... و سعيكم مشكور يا باشا

http://www.nilemotors.net/Nile/23618...post3873695189

موضوع جميل ..... بس أحنا بندن في مالطا ..
أنا بسوق لكل أحترام و بألتزم بالحارة على قدر المستطاع و تقريبا 95 من الوقت ملتزم بها
و لكن
كل سواقين الكون ........ بتزنق عليا ....... بتكسر عليا ........ بتتخطاني غلط .......
هو أنا مخنوق من قليل

لما بأعمل عبيط و أسوق بأستهبال
الناس كلها بتوسع
بس للآسف ما بعرفش أعمل كدا غير للتجربة بس ... و مقدرش أعيش و عامل فيها عبيط .
هو أحنا مينفعش نعيش في البلد و نحترم بعض ؟؟؟؟؟؟؟؟؟؟؟؟؟؟؟؟

صديقي المواطن
مصر لو فضلت كده مش حنلاقي بلد نعرف نخلف ونربي فيها عيالنا مصر لن تنهض لو لم يأتي رئيس متنور ومتفتح وعنده حلم ويبطل كلام هايف بتاع أمن قومي ومش أمن قومي ويقلص الوزارات ل 12 وزارة فقط ويقضي على الروتين ويجيب لكل وزارة.شركة عالمية إستشارية تجبر الوزير يلتزم بنصايحها بأنه إزاي يخلي بلده متقدم بسرعة الضوء ولتكن شركات كندية أو نرويجية أو سويدية.أو سويسرية وأمنع البناء نهائيا في القاهرة وأعمل مدينة جنبها وأخططها وأرسمها ثم أبيع قطع أراضي وممنوع عمل أي طريق يقل عن 6 حارات رايح و6 حارات جاي وكل طريق أسلم لشركات اﻹعلانات إمتياز عمل كوبري كهربائي للمشاة تكون مسؤولة عن نظافته وتشغيله مقابل إمتياز اﻹعلان 20 سنة وتمدد حتلاقي كباري المشاة الكهربائية أكثر من المشاة وأخلي القطاع الخاص يعمل طرق ويشغلها لحسابه وكمان أخلي القطاع الخاص يعمل مترو ويشغلو لحسابه مكيف والتذكرة ب 5 جنيه والناس حتركب أحسن من.البهدلة
مصر إنتهت خلاص واللي يفهم يبتدي يشد الرحال لو معاك فلوس
ودمتم.للنضال

كلامك و إن أختلفت في بعض محتواه و لكن البعض الآخر صحيح يا عم صدام .
طرق النهضة كتيرة و لكن تحتاج إلى تعاون من الشعب مع حكومة متنورة
و لكن الشعب بتاعك عايز يأكل و يشرب و يتجوز و &$^%$ ......... من غير أي تعاون مع أي خطط .
طبعا الموضوع طويل و جوانبه أطول للنقاش في الموضوع ده و لكن نورت .
و دمت للنضال يا عم صدام

الخبر طبعا صحيح وكان في الصين والطريق فضل واقف لمسافة ١٠٠ كم بس الفكرة هي التزام وادب الشعب الصيني علي الرغم من عدد السكان الرهيب انما عندنا هي ازمة اخلاق ومبادئ معدومة والصين اكبر دليل علي ان عدد السكان مش عقبة في تقدم الشعوب او الدول

أولا منور يا باشا الموضوع
و مع أختلافي معاك في آخر سطر كليا و جزئيا .
و لكن أنا ذهبت لدول كثيرة ... ما شوفتش استهبال إلا هنا بصراحة .
أحنا متطورين جدا في الأستهبال و الأستعباط و الفهلوة .

النفس اماره بالسوء
لو الصيني او الماليزي الي حاطين صورهم دول عندهم الاهمال وعدم الرقابه الي عندنا كانوا عملوا زينا بالظبط

يا باشا الموضوع له شقين مش رقابة بس
الشق الأول و هو الرقابة طبعا
الشق التاني و هو مهم جدا (اخلاق الناس )
الناس هنا في مصر مش بتحب تقف طابور و أي مكان فيه طابور بتلاقي عليه خناقة .
الناس هناك بتقف طابور توماتيكي توماتيكي

أحنا هنا في مصر
كله بيقف في أول الطابور توماتيكي توماتيكي برضه و بنعمل كنبوش على أول الطابور
و السواقة هي مرآه لأخلاق الشعوب

العيب مش فالناس انا روحت ماليزيا والامارات وشفت هناك مصريين كتير محدش فيهم يقدر يستنصح ويعمل حركه غلط لانه ببساطه متراقب طول ماهو ماشي كاميرات في كل مكان

المصري يخاف ميختشيش ............ يعني لما تخوفه و تقوله غرامات ... يمشي زي الألف (مش كلنا طبعا و لكن أغلبنا كمصريين كدا )
و أنا عندي أمثلة من مصريين تعاملت معاهم في أوروبا من العينة دي .
فيه ناس كتيرة قوي محترمة من ذات نفسها .

لو اتطبقت رقابة وغرامات هتلاقي البني ادم ماشي زي الألف

في ناس من نفسها بتحاول تبقى ملتزمة لكن ده مش كافي لان الاغلبيه مش كده

للآسف المحاولات الفردية .... بتصب جام العكننة على أصحابها ... و للآسف أنا منهم .
بحاول أبقى محترم في وسط قبيلة من الهمج .
طبعا فيه كتير بيحاول يكون محترم و لكن هاتقابله نفس العوائق اللي بتقابلني .
بس فيه ناس بستسلم للأمر الواقع و تعمل زي المتخلفين بالظبط و فيه ناس بتعاني علشان تكون بتعمل الصح و أنا للآسف منهم .

[D . a .\ AYMAN]

ياه انت جاي على الجرح فعلا .. أنا لما بحاول أعمل كدة باخد الى فيه النصيب من تزنيق وألفاظ وقلة أدب ... فبطلت .. واقتنعت إن دي من الحاجات اللى مش هاينفع أعملها لوحدي لازم يكون فيها انضباط عام ... ده لوكان رجال الانضباط أساسا فاهمينها

بس المشكلة لها شقين كبار قوي

الشق الاول ... زي مانت قلت الآخلاق والإلتزام النابع من داخل الشخص رقم واحد .. ودي قدامنا كتير قوي عقبال ما نوصلها لأن سياسة العقاب على الخطأ في مصر منعدمة من الأساس ... ولكن العقاب في مصر بيكون بالمزاج أو بالصدفة وليس بالقانون ... يعني واحد أخطأ لكن السلطة ما لهاش مزاج تعاقبه يبقى عادي مافيش مشكلة مش هايتعاقب .. واحد تاني أخطأ لكن عشان مافيش جهاز رقابي محترم يقوم بضبطه يبقى مش هايتمسك غير بالصدفة


وده يوصلنا للشق التاني .. وهي الحكومة نفسها .. وللأسف هما من الشعب والشعب منهم .. يعني جهل في جهل ... تعمل إيه لما تلاقي الإشارة راكبة في التقاطع غلط .. يعني هما مركبين الإشارة ومشغلنها كمان بس مركبينها غلط وبطريقة تفقدها الجدوى من تركيبها ... يعني يبقى في تقاطع على مرحلتين أو ثلات مراحل تلاقيه ركب الإشارة في المرحلة الأولى وطظ في الباقي .. طب الراجل اللى جاي داخل من نص التقاطع يعرف منين إذا كانت الإشارة حمراء ولا خضراء وهو ماعندوش إشارة قدامه في نص التقاطع (يركن وينزل يروح يبص عليها ويرجع يعني) ... يعني حتى اللى عايز يلتزم مش هايعرف

لو حاولت تمشي في حارة معينة وتلتزم بيها وتلاقيها هي فجأة خلْيت بيك زي الحارة أقصى الشمال أو أقصى اليمين مثلا وفجأة تلاقيها دخلت في الرصيف أو السور الفاصل ... المفروض بقى أدخل أنا كمان معاها في السور أو الرصيف ولا أزنق على اللى جنبي فجأة عشان أفادي السور أو الرصيف ... المنطقي بيكون في رسم تخطيطي قبلها بمسافة بحيث الحارتين يدخلوا في بعض بإسلوب تدريجي عشان قائد السيارة يلحق يدي إشارة ويغير حارته اللى هاتختفي ..

الكلام ده أصلا لو كانت الحارات مرسومة على الطريق بشكل واضح ومضبوط .. دا انت ساعات تبقى ماشي على حزمة من الخطوط وكل خط المفروض إنه فاصل بين حارة وحارة .. لكن اللى رسم ما كانش فاهم المعلومة دي برغم إنه المفروض شغال تحت إشراف مهندس ... وسعات تلاقي الحارة بقت واسعة قوي تاخد معاك عربية نقل وساعات تلاقيها ضيقة قوي لدرجة إن عربيتك طالعة براها من الناحيتين

على طريق المشير طنطاوي اللى الجيش لسة عاملة من كام شهر ... كانوا عاملين اليوترن للي عايز يلف ويرجع غلط بدون أي حارة جديدة مؤقتى للي عايز يلف عشان يخرج من الطريق ويهدي سرعته قبل ما يلف ... وفجأة إكتشفوا إنهم كانوا غلطانين فرجعوا يخططوا الطريق تاني من أول وجديد ... طب امسح التخطيط القديم اللى انت كنت عامله ... لأ ليه .. فضل سايبه والنتيجة إن يا إما هاتلتزم بالحارات الجديدة اللى اترسمت عشان ما تخبطش في الرصيف اللى هاييجي قدامك في الملف لو انت ماشي في الحارة الشمال خالص وطبعا هاتزنق على البشر اللى وراك وملتزمين بالتخطيط القديم اللى لسة قدامهم (ومش غلطانين طبعا) لأن ما حدش هايعرف القديم من الجديد إلا اللى بيمشي في الحتة دي كل يوم .. يا إما العكس ... يا إما بقى وده الحل الثالث وهو أنك تمشي زي بقية المصريين من غير إلتزام بالحارات وخلاص

بجد آسف على الإطالة .. بس إنت اللى ابتديت كلام في الموضوع ده ... وأنا أساسا معبي وما قلتش حتى كل اللى جوايا

يعني شوف الناس ياأخي ... حارة جديدة تماما أنشئت على الشمال عشان اللى عايز يدخل شمال وبرغم كدة طالما هما مش داخلين شمال ما حدش فكر مجرد التفكير إنه يدخل فيها ده حتى الموتوسيكلات واقفين طابور جوة الخط بتاع الحارة بتاعتهم ... - برغم إن الوقفة دي غلط برضه على فكرة هم المفروض يقفوا ورا العربية اللى قدامهم مش جنبها - ... يعني كل موتوسيكل وبحد أقصى أثنين ياخدوا مكان عربية كاملة ... ده في معظم قوانين المرور بتاعة أي بلد ... لكن طبعا مش واضح البلد دي قانونها شكله إيه

[Mzeid]

النفس اماره بالسوء
لو الصيني او الماليزي الي حاطين صورهم دول عندهم الاهمال وعدم الرقابه الي عندنا كانوا عملوا زينا بالظبط

العيب مش فالناس انا روحت ماليزيا والامارات وشفت هناك مصريين كتير محدش فيهم يقدر يستنصح ويعمل حركه غلط لانه ببساطه متراقب طول ماهو ماشي كاميرات في كل مكان

لو اتطبقت رقابة وغرامات هتلاقي البني ادم ماشي زي الألف

في ناس من نفسها بتحاول تبقى ملتزمة لكن ده مش كافي لان الاغلبيه مش كده

اسمحلي أقول لحضرتك ان حتى لو فيه غرامة من طباع المصريين التحايل و الإلتفاف على العقوبة

[tutankhamoun]

أنا قعدت أدعبس ورا الحدث
أحضرت لكم مزيد من الصور - الطريق فعلا توقف لمسافة طويلة جدا و لمدة طويلة و أنتشر الباعة الجائلون لبيع المشروبات

أنا مركز على طريقة تعامل الناس مع اللي هما فيه ... الطابور زي السيف ... محدش بيحاول يكسره (زي الفهلوية بتوعة بلدنا)

شوفوا كدا الصور دي





الصورة اللي جاية بقى في البرازيل (و البرازيل بلد نامية زي مصر و مش متقدمة زي أوروبا أو أمريكا و عندهم مشاكل أجتماعية كتيرة زينا و طفح سكاني مسبب مشاكل في الدخل و العمل و الحياة هناك مش لوز العنب و مع ذلك الطابور بتاع العربيات زي الفل و محدش عامل فيها أنصح أخواته زي هنا في بلدنا اللي ملهاش زي بصراحة في أي حاجة )

[tutankhamoun]

ياه انت جاي على الجرح فعلا .. أنا لما بحاول أعمل كدة باخد الى فيه النصيب من تزنيق وألفاظ وقلة أدب ... فبطلت .. واقتنعت إن دي من الحاجات اللى مش هاينفع أعملها لوحدي لازم يكون فيها انضباط عام ... ده لوكان رجال الانضباط أساسا فاهمينها

بس المشكلة لها شقين كبار قوي

الشق الاول ... زي مانت قلت الآخلاق والإلتزام النابع من داخل الشخص رقم واحد .. ودي قدامنا كتير قوي عقبال ما نوصلها لأن سياسة العقاب على الخطأ في مصر منعدمة من الأساس ... ولكن العقاب في مصر بيكون بالمزاج أو بالصدفة وليس بالقانون ... يعني واحد أخطأ لكن السلطة ما لهاش مزاج تعاقبه يبقى عادي مافيش مشكلة مش هايتعاقب .. واحد تاني أخطأ لكن عشان مافيش جهاز رقابي محترم يقوم بضبطه يبقى مش هايتمسك غير بالصدفة


وده يوصلنا للشق التاني .. وهي الحكومة نفسها .. وللأسف هما من الشعب والشعب منهم .. يعني جهل في جهل ... تعمل إيه لما تلاقي الإشارة راكبة في التقاطع غلط .. يعني هما مركبين الإشارة ومشغلنها كمان بس مركبينها غلط وبطريقة تفقدها الجدوى من تركيبها ... يعني يبقى في تقاطع على مرحلتين أو ثلات مراحل تلاقيه ركب الإشارة في المرحلة الأولى وطظ في الباقي .. طب الراجل اللى جاي داخل من نص التقاطع يعرف منين إذا كانت الإشارة حمراء ولا خضراء وهو ماعندوش إشارة قدامه في نص التقاطع (يركن وينزل يروح يبص عليها ويرجع يعني) ... يعني حتى اللى عايز يلتزم مش هايعرف

لو حاولت تمشي في حارة معينة وتلتزم بيها وتلاقيها هي فجأة خلْيت بيك زي الحارة أقصى الشمال أو أقصى اليمين مثلا وفجأة تلاقيها دخلت في الرصيف أو السور الفاصل ... المفروض بقى أدخل أنا كمان معاها في السور أو الرصيف ولا أزنق على اللى جنبي فجأة عشان أفادي السور أو الرصيف ... المنطقي بيكون في رسم تخطيطي قبلها بمسافة بحيث الحارتين يدخلوا في بعض بإسلوب تدريجي عشان قائد السيارة يلحق يدي إشارة ويغير حارته اللى هاتختفي ..

الكلام ده أصلا لو كانت الحارات مرسومة على الطريق بشكل واضح ومضبوط .. دا انت ساعات تبقى ماشي على حزمة من الخطوط وكل خط المفروض إنه فاصل بين حارة وحارة .. لكن اللى رسم ما كانش فاهم المعلومة دي برغم إنه المفروض شغال تحت إشراف مهندس ... وسعات تلاقي الحارة بقت واسعة قوي تاخد معاك عربية نقل وساعات تلاقيها ضيقة قوي لدرجة إن عربيتك طالعة براها من الناحيتين

على طريق المشير طنطاوي اللى الجيش لسة عاملة من كام شهر ... كانوا عاملين اليوترن للي عايز يلف ويرجع غلط بدون أي حارة جديدة مؤقتى للي عايز يلف عشان يخرج من الطريق ويهدي سرعته قبل ما يلف ... وفجأة إكتشفوا إنهم كانوا غلطانين فرجعوا يخططوا الطريق تاني من أول وجديد ... طب امسح التخطيط القديم اللى انت كنت عامله ... لأ ليه .. فضل سايبه والنتيجة إن يا إما هاتلتزم بالحارات الجديدة اللى اترسمت عشان ما تخبطش في الرصيف اللى هاييجي قدامك في الملف لو انت ماشي في الحارة الشمال خالص وطبعا هاتزنق على البشر اللى وراك وملتزمين بالتخطيط القديم اللى لسة قدامهم (ومش غلطانين طبعا) لأن ما حدش هايعرف القديم من الجديد إلا اللى بيمشي في الحتة دي كل يوم .. يا إما العكس ... يا إما بقى وده الحل الثالث وهو أنك تمشي زي بقية المصريين من غير إلتزام بالحارات وخلاص

بجد آسف على الإطالة .. بس إنت اللى ابتديت كلام في الموضوع ده ... وأنا أساسا معبي وما قلتش حتى كل اللى جوايا








يعني شوف الناس ياأخي ... حارة جديدة تماما أنشئت على الشمال عشان اللى عايز يدخل شمال وبرغم كدة طالما هما مش داخلين شمال ما حدش فكر مجرد التفكير إنه يدخل فيها ده حتى الموتوسيكلات واقفين طابور جوة الخط بتاع الحارة بتاعتهم ... - برغم إن الوقفة دي غلط برضه على فكرة هم المفروض يقفوا ورا العربية اللى قدامهم مش جنبها - ... يعني كل موتوسيكل وبحد أقصى أثنين ياخدوا مكان عربية كاملة ... ده في معظم قوانين المرور بتاعة أي بلد ... لكن طبعا مش واضح البلد دي قانونها شكله إيه

يا باشا ..... مصر غير ... أحنا مختلفين و متخلفين ...

[tutankhamoun]

اسمحلي أقول لحضرتك ان حتى لو فيه غرامة من طباع المصريين التحايل و الإلتفاف على العقوبة

لازم تغيير الأنظمة الادارية اللي احنا بنتعامل معها و لازم تغيير ناظم الثواب و العقاب .
لازم يكون فيه عقاب رادع في كل شئ للأخطاء و خصوصا المقصودة و اللي بتأثر على الغير .

و فعلا أحنا ملوك التحايل على أي حاجة بس هي ثقافة و ممكن تتغير ... هاتأخد وقت بس ممكن تتغير لو فيه شرطة معندهاش خيار و فاقوس و نظام مدارس محترم يعملك تحترم غيرك لأحترام نفسك
الموضوع طويل
بس أنت كلامك صح .

[Mzeid]

لازم تغيير الأنظمة الادارية اللي احنا بنتعامل معها و لازم تغيير ناظم الثواب و العقاب .
لازم يكون فيه عقاب رادع في كل شئ للأخطاء و خصوصا المقصودة و اللي بتأثر على الغير .

و فعلا أحنا ملوك التحايل على أي حاجة بس هي ثقافة و ممكن تتغير ... هاتأخد وقت بس ممكن تتغير لو فيه شرطة معندهاش خيار و فاقوس و نظام مدارس محترم يعملك تحترم غيرك لأحترام نفسك
الموضوع طويل
بس أنت كلامك صح .

موافقك تماما
أنا مقتنع ان الإلتزام هيكون بمراجعة كافة العقوبات المفروضة في القوانين .. تشديد المطلوب و تخفيف المطلوب
بالإضافة إلى جلسات ودية مع كافة فئات الشعب .. يعني مثلا نعمل قعدة مع سواقين الميكروباص في المنطقة الفلانية و تقولهم يا ولاد الحلال كذا و كذا .... و لازم تلتزموا بالقانون المفروض و تاخدهم بالود الاول و تككر نفس الكلام مع عينة أخرى من المواطنين في أماكن مختلفة .... يعني بالبلدي منخدش الحاجة قفش مرة واحدة علشان اللي قدامي دماغه متنشفش

الحاجة التانية مراجعة الأنظمة الإدارية و التنفيذية و خصوصا أداء جهاز الشرطة اللي بصفه بالعشوائي

اخيرا كان عندي رأي .. إذا كان تعيين لواءات الجيش المتقاعدين مستمر في الحكومة المدنية و أجهزتها يبقى تعيينهم في اجهزة عقابية .. كمثال يكون مسؤول مثلا عن فرض العقوبات على البنايات المخالفة في المحافظات علشان يكون فيه صرامة عسكرية و عدم التحايل على العقوبة

[D . a .\ AYMAN]

موافقك تماما
أنا مقتنع ان الإلتزام هيكون بمراجعة كافة العقوبات المفروضة في القوانين .. تشديد المطلوب و تخفيف المطلوب
بالإضافة إلى جلسات ودية مع كافة فئات الشعب .. يعني مثلا نعمل قعدة مع سواقين الميكروباص في المنطقة الفلانية و تقولهم يا ولاد الحلال كذا و كذا .... و لازم تلتزموا بالقانون المفروض و تاخدهم بالود الاول و تككر نفس الكلام مع عينة أخرى من المواطنين في أماكن مختلفة .... يعني بالبلدي منخدش الحاجة قفش مرة واحدة علشان اللي قدامي دماغه متنشفش

الحاجة التانية مراجعة الأنظمة الإدارية و التنفيذية و خصوصا أداء جهاز الشرطة اللي بصفه بالعشوائي

اخيرا كان عندي رأي .. إذا كان تعيين لواءات الجيش المتقاعدين مستمر في الحكومة المدنية و أجهزتها يبقى تعيينهم في اجهزة عقابية .. كمثال يكون مسؤول مثلا عن فرض العقوبات على البنايات المخالفة في المحافظات علشان يكون فيه صرامة عسكرية و عدم التحايل على العقوبة

طيب ما هو 90 % بالفعل من رؤساء الأحياء في القاهرة ومجالس المدن في الأقاليم في مصر لواءات جيش وبرضه عادي

[amrelsaqqa]

برة عندهم البقاء في الحارة المرورية
عندنا البقاء لله في الحارة المرورية :d

[amrelsaqqa]

inspired by tutankhamoun :D

[tutankhamoun]

برة عندهم البقاء في الحارة المرورية
عندنا البقاء لله في الحارة المرورية :d

سعيكم مشكور

[2CODE]

من الاخر يا جماعة احنا مش عالم ثالث احنا شعب جاهل وبقينا وهنفضل ننزل للقاع لغاية ما هننزل عن القاع نفسه

[lanos2004]

طبعا لان معندهمش حسن تصرف وذكاء زى المصريين