أركن فين تحت بيتى ياجدعان

[salah_86]

بسم الله الرحمن الرحيم
والصلاة والسلام على أشرف المرسلين
السلام عليكم ورحمة الله وبركاته
انا والدى ساكن فى برج جديد تحنة مخزن وجنب باب المخزن بوابة العمارة من ناحية ومن ناحية تانية جدار فاضى بقالنا سنة والدى بيركن العربية فى المكان دا قدام البرج فيه عمارة تحتها قهوة القهوة دى مش مكفيه قهوته لا دا سارح يحط طرابيزات فى اى حته حتى المكان اللى بنركن فيه
المهم كنت بايت عند والدى ونزلت اركنله العربية صاحب القهوة بجح ومش عاوز يشيل الكراسى وبيقولى انت شارى شقة ملكش دعوة بالارض قلتله ازاى وانت اللى مالك بالبرج والارض الللى تحته انت ليك قهوتك وخلاص احنا سايبينك تحط طرابيزات كدا بمزاجنا انما لما البرج كله يسكن مش هنسيبك تحط حاجة وعديكم بقى على الالفظ البذيئة
اعمله ايه دا

[Mostafa.Ismail]

بص ممكن تعمل كتير ... بس نصيحة اركن عربيتك وعربيات اى حد يزروك كمان فى اى جراج قريب وياريت يكون تحت الارض حتى لو كلن ابعد من البيت لحد 500 متر او كيلو حتى ... وادفعلك 150 او 200 جنية فى الشهر واستمتع بهدوء الاعصاب.

اما الرجل فكل شوية بلغ عنة الحى وخلية يقضيها رشاوى وشاى :)

كلامى عن تجربة.

[mr_vampire]

بص ممكن تعمل كتير ... بس نصيحة اركن عربيتك وعربيات اى حد يزروك كمان فى اى جراج قريب وياريت يكون تحت الارض حتى لو كلن ابعد من البيت لحد 500 متر او كيلو حتى ... وادفعلك 150 او 200 جنية فى الشهر واستمتع بهدوء الاعصاب.

اما الرجل فكل شوية بلغ عنة الحى وخلية يقضيها رشاوى وشاى :)

كلامى عن تجربة.

صح كدة . ده غير الاذية اللي ممكن تحصل من بهدلة للعربية او تجريح فيها .

بلاغات من مجهول باستمرار للحي ييجو يعملو قلبان وياخدو منه فلوس لو مرتشين او يعملوله محاضر اشفالات لو محترمين ( اشك ).

[saddam]

صديقي المواطن
مصر مفيش فايدة مالم يتم فرض اﻷخلاق وأدب الحوار بقوة القانون فمصر حتضيع
ودمتم للنضال

[S O P H O S]

فكل مكان كده
مفيش حل طول ما مفيش عقاب
من مختص

[sha2e]

الحي ومجلس المدينة
شرطة المرافق (لانه محتل الرصيف والشارع)
الامن الصناعي (سواء تجهيز القهوة أمنا أو نظافة المكان والمشربات صحيا)
التأمينات (أكيد مش مأمن على الى شغلين عنده)
وطبعا الضرايب

[mohamed hussei]

بلغ عنة في كل مكان لة علاقة بالقهوة ضرايب حي امن صناعي تأمينات وزارة الصحة

[mr_vampire]

هههههههههههههه ايه كمية البلاغات اللي فالموضوع ده كلها !!!!!

[SAMEH_FOUAD]

الحي ومجلس المدينة
شرطة المرافق (لانه محتل الرصيف والشارع)
الامن الصناعي (سواء تجهيز القهوة أمنا أو نظافة المكان والمشربات صحيا)
التأمينات (أكيد مش مأمن على الى شغلين عنده)
وطبعا الضرايب

على كل التهم دية , ممكن ياخد اعداااااام ههههههههه

[aldesha989]

ياعم عادى :d

دا انا اتعاركت مع جزار علشان مش عايزنى اركن ورفع عليا ساطور :d

قولتله انتا اشتريت الارض بيقولى اه :d

قولتله طب اعلى ما فى خيلك اركبه وكان حوار بقى ده غير بقى ان كل يومين تلاته مشاكل وقرف

وجيت اركن فى جراج بيقولى 300 جنيه

كنت هقوله 300 واحد مش عارف ايه بس قولت بلاش :d

[my3fox]

إلحق جراج بسرعة.... أعداد الناس بيزيد و قصة ركنة العربية حتبقي كابوس..... أسعار الجراج 350 و 400 جنيه في الشهر
أنا كنت نن أوائل الناس اللي سكنت في العمارة بتاعتي و كان موضوع ركنة العربية بسيط جدا....كنت لما أركن بعيد عن باب العمارة ب 10 متر... بقول ساعتها إني راكن بعيد
دلوقتي العمارة مليانة بالكامل و عمارات كتير طلعت حوالين مني و بقيت مش لاقي راكنة و بركن في أخر أخر الشارع.....
أنل ندمان و بضرب نفسي بالجزمة إني لم أشتري مكان جراج في العمارة من زماااان
طبعا مش حقولك علي سعر باكية الجراج دلوقتي علشان ما نتعبش نفسيا
إلحق دور علي جراج قريب أحسن

[sha2e]

على كل التهم دية , ممكن ياخد اعداااااام ههههههههه

وربنا يقدرنا على فعل الخير

[benmatar]

ولو عاوز تمحي الراجل ده من بالك تماما، بلغ عليه إن زباينه من الإخوان، مفيش ساعتين زمن وتلاقي شارعكو كله اماكن فاضية....هههههه

[salah_86]

للعلم يابهوات انا والدى لواء شرطة على المعاش وكان ممكن يعمله محضر هو بس احنا مش عاوزين نأذيه
اناللاسف عرفت انهاردة حالا ان بتاع القهوة دا مسجل خطر وبيضايق ستات فى العمارة وحاول يتحرش بواحدة جوزها عمله محضر وتم اعتقالة لمدة 3 شهور
ربنا يكفينا شرة

[Mostafa.Ismail]

برضوا دور على جراج .. جرب بس لمدة شهر وبعدها قرر تكمل ولا لا.