If this is your first visit, be sure to
check out the FAQ by clicking the
link above. You may have to register
before you can post: click the register link above to proceed. To start viewing messages,
select the forum that you want to visit from the selection below.
بعدها رحت القسم عملت محضر
اخدوا منى التفاصيل وبعدها رحت لمأمور القسم وقاللى لو طلبوا فلوس ادفعها لأن اخويا اتسرقت عربيته ودفع فلوس واخدها وقاللى اننا ممكن نطلع معاك حد بس فى حدود المنصورة فقط
المهم فىى نفس اليوم اتصل بيا رقم وقاللى بالحرف انت عربيتك كذا كذا اللى هى اوصافها يعنى
قالى انه شاريها ب 30 وبيبيعها ب 35
وقاللى انه جايله فيها 50 وهايقطعوها
المهم فضلنا نطول معاه فى الكلام لغايه ماوصلنا لقتره اسبوع علشان نقدر نعمل حاجة
كان سايب موبايله مفتوح ال 24 ساعه
رحت اعمل تتبع .. كان ناقص امضاء المحامى العام فى المنصورة فضل 4 ايام عامل لمبه حمراء على مكتبه ومش عايز يمضى
لغايه لما ناس اتوسطولى ومضى الورقه
بعدها اوفوجئ فى القسم لما رحت قالولى امر التتبع هاييجى بعد 21 يوم
او تروح انت وتطلعه بكره
المهم اللى خلانى مارحتش
ان واحد من اللى فى القسم من الامناء
قاللى لو دى العصابه اللى فى المحله فا احنا بنخاف نتواجه معاهم احسن يضربونا
فا لما قاللى الجمله دى انا فقدت اصلا الامل فى الشرطة بأى اتجاه وقررت اتفاوض مع الحرامى
ملحوظه
اننا واحنا راجعين فتنا على 3 كماين ومحدش اتكلم
الحمد لله إنها رجعت وربنا يعوض عليك وعلينا
لأن بالوضع دا ( انتم السابقون ) - لا قدر الله على الجميع
وانا حسيت من خلال حكايتك إنها تقسيم بين اللي في القسم وبين الحرامية
لأن الحرامي عرف منين رقم تليفونك للتفاوض
غير من محضر الشرطة اللي انت عملته
وليه مأمور القسم - قال لك : لو عرضوا عليك فلوس - إدفع
قال إيه أخوه عمل كدة !!!!
وليه خوفوك من تأخير التتبع
وخوفوك من العصابة وانهم هما كمان بيخافوا منهم وكماااان !!! عرفنهم ( العصابة بتاعة المحله ) ههههه ،،، وغيره
ربنا يصبرنا على الوضع اللي البلد فيه
وعلى كل مسئول أو غير مسئول في البلد دلوقتي لأن اللي يقدر يهبش بيهبش أو بيحاول يهبش
ونقعد نلفقها لبعض (دا فلول - لأ دا بلطجي - لأ دا إخواني - لأ دا علماني - لأ دا قبطي )
وسايبين الحق ومتمسكين بالفرعيات والباطل ، وهنفضل كدة لاغية ما البلد كلها هتتسرق مش عربياتنا فقط .
ربنا يستر ....
Comment