إستطلاع رأي حول تشغيل السيارات الملاكي كأجرة

[أحمد جودة]

السلام عليكم ورحمة الله وبركاتة

طبعا الموضوع باين من العنوان

ياتري أية أرائكم فيمن يقوم بتشغيل سيارته الملاكي بالاجرة زي التاكسي

أنا لقيت الموضوع منتشر جدا فحبيت أعمل إستطلاع رأي

هل أنت مع أم ضد هذه الظاهرة ....... مع توضيح السبب

وياتري سائق ملاكي اية اللى ممكنه يحصل معاة لو المرور أو لجنة مثلا اكتشفو قيامة بذلك

حبيت أطرح الموضوع بصراحة لسبب بسيط هوة أني فكرت فى يوم من الايام اني اعمل كدة بعربيتي عملاً بمبدأ أضيع وقت الفراغ فى حاجة مفيدة ومنها تجيب مصاريفها

بصراحة لقيت الموضوع صعب أوي وتقيل عليا ومش عاوز أقول كمان مهين


الموضوع مطروح للمناقشة ومنتظر المشاركات

[dem0]

ضد فيه ظلم لاصحاب لوحات الاجرة

[wael6]

السلام عليكم

اولا ضد اصحاب الاجره لان ببساطه لا فيه ضرائب ولا تامينات ولا ثمن لوحات االاجره اللى عدى فى المحافظات مثلا 145 الف ج

ثانيا مش اى حد يقدر يروح يلاغى الزبون ومش كل الزبائن بتوافق ؟
وغالبا الحريم هتكون بره الحسبه ؟
وكمان مباحث المرور اللى بتشتغل بمزاجها ؟

عقوبة المخالفه

اولا الرخصة هتتسحب لمدة 6 شهور مع غرامة 1000 جنيه كحد ادني

ولو لا قدر الله حصل مشكلة مع زبون واشتكاك حتي لو هوه اللي غلطان سائق الملاكي هوه اللي هيشيل الليله

وتقبل تحياتي وعمار يا مصر يا ام الكوسة والمهلبية

انا مش بعقدك بس بقول رايي المتواضع
وربنا يوسع عليك وعلينا يارب

[sayco100]

موضوعك كويس انك فتحته
فعلا انا اعرف ناس بيعملوا كدا بعربياتهم خصوصا اللادا زى فأول شارع نادى اكاسيا فاسكندرية
السؤال بقى لو واحد ثبتك وخد العربية حتروح تبلغ تقول ايـــــــــه ؟؟
اى نعم لا فى مرور ولا شرطة بس اهو حتبلغ يمكــــــــــــــــــــــن يجيبوا عربيات مسروقة
وقتها حتقول بلطجية ثبتوك ولا مركب حد بلأجرة وانت ملاكى ؟!
انا ممكن اعمل كدة بس بدل ماجيب مصاريفها واجيب المهانة على رأيك ووجع القلب اعملها للـــــــــــــــــــه وثوابها حيعود عليا اكبر بكتيير من الفلوس وبرده اسمه ((استثمار)) بس مع اللـــه
وافتكر وقتها ربنا حيسترها معايا اكتر ،، هى بس الدنيا مش امان بس ميمنعش ان حوالينا لو بصينا حنلاقى كتيييير محتاجين توصيلة واحنا محتاجين منهم دعوة بردو ولا ايــه
وبلنسبة لأنه ظلم لأصحاب الأجرة فأعتقد انهم مولعينها فننافسهم فيها - لـلـــه - والله اعلى واعلم

[Ahmed_Adham]

فيه عربيات سوزوكي كتير من اللي هيه 7 راكب عليها نمر ملاكي وبتقف في مواقف وتحمل بالدور عادي وقدام المرور ومحدش بيتكلم. للأمانه أنا شوفتهم في المرور مشددين عليهم وطالبين منهم ايصال كهربا باسم صاحب العربيه من نفس العنوان اللي في البطاقه عشان يقللو عددهم على قد ما يقدرو بس برضه العربيات دي كتير.

طب ماهو التكتك يا جماعه يندرج عليه نفس الكلام. مفيش ضريبه ولا لوحات وبياخد شغل كتير من التاكسي وبياخد نفس الأجره بتاع التاكسي باستثناء انه ممكن يدخل شارع جانبي يوصلك لحد باب بيتك.

[m.abdo]

والله هو موضوع غلط بس لما الاقى البهوات بتوع التاكسى مش عاوزين يوصلونى بضطر للملاكى وامرى لله

الحكاية عاوزة رقابة ليس الا

وللعلم نسبة من دول كانوا سواقين تاكسى وجابوا ملاكى

[samirsaid1]

انا مش من مشجعى الموضوع دة بس لو صاحب السيارة قابل كدة اية المشكلة

[Maghraby1987]

انا كنت في السعودية في شهر 4 للعمرة و عندهم الموضوع ده عادي جدا و الناس (الاجانب اللي زيي) بيفضلوه عن الاجره لاسباب كتير
1 الاجرة لما بيلاقيك اجنبي مبدايا كدة بيقلك المشوار ده بكذا و ده بيكون رقم غالبا ضعف اللي بيطابه سائق الملاكي (اللي هو انا من وجهة نظري شايفه كتير اصلا) و لو مش عاجبك شوف غيري

2 الاجره عنده عداد و مش بيشغله (معرفش مع كل الناس وللا لأ) و لما مرة سألت السواق علي العداد كان الرد انا هاخد كدة في المشوار ده و لو مش عاجبك شوف غيري

3 معاملة سائق الملاكي بنسبه كبيرة بتكون افضل يعني في مرة ركبنا انا و اهلي مع واحد ملاكي في مشوار الاجره كان طالب فيه 35 ريال و الملاكي اخد 15 من غير فصال و المشوار ده اصلا علي العداد المصري مش هيعدي 10 جنيه اصلا المهم هو كان شاب في سني تقريبا و كان راكب مازدا 6 لما عرف اننا مصريين قاللي انه كان بيدرس صيدله في جامعه 6 اكتوبر و مكانش راضي ياخد فلوسه و سابلي رقمه عشان لو احتجنا توصيله مره تانيه نكلمة و فعلا كلمته و وصلنا مره تانيه بس حاسبناه طبعا

بس فا انا من وجهة نظري مش شايف ان الموضوع مهين ولا حاجة بس اعتقد ان المضوع لو بقي كدة في مصر هيخلق نوع من الحقد بين سواقين الاجرة واصحاب الملاكي بالذات بقي لو شباب في اول العشرينات و راكب عربية زيرو مثلا

[dem0]

@sayco100 انا نزلت البحيرة دمنهور مرة واحده فى حياتي تقريبا كل العربيات اللادا شغاله اجرة لدرجة انهم اكتر من التاكسي

الواحد كان مستغرب فقمت سئلت واحد قالى اى لادا شاور لها هيوصلك

انا كنت في السعودية في شهر 4 للعمرة و عندهم الموضوع ده عادي جدا و الناس (الاجانب اللي زيي) بيفضلوه عن الاجره لاسباب كتير
1 الاجرة لما بيلاقيك اجنبي مبدايا كدة بيقلك المشوار ده بكذا و ده بيكون رقم غالبا ضعف اللي بيطابه سائق الملاكي (اللي هو انا من وجهة نظري شايفه كتير اصلا) و لو مش عاجبك شوف غيري

2 الاجره عنده عداد و مش بيشغله (معرفش مع كل الناس وللا لأ) و لما مرة سألت السواق علي العداد كان الرد انا هاخد كدة في المشوار ده و لو مش عاجبك شوف غيري

3 معاملة سائق الملاكي بنسبه كبيرة بتكون افضل يعني في مرة ركبنا انا و اهلي مع واحد ملاكي في مشوار الاجره كان طالب فيه 35 ريال و الملاكي اخد 15 من غير فصال و المشوار ده اصلا علي العداد المصري مش هيعدي 10 جنيه اصلا المهم هو كان شاب في سني تقريبا و كان راكب مازدا 6 لما عرف اننا مصريين قاللي انه كان بيدرس صيدله في جامعه 6 اكتوبر و مكانش راضي ياخد فلوسه و سابلي رقمه عشان لو احتجنا توصيله مره تانيه نكلمة و فعلا كلمته و وصلنا مره تانيه بس حاسبناه طبعا

بس فا انا من وجهة نظري مش شايف ان الموضوع مهين ولا حاجة بس اعتقد ان المضوع لو بقي كدة في مصر هيخلق نوع من الحقد بين سواقين الاجرة واصحاب الملاكي بالذات بقي لو شباب في اول العشرينات و راكب عربية زيرو مثلا

الموضوع ممنوع قانونيا فى كل حته فى السعوديه بيسيبوا اهل مكة يعملوها ودي لكن قانونا برده ممنوع

[J A G U A R]

ضد طبعا الموضوع ده .........

[ashrafwolf]

و الله انا لما باشوف الدنيا زحمه ممكن اقف اخد واحد او اتنين معايا و الاجر عند الله
بس ماعرفش انها بقيت تجاره
علي العموم انا اؤيد اكذا سبب
1-مشروع لدعم الشباب مع الاخذ في الاعتبار تكلفة لوح التاكسي (القانونيه)
2-هيخلق جو من المنافسه علي الزبون مما سيقلل اسعار الركوب بين التاكسي و الملاكي و التوكتوك
3-هيخف الضغط علي المواصلات
4-طالما السواق قابل و الراكب قابل و متفقين علي الاجره ايه المانع (مع العلم ان الموضوع فيه مخاطره و قلة ثقه من الطرفين)