حادث تصادم بين سيارتي نقل و24 سيارة ملاكي

[lidosasa]

شهد الطريق الدائري باتجاه المعادي وقوع حادث تصادم مروع بين 26 سيارة، الأمر الذي أدى إلى توقف حركة المرور.
وانتقل رجال الإدارة العامة للمرور إلى موقع الحادث، لرفع حطام السيارات لتسيير الحركة المرورية.
تلقى اللواء مدحت قريطم، مساعد وزير الداخلية للمرور المركزي، إخطارًا من غرفة العمليات، بوقوع حادث تصادم مروع بسبب اختلال عجلة قيادة في يد قائد سيارة نقل ثقيل، مما أسفر عن وقوع ضحايا.

المصدر حادث تصادم بين سيارتي نقل و24 سيارة ملاكي بالطريق الدائري بالمعادي - بوابة الشروق

إنا لله وإنا إليه راجعون

[د.عماد صلاح]

وبعدين في عربيات النقل دي ايه الحل بقي

[Ahmed_Adham]

لا حول ولا قوه الا بالله. انا لله وانا اليه راجعون.

لازم النقل يمشي لوحده بالليل.

[Amr_tika88]

ياجماعه كان في قرار زمان ان النقل يمشي بس من ١٢ بليل لحد ٦ صباحا القرار ده راح فين وفعلا القرار ده ممتاز للحد من الهبل اللي بيحصل ده

[janagabr]

لا يا جماعة ده مش حادثة ومش عايزين نطلع اشاعات دول كانوا بيصوروا فيلم فاست اند فيريوس بتاع فين ديزيل بس تقريبا الموضوع خرج من ايد ورجل المخرج ههههه

[Silent~Dream]

النقل الثقيل ده عايز طريق لوحده و يخبطوا مع بعض براحتهم

[lidosasa]

ياجماعه كان في قرار زمان ان النقل يمشي بس من ١٢ بليل لحد ٦ صباحا القرار ده راح فين وفعلا القرار ده ممتاز للحد من الهبل اللي بيحصل ده

المشكلة فى حظر التجول اللى بيبدأ من 12 إلى 5 . لما يبقى يتشال الحظر حيرجع يتنفذ تانى

[p r i n c e]

بسبب العربيات النقل دي بردو جاري لسة جايب سيراتو 2014 من اسبوع و رخصها أول إمبارح و إمبارح إتخبطت من قدام كان في عربية نقل جاية ف المخالف و بسرعة رهيبة و هما ال 2 داسو فرامل بس لبسو فبعض و وداها التوكيل و التكلفة المبدئية ف حدود 30 ألف جنيه
انا جاره و ملحقتش أشوف النمر متعلقة والله
حسبنا الله و نعم الوكيل ف دي بلد

[Amr_tika88]

المشكلة فى حظر التجول اللى بيبدأ من 12 إلى 5 . لما يبقى يتشال الحظر حيرجع يتنفذ تانى

ياباشا يدو للناس دي اصحاب المقطورات تصاريح بحيث يكون الطريق بتاعهم بليل لوحدهم و في نفس الوقت يضمن ان ميكونش مقاول النقل راجل معندوش ضمير ويشغل السواق ساعات اكتر من طاقته في اليوم

[SAMEH_FOUAD]

والله بردة واحد لسة جايب كارينز 2014 والله ماعلقت نمر , والعربية وشها الامامى رايح تماما , مش موجود

وهتحتاج تغير نص امامى كامل بالماتور بكلة لان كل دة اتعجن

الصراحة والله انا اللى معرفش صاحب العربية زعلت جداااااااا علية , لانة لسة مافرحش بالعربية ولا حتى عمل بجنية واحد من فلوسها

ربنا يكفينا شر الحوادث يارب

[S O P H O S]

لا حول ولا قوة الا بالله

[aldesha989]

حسبى الله ونعم الوكيل شويه بهايم مش سواقين ونازلين عجن فينا ليل ونهار