خبر مهم جدا لملك السيارات أرجو أن يكون صحيحا

[mesaharaty]

حد يا جماعة لفت نظره نظره الخبر ده فى جردية الأهرام يوم الثلاثاء 8 أكتوبر الماضى
لو فعلا الموضوع ده تم يبقى حلم كبير وإتحقق ليرفع جزء كبير من معاناة مالكى السيارات فى تجديد رخصهم إعتياديا .
اللى فهمته من الخبر إن التجديد حيبقى من خلال الإنترنت ودفع المصاريف عن إستلام الرخصة التى سوف تأتى إلى العنوان الذى تريد الإستلام فيه . ( حلم ده ولا علم )
بس مش عارف ليه حاسس إن الكلام ده فرقعة وطرقعة فى الهوا أو للإستهلاك الفراغى .

[mesaharaty]

آسف على الأخطاء الواردة بالكتابة :
ملك = ملاك
جردية = جريدة

[Eng_hatemfathy]

طب والفحص تحت البيت ولا لازم المرور والطوابير والملف والسرقة والشاى والكلام ده
على فكره جت فتره قبل الثورة بشهور بعض فروع المرور كانت خرافة -منهم مرور العجوزة ومرور مصر الجديدة وال-دخلت النيابة فى اقل من 5 دقايق خدت شهادة المخالفات ودفعت 5 جنيه وكان كل حاجه على الشاشة وبالارقام
والفحص بالدور وفى ارقام زى البنك كده لتسليم الملف-حاجه كانت جميلة جدا بس الله يرحمها ملحقتش تشتغل

[mesaharaty]

بالنسبة للفحص بيقولوا سيتم إنشاء محطات للفحص خارج وحدات المرور بالإضافة إلى وحدات فحص المرور يستطيع مالك السيارة أن يتوجه للفحص فى أى محطة دون التقيد بعنوان أو تبعية معينة .

[Eng_hatemfathy]

خبر جميل بجد لو هيتطبق
فى حاجات كتير قوى ممكن تسهل على الناس بس هتقلل المم فالدولة بتتجنبها
انت عارف ان فى السعودية كل حاجه بتتعمل من ِالفيزا كارت وكل الخدمات مربوطة بشبكة واحدة يعنى مفيش حكاية هاتلنا وصل نور او ماية لان اسمك باين عليه كل ممتلكاتك من عقارات وسيارات وتليفونات وعدادات كهربا ومياه
وبكره نشوف مصر !!!

[أحمد جودة]

انا شايف انها فرقعة جرايد

المرور سبوبة من أول بتاع الفحص والبصمة والمهندس وموظفين الشبابيك وبتاع الطفايات وبتاع التصوير وبتاع المشروبات والحاجة الساقعة وأكشاك التأمين لححححححححححححححححححاد البلطجي اللى قدام المرور اللى بيخيلك تركن قدام المرور اللى تبع الحكومة وياخد منك فلوس بالاجبار ...... لسة بدري عليكي يامصر ......... احنا محتاجين ثورة على الافعال الغلط اللى جوانا وبعدين ثورة تجنلوجية قبل الثورة السياسية اللى موديانا فى داهية ....... اسف ع الاطالة والتشائم وبتمني يحصل كل حاجة كويسة فى مصر

[mohammedabdallh]

يارب

[adelghanem]

ان شاء الله يكون خبر سليم
ربنا قادر على كل شىء
ممكن حال البلد ينصلح
مين عارف!!!!!!!!!!!

[ayman hamdy]

النظام دة متبع فى كل اوروبا فعلا والفحص فى مراكز معتمدة من المرور انا بحيي الناس اللى وراء هذه الافكار وان شاء الله لازم تتعمل عاجلا ام اجلا زى برده نظام تدخيل البوسطة فى كل التعاملات اليومية ف عن طريقها تدفع اى فواتير وحاجات كتيرة جدا برده النظام دة متبع فى كل اوروبا والاخص فى هولندا لانى عايش فى هولندا ما يقرب من 11 عام انا بحيي للمرة التانية كل اصحاب هذه الافكار فهى المخرج الوحيد الان لتطوير مصر

[Silent~Dream]

يا رب يطبقوا الكلام ده فعلا

[Elawany13]

أفلحوا ان صدقوا

[hilal]

للأسف طول ما البلد تحت رحمة العواجيز ، لا أمل
لازم رئيس قوي له شعبية جارفة يستطيع تطهير الشرطة والقضاء والجيش والاعلام ، والشعب يسنده
حاول بس تركن عربيتك بجوار القصر العيني وشوف التحالف بين الشرطة والبلطجية
لازم تدفع 5 جنيه عشان تركن رغم ان المكان فاضي الصبح بدري
والله العظيم البلطجي قال لي ان ضابط الشرطة قالت له المنطقة دي بتاعتك انت لوحدك

[HOSAMSAMSOON]

خبر جميل بجد لو هيتطبق
فى حاجات كتير قوى ممكن تسهل على الناس بس هتقلل المم فالدولة بتتجنبها
انت عارف ان فى السعودية كل حاجه بتتعمل من ِالفيزا كارت وكل الخدمات مربوطة بشبكة واحدة يعنى مفيش حكاية هاتلنا وصل نور او ماية لان اسمك باين عليه كل ممتلكاتك من عقارات وسيارات وتليفونات وعدادات كهربا ومياه
وبكره نشوف مصر !!!

[frame="9 10"]فعلا الفكرة قديمة فى السعودية و كمان موضوع النقط على المخلفات و استخراج رخصة القيادة او نقل الملكية ممكن يخلص عن طريق النت مع محطاط الكشف الدورى و تدفع التامين و تروح بالورق تستلم الرخصة فى المرور فى ربع ساعة[/frame]

[tamer sami]

ليه لأ ونبقى شبه امريكا مالك السياره بيجدد رخصته عن طريق النت وده حصل ادامى ليا واحد صاحبى عايش فى امريكا جدد رخصته واحنا قاعدين

[I.ABUBAKR]

الموضوع ده مطبق في مرور ابيس في اسكندريه منذ اكثر من سنتين

ولكن عن طريق الاتصال تليفونيا مش عن طريق النت

وانا مجدد بالطريقه دي مرتين

نصف ساعه وبتكون الرخصه في ايدك

ياريت الموضوع يطبق في جميع وحدات المرور