لسه مستلم كارت البنزين المدعم حالا

[hossam_elwani]

لسه مستلم كارت البنزين المدعم حالا وجالى لحد البيت من شركة ايجيبت اكسبريس

ودفعت 20 جنيه واخد منى رقم الموتور والبطاقه والتوقيع عند الاستلام للتأكد من انى فعلا صاحب الكارت

تحياتى وعقبال الجميع

بس السؤال الى بيطرح بلح حد شاف او لمح الماكينات فى البنزينات؟؟

[saddam]

صديقي المواطن
حتى.اللحظة لم.يتم تركيب قارئات الكروت في البنزينات ومبروك إستعدادك مبكرا وبالتوفيق
ودمتم للنضال

[hossam_elwani]

صديقي المواطن
حتى.اللحظة لم.يتم تركيب قارئات الكروت في البنزينات ومبروك إستعدادك مبكرا وبالتوفيق
ودمتم للنضال

يعنى لسه ماشيين بالسياسيه العرجاء بذمتكم دى حكومه عايزه تلحق نفسها وتحجم الانفاق على البترول او حتى تعجل بان تكون الكروت باب لمعرفة الاستهلاك حتى بدون تحديده ؟؟

[Eng_hatemfathy]

مبروك عليك ال عشرين جنيه يا باشا
هوا الموضوع ده هيشتغل اصلا !!!!! وكام لتر للعربيه ولو عندى 10 عربيات هاخد للعشرة ولا لواحده بس ولو عندى عربية 1400 تربو بنص مليون هاخد دعم ولا مليش ولو عندى شيروكى كحيانه بتاعى التسعينات هاخد دعم ولا مليش علشان اكتر من 1600 سى سى

[assaf]

الف مبروك
بس سؤال انت مدخل بياناتك من امتي

[TheUnknown]

يا جماعه الكارت شغال هما دلوقتي بيلمه احصئيات علي عدد اللترات للبنزين لو رحت اي بنزينه اديله كارت البنزين و قل له الرقم السري و هو هايطلعلك فاتوره بعدد اللترات.

الماكينات موجوده في البنزينه, و المكنه زي مكنه الفيزا بظبط

[john55]

مبروك مبروك

[hossam_elwani]

مبروك عليك ال عشرين جنيه يا باشا
هوا الموضوع ده هيشتغل اصلا !!!!! وكام لتر للعربيه ولو عندى 10 عربيات هاخد للعشرة ولا لواحده بس ولو عندى عربية 1400 تربو بنص مليون هاخد دعم ولا مليش ولو عندى شيروكى كحيانه بتاعى التسعينات هاخد دعم ولا مليش علشان اكتر من 1600 سى سى

انا دافع 20 جنيه مش واخد هههههههه

هيا عربيه واحده بس الى ليك وغير كده بح

اما باقى التفاصيل فلسه الواقع حيرد عليها

[hossam_elwani]

الف مبروك
بس سؤال انت مدخل بياناتك من امتي

الله يبارك فيك

من 7/20

[hossam_elwani]

يا جماعه الكارت شغال هما دلوقتي بيلمه احصئيات علي عدد اللترات للبنزين لو رحت اي بنزينه اديله كارت البنزين و قل له الرقم السري و هو هايطلعلك فاتوره بعدد اللترات.

الماكينات موجوده في البنزينه, و المكنه زي مكنه الفيزا بظبط

يعنى انت جربتها

نسبيا ومن خلال معرفتك عدد البنزينات الى فيها الماكينات بشكل مئوى كام ؟؟

[S O P H O S]

مبــروك ّ ّ

[TheUnknown]

يعنى انت جربتها

نسبيا ومن خلال معرفتك عدد البنزينات الى فيها الماكينات بشكل مئوى كام ؟؟

انا مونت 4 مرات من ساعت اما استلمت الكارت

استخدمت الكارت في الاربع محطات

• توتال الدائري بعد نزله العين السخنه
• امارات مصر الدائري قبل كارفور
• موبيل(On The Run) شارع الهرم
• امارات مصر طريق اسكندريه الصحراوي قبل البوابات

[د.أبونضال]

أنا كمان استلمت الكارت حالا والموظف بتاع فيديكس استهبل وكان عايز يضرب بقية الخمسين في جيبه ...لكن على مين.. وهو بيقولي أي خدمة وبيهم بالرحيل قمت قلتلة ...الباقي ..فعمل نفسه قال إيه ما كانش واخد باله ... ما كنتش هنام النهارده لو كنت سمحت له يستعبطني.... تحياتي وعقبالكم

[TheUnknown]

أنا كمان استلمت الكارت حالا والموظف بتاع فيديكس استهبل وكان عايز يضرب بقية الخمسين في جيبه ...لكن على مين.. وهو بيقولي أي خدمة وبيهم بالرحيل قمت قلتلة ...الباقي ..فعمل نفسه قال إيه ما كانش واخد باله ... ما كنتش هنام النهارده لو كنت سمحت له يستعبطني.... تحياتي وعقبالكم

اشتيكيهم عشان في شكاوي كتير اوي موجهه لe-finance علي fedex

[ALshahba]

انا كمان مستلمه من حوالي شهرين
ومعملتش بيه حاجه ولا حد طلبه مني
ملحوظه :
1- لوعندك 10 عربيات لازم تطلع لكل عربيه كارت مستقل برقم مستقل
2- التفويل بعدد غير محدود للترات لاي نوع عربيه و غير محدد سعة المحرك
3- التسليم مجاني ..... وبمبلغ 20 جنيه لو تم التوصيل للمنزل فقط