احترس من النصابين .... فى المرور

[husseinoo]

احترس من النصابين فى مرور السلام
--------------------------
شوفو يا جماعة برغم ان الموضوع ده يكسف
وشعور ان الواحد انضحك عليه واتقلب فى فلوس
وطبعا اول حاجة تفكر فيها انك ما تتكلمش فى الموضوع ده عشان الناس ماتضحكش عليك
وبرغم ذلك هههههههههههه
اضحك الاول بدل ما اعيط
هههههههههههه
انا قلت لازم احكى الحوار ده عشان تاخدو بالكم .... وهاكتبه كمان فى نايل موتورز

المهم تدخل على المرور ومن بره يقابلك النصاب
عايز تخلص المصلحة .... هاتكلفك بريزة هههههههه يعنى عايز 100 جنيه
ده بعد ما تفك شفرة البريزة هههههههههه
المهم طيب تعالى على القهوة والواد ليفة هايخلص الورق
هههههههههههههههه
خد بالك من ليفة ..... شوية ويجى ليفة ومعاه ورق مضروب ومغلف بلاستيك
ويقولك العربية عليها مخالفات 650 جنيه
يا عم بتقول ايه ؟
المهم .... بعد ما يقلبك ونحمد ربنا انه نصاب شريف وانه رجع الرخصة
الخلاصة: لو عايز تعمل مصلحة .... لازم تكون مع موظف فى الشباك مباشرة .... غير كده ماتحاولش

ارجوا التثبيت .... ودى اول مرة اطلب تثبيت فضيحة عشان الناس تاخد بالها

مع اطيب التمنيات
اخوكم حسين غزالة

[assaf]

شكرا علي التنبيه

[beshomilan]

انا مش عارف الناس بتستسهل ليه وعايزة حد يخلصلها الورق؟؟
عموما انت كنت جيت معاه للشباك ودفعت فلوس المخالفات بنفسك ورجعت تانى للمكان اللى قاعد فيه وسيبله هو باقى الاجراءات
بس خلاص مفيش مشكله وربنا يسامحه على اللى خده

[haissam24h]

حصلت معايا فى مرور فيصل ولقيتهم بيقولو مش عاوز تخلص وبالحاح هههههه
سعتها كان ورق الماتور لسه مجاش بكل برود هتعرف ترخص العربيه من غير ورق الماتور الجديد قالى لا طبعا
قولتها ريح على جنب لما تعوز تخلص بقا ورق يا شاطر ابقى قولى هههههههه
ودخلت لواحد هناك وبصورة الورق خلصى الورق وثبته عقبال لما يتحول من مرور بين السريات شويه نصابين وخد بالك الموظفين بقا محترمين الوقتى شويه معدا مهندسين الفحص عاوزين ضرب الكلاب مش الجزم

[Omar.Shawki]

الموضوع ده قديم قوى على فكرة فى مرور السلام
معلش محدش بيتعلم ببلاش

[husseinoo]

انا مش عارف الناس بتستسهل ليه وعايزة حد يخلصلها الورق؟؟
عموما انت كنت جيت معاه للشباك ودفعت فلوس المخالفات بنفسك ورجعت تانى للمكان اللى قاعد فيه وسيبله هو باقى الاجراءات
بس خلاص مفيش مشكله وربنا يسامحه على اللى خده

هو موش استسهال ولا حاجة .... انا عامل توكيل ادارة والراجل كبير فى السن ومريض بالسكر .... واول حاجة تفكر فيها انك تشترى راحتك
قدر الله وما شاء فعل

[husseinoo]

الموضوع ده قديم قوى على فكرة فى مرور السلام
معلش محدش بيتعلم ببلاش

ههههههه موش ممكن
انت بتعلم الغيب
هو فعلا اللى حصل كان فى مرور السلام .... هو مرور اسم موش على موسماه ... قال سلام قال
المفروض يسموه اى حاجة ثانية

[husseinoo]

شكرا علي التنبيه

العفو على ايه
والله اول حاجة جت فى دماغى انى احذر كل الاخوة برغم ان الموضوع يكسف
لكن للاسف الاعلام موش فاضى للكلام ده
بدل ما يفهم الناس على البلاوى اللى بتحصل كل يوم
فى بيع السيارات ... فى المرور .... فى العقارات والاراضى
النصاب بيكون محترف
والناس البسيطة ممكن يحصل معاها الحوار ده عادى
وربنا يسترها مع الجميع

[husseinoo]

حصلت معايا فى مرور فيصل ولقيتهم بيقولو مش عاوز تخلص وبالحاح هههههه
سعتها كان ورق الماتور لسه مجاش بكل برود هتعرف ترخص العربيه من غير ورق الماتور الجديد قالى لا طبعا
قولتها ريح على جنب لما تعوز تخلص بقا ورق يا شاطر ابقى قولى هههههههه
ودخلت لواحد هناك وبصورة الورق خلصى الورق وثبته عقبال لما يتحول من مرور بين السريات شويه نصابين وخد بالك الموظفين بقا محترمين الوقتى شويه معدا مهندسين الفحص عاوزين ضرب الكلاب مش الجزم

برافو عليك
تصدق بالله
المفروض كل واحد حصل معاه اى عملية نصب يكتبها عشان الناس تتعلم
وتتعرف على اساليب النصاب الابداعية
وتحترس على قدر المستطاع
برغم ان الموضوع يكسف
لكن والله الراجل قال لى ده انا دخلت جوه وجدت ناس كثيير بتشتكى من النصب
لدرجة امين الشرطة بيقول له "لو شوفت العيال دى مرة تانية ... اتصل بى وانا هانزل امسكهم"
وكان عايز يعطى له 50 جنيه عشان يروح لم وجده راجل كبير وعيان وصعب عليه

[asemx1]

وهما الاخوه الظباط بتوع المرور ليه ما يطلعوش حملات تمسك شويه العيال النصابه دى الى عاملين زى الذباب الى بيحوم حوالين الزباله ؟؟؟


حاجه تقرف زى ما يكونوا مظبطين معاهم

[husseinoo]

وهما الاخوه الظباط بتوع المرور ليه ما يطلعوش حملات تمسك شويه العيال النصابه دى الى عاملين زى الذباب الى بيحوم حوالين الزباله ؟؟؟


حاجه تقرف زى ما يكونوا مظبطين معاهم

هههههههههههههه
تخيل ان في واحد قال لى نفس الكلام
لكن انا راى
ان فيه اماكن .... استغفر الله وحشة قوى
اى نعم احنا كلنا ولاد تسعة
لكن فى اماكن صعبة جدا
وفى الآخر انت بتعطى الضابط نفس المرتب فى اى مكان آخر
يعنى مرتب اللى شغال فى مصر الجديدة .... نفس مرتب اللى شغال فى السلام
يعنى من الآخر .... انت وضعته فى آخر الخط ..... هاتعمل فى الضابط ايه تانى
هاتنقله هههههههههه يبقى انت خدمته

الصح ان الناس دى للازم تاخد حقها
يعنى اعطى ضباط ومخبرين وامناء الشرطة اللى شغالين فى الاماكن الصعبة دى اعطى لهم حقهم المادى
هاتاخد منهم شغل
خلاف كده ..... انسى

ده راى الشخصى

[Hacker5]

حصلت مع واحد صاحبى من اسبوع فى مرور السلام
و مرور السلام معروف طبعا

[eng.m7md.ali]

وهما الاخوه الظباط بتوع المرور ليه ما يطلعوش حملات تمسك شويه العيال النصابه دى الى عاملين زى الذباب الى بيحوم حوالين الزباله ؟؟؟


حاجه تقرف زى ما يكونوا مظبطين معاهم

حضرتك شكلك بتهزر

الشرطة مش فاضية ولا للمتسولين ولا للحرمية ولا للبلطجية .. الشرطة متواجدة بقوة للدقون والاخوان بس

[husseinoo]

حضرتك شكلك بتهزر

الشرطة مش فاضية ولا للمتسولين ولا للحرمية ولا للبلطجية .. الشرطة متواجدة بقوة للدقون والاخوان بس

هههههههههه
هو فعلا دلوقتى فيه اولويات تانية
ربنا يهدى الجميع ويحفظ مصر

[husseinoo]

حصلت مع واحد صاحبى من اسبوع فى مرور السلام
و مرور السلام معروف طبعا

يا ريتك دخلت وحرصتنا من عملية النصب دى
شكرا على كل حال