روحت اطلع شهادة مخالفات و لقيت مشكلة !!!!!

[Hacker5]

السلام عليكم ورحمة الله وبركاته
النهاردة الصبح روحت اطلع شهادة مخالفات لعربيتى
لقيت فيه مخالفات على النمر القديمة بتاعت صاحبها الاولانى
من ضمن المخالفات مخالفة جامدة
لقيت مكتوب "اعتداء قائد المركبة على رجل المرور" و مكتوب قدامها غرامة 300 جنيه و حتى لما اشتريتها الراجل ادانى شهادة مخالفات مفهاش حاجة

دلوقتى انا اعمل ايه ؟
المشكلة انى كنت مجدد الرخصة شهر 4 اللى فات و ماكنش فيه اى مخالفات طب دول جوم منين ؟؟؟
قولت اروح نيابة الدراسة و اعمل تظلم
كلمت واحد صاحبى حكيتله الموضوع قالى ماتروحش عشان ممكن يمسكوك هناك عشان المخالفة دى
هو خوفنى بصراحة و ماروحتش
بس مش مكتوب فى المخالفة ضبط و احضار ولا حاجة يعنى مكتوب بس قدام المخالفة 300 جنيه غرامة يعنى مش مكتوب حاجة عن حبس او حجز
دلوقتى اتصرف ازاى ؟ :(

[احمد المصرى]

ادفع وريح دماغك وخلاص ووفر وقت وبهدله وفلوس

[amr011111]

متابع

[hugan]

الاجمالي بتاع المخالفات كام

[akmm]

ادفع وريح بالك ومهما اتظلمت او قدمت مبررات بردوا فى النهايه هتدفع المخالفات دى ممكن تكون اتبعتت على العربيه بعد الحصول على شهاده المخالفات اللى معاك .

[aboomar22]

نفس المشكلة كانت عندى بس كان مبلغ اكبر روحت جبت ورقة من شباك تسليم لوحات الارقام بتاريخ استلامى للوحة ومكتوب بها من سبق واستعمل نفس الارقام وتاريخها ودخلتها لوكيل النيابة شال المخالفات مباشرة

[grumby78]

اعمل تظلم وادخل لوكيل النيابه ومعاك العقد الابتدائي للبيع وشهادة المخالفات وقت الشراء وهو حيتفهم ومش حيظلمك ..

[msobhy]

نفس المشكلة كانت عندى بس كان مبلغ اكبر روحت جبت ورقة من شباك تسليم لوحات الارقام بتاريخ استلامى للوحة ومكتوب بها من سبق واستعمل نفس الارقام وتاريخها ودخلتها لوكيل النيابة شال المخالفات مباشرة

والكلام ده حصل من غير واسطه!!!!!!!!!!!!!! سبحان الله

يا عم استمتع ..... انت مصرى وعايش فى مصر

[M.Elgergawy]

نفس المشكلة كانت عندى بس كان مبلغ اكبر روحت جبت ورقة من شباك تسليم لوحات الارقام بتاريخ استلامى للوحة ومكتوب بها من سبق واستعمل نفس الارقام وتاريخها ودخلتها لوكيل النيابة شال المخالفات مباشرة

بالظبط كده وهو ده اللى حضرتك هتعمله

[Hacker5]

نفس المشكلة كانت عندى بس كان مبلغ اكبر روحت جبت ورقة من شباك تسليم لوحات الارقام بتاريخ استلامى للوحة ومكتوب بها من سبق واستعمل نفس الارقام وتاريخها ودخلتها لوكيل النيابة شال المخالفات مباشرة

من نفس المرور اللى حضرتك فيه ولا مرور الدراسة ؟
هو اجمالى المخالفات اللى عليها 470 جنيه
المشكلة مش فى الفلوس
المشكلة فى مخالفة الاعتداء على رجل المرور دى
صاحبى قالى ماتروحش عشان ممكن يمسكوك
معرفش كلامه صح ولا غلط
لو حضرتك ممكن تقولى عملت ايه بالتفصيل

[AhmedNaeem]

واحد صاحبي لقي مخالفات علي الرقم بتاريخ قبل شراء العربية
لانه شاري العربية زيرو
واتظلم وفضل وراهم وفي الاخر القاضي ايد الدفع
نصيحة ادفع واشتري مخك لانك مش هتوصل لحاجة

[aboomar22]

والكلام ده حصل من غير واسطه!!!!!!!!!!!!!! سبحان الله

يا عم استمتع ..... انت مصرى وعايش فى مصر

من غير واطة والله وفى مرور فيصل المشهور بقرفة واللى قالى اعمل كده موظف شباك النيابة ودخلنى لو كيل النيابة وخلاص

[Hacker5]

هحاول اشوف حل و ربنا يستر

[فبريكا]

معلش يعنى حتى لو فيها اعتداء على رجل المرور بتاريخ قبل شراء العربية انت اية الي مخوفك وانت بتقول انوا اداك شهادة مخالفات مفهاش اي حاجة يعنى نصاب روح و جمد قلبك متخفش الا من الى خلقك و توكل على الله واعمل تظلم ما ضاع حق وراءة مطالب وحتى لو القاضي حكم بالدفع يبقى انت عملت الى عليك وربنا حيعوضك خير . لو انت مستغني عن المبلغ ادفعوا وريح راسك وربنا مش حيسبوا برضوا الناس دية فاكرة نفسها ان ده ذكاء لكن حيروح من ربنا فين لو مش فى الدنيا في الاخرة .

[Hacker5]

الحمدلله الموضوع عدى على خير و الموضوع خلص