قطر عجلة القياده واهميتها بالنسبه لك ...

[hossam_elwani]

بشوف موديلات عربيات كتير قطر عجل القياده ياكبير يا صغير ايه المعيار فى كده بالسنتى ولا بالملى

انا عن نفسى بفضل عجلة القياده الصغيره بحس بالتحكم اكتر بيها


ياترى ايه العربيه الى فيها اصغر عجلة قياده فى مصر ؟؟

وايه اكبرها ؟؟

تحياتى

[eng.salama93]

كل ما عجلة القيادة بتكبر كل ما التحكم فيها بيبقي أسهل .. لأن ذراع العزم بتبقي أكبر فا بتحتاج قوة أقل
و برضو بيفرق ف السهولة بتاعتها ميل عمود الدركسيون

[amrelsaqqa]

الموضوع ده كان بيعمل فرق جذري زمان لما مكنش فيه باور وكانت الطارة الاكبر اخف وبتدى عزم ازدواج اكبر ، انما دلوقتى كدة كدة كله باور ، ومش هتحس بفرق غير ان الدركسيون الاصغر ممكن يكون اريح في السواقة شوية

[hugan]

حاليا مفيش بسبب الباور
كله صغير
التاره الكبيره فيات 125 بولنيز
بيجو 504 لادا

[sayco100]

انا برتاح للأكبر الصراحة لكن الاوربى وبرا عموما بيصنعوا الأصغر كل مرة فكل موديل وهما شايفين ان
دة الافضل وكله بقى فيه باور
الموضوع بقى موضوع راحة وتعود مش أكتر

[monamize4]

متهيألى ان اكبر عجلة قيادة ف مصر موجودة ف ال 504 :-)

[mk3]

بفضل الصغير او الاسبور وده لانى طويل والبنطلونات بتخلص اول باول :(

[Abo-Yousef]

بصراحة انا بحب الطارات الاسبور الصغيرة شكلها حلو ومريحة فى السواقة ... بس ليا سؤال هل الطارات الصغيرة تفرق فى العربيات الموديلات القديمة اللى هيه مش باور

[eng.salama93]

بصراحة انا بحب الطارات الاسبور الصغيرة شكلها حلو ومريحة فى السواقة ... بس ليا سؤال هل الطارات الصغيرة تفرق فى العربيات الموديلات القديمة اللى هيه مش باور

طبعا بتفرق جدا و الطارة بتبقي ناشفة التحكم صعب جدا لما تشيل الطارة الكبيرة بتاعه العربية و تحط الأسبور الصغيرة

[amrelsaqqa]

متهيألى ان اكبر عجلة قيادة ف مصر موجودة ف ال 504 :-)

عشان كدة دركسيونها خفيف كأنها عربية صغيرة او حديثة نسبيا او اللى المصريين بيسموه خطأً "هاف باور"

وكتأكيد على الموضوع ده ، في الـ 504 نفسها موديل الجي ال فرق كبير بينه وبين الجي ار في خفة الدركسيون رغم انها نفس العربيةالعفشة الامامية واحدة ، لكن الطارة الاتقل في الوزن تخلى العزم اكبر والحركة اخف

[monamize4]

ما شاء الله الصور معبرة جدااااااااااااا

[hugan]

ما شاء الله الصور معبرة جدااااااااااااا

اهه كده
هي دي طاره التريلا