سؤال عن مخالفة الصف الثاني

[mazo.hero]

السلام عليكم ورحمة الله

انهارده اخدت مخالفة مدون عليها (الوقوف صف ثاني وتعطيل حركة المرور) تقريبا هي اتنين في واحد

المهم امين الشرطة اللي حطلي المخالفة لزقلي الورقة علي الازاز، عايز اعرف الغرامة هتبقي في حدود كام ؟
وعايز الحق اروح ادفعها عشان تبقي مخفضة، هل اروح وحدة المرور التابع ليها رخصتي ؟ ولا اروح وحدة المرور التابعة للمكان اللي أخدت فيه المخالفة؟

وهل هيسحبوا رخصتي ؟ ولا ايه


ودي كانت فقرة لقيتها علي الانترنت عن قانون المرور الجديد والغرامات، انا بصراحة مفهمتش منها اروح انهي وحدة مرور

تضمن القانون الجديد عدة تيسيرات للمواطنين عند التنفيذ من بينها إبقاء رخصة القيادة أو التسيير التي سيتم سحبها بوحدة المرور التي ارتكبت فيها المخالفة لمدة 72 ساعة ويتم بعدها توريدها إلي وحدة المرور المستخرجة منها وهي المرحلة الثانية إذ يحق للمواطن سداد 50% من الحد الأدني للمخالفة خلال الأيام الثلاثة الأولي ثم الحد الأدني للمخالفة في الثلاثة أيام الثانية ويكون ذلك في نيابة المرور ويمكن لصاحب الترخيص التظلم أو الاعتراض وذلك خلال ال7 أيام الأولي من سحب الرخصة وبعد ذلك تكون قيمة الغرامة كاملة واجبة السداد بالحد الأقصي بالمحكمة المختصة أو التظلم ورفع دعوي قضائية إذا أراد ذلك

[محمد يوسف]

90% من الحالات بتكون دى ورقة مضروبة بيلزقها الأمين عشان تلاغيه ب 20 جنيه ومابتكونش متسجلة فى الدفتر

أما بقى لو حظك طلع وحش واتسجلت فى الدفتر فدى غرامتها 500 جنيه تدفعها عند تجديد الرخصة

[mazo.hero]

90% من الحالات بتكون دى ورقة مضروبة بيلزقها الأمين عشان تلاغيه ب 20 جنيه ومابتكونش متسجلة فى الدفتر

أما بقى لو حظك طلع وحش واتسجلت فى الدفتر فدى غرامتها 500 جنيه تدفعها عند تجديد الرخصة

الف شكر لردك السريع، بس انا ليا سؤال بالتاكيد الامين بيسجل الغرامة في الدفتر لو ملغتهوش صح ؟


النقطة التانية كنت عايز اعرف رأيك عل الاقتباس اللي تحت ده يخص مخالفات تانية ولا ايه ؟

تضمن القانون الجديد عدة تيسيرات للمواطنين عند التنفيذ من بينها إبقاء رخصة القيادة أو التسيير التي سيتم سحبها بوحدة المرور التي ارتكبت فيها المخالفة لمدة 72 ساعة ويتم بعدها توريدها إلي وحدة المرور المستخرجة منها وهي المرحلة الثانية إذ يحق للمواطن سداد 50% من الحد الأدني للمخالفة خلال الأيام الثلاثة الأولي ثم الحد الأدني للمخالفة في الثلاثة أيام الثانية ويكون ذلك في نيابة المرور ويمكن لصاحب الترخيص التظلم أو الاعتراض وذلك خلال ال7 أيام الأولي من سحب الرخصة وبعد ذلك تكون قيمة الغرامة كاملة واجبة السداد بالحد الأقصي بالمحكمة المختصة أو التظلم ورفع دعوي قضائية إذا أراد ذلك

[lidosasa]

معاك 72 ساعة من تاريخ المخالفة تروح للمرور اللى أتعملت فيه المخالفة ( وبعدها المفروض إن المخالفة بتروح للمرور التابع ليه السيارة ) تتصالح معاهم مقابل دفع نصف قيمة الحد الأدنى للمخالفة يعنى حتدفع 250 جنيه

[محمد يوسف]

الف شكر لردك السريع، بس انا ليا سؤال بالتاكيد الامين بيسجل الغرامة في الدفتر لو ملغتهوش صح ؟


النقطة التانية كنت عايز اعرف رأيك عل الاقتباس اللي تحت ده يخص مخالفات تانية ولا ايه ؟

الاقتباس ده والتصالح الفورى خلال 72 ساعة لو كانت الرخص اتسحبت منك فى مكان المخالفة لكن طالما ما اتسحبتش كبر دماغك لأنك كده كده وقت التجديد حاتطلع كشف مخالفات وساعتها اعمل تظلم ع الاجمالى ووكيل نيابة المرور بيشيل نص المبلغ غالبا...

بس أنصحك تدور ع الأمين اللى لزق الورقة وتعرف الورقة ايه نظامها وتلاغيه

ومش شرط انه يكون سجلها لو ما اتلاغاش لأنه بيعمل الحركة دى فى 100 عربية فى اليوم فممكن ينسى

[Ahmed_Adham]

أنا كنت واخد مخالفه انتظار يناير 2012 ولحد النهارده مظهرتش وكان التيكت على الازاز برضه زي اللي حصل معاك فأكيد هتروح المرور مش هتلاقي حاجه.

[mazo.hero]

90% من الحالات بتكون دى ورقة مضروبة بيلزقها الأمين عشان تلاغيه ب 20 جنيه ومابتكونش متسجلة فى الدفتر

أما بقى لو حظك طلع وحش واتسجلت فى الدفتر فدى غرامتها 500 جنيه تدفعها عند تجديد الرخصة

الاقتباس ده والتصالح الفورى خلال 72 ساعة لو كانت الرخص اتسحبت منك فى مكان المخالفة لكن طالما ما اتسحبتش كبر دماغك لأنك كده كده وقت التجديد حاتطلع كشف مخالفات وساعتها اعمل تظلم ع الاجمالى ووكيل نيابة المرور بيشيل نص المبلغ غالبا...

بس أنصحك تدور ع الأمين اللى لزق الورقة وتعرف الورقة ايه نظامها وتلاغيه

ومش شرط انه يكون سجلها لو ما اتلاغاش لأنه بيعمل الحركة دى فى 100 عربية فى اليوم فممكن ينسى

شكرا جزيلا مرة تانية الامور كده وضحت

[mazo.hero]

أنا كنت واخد مخالفه انتظار يناير 2012 ولحد النهارده مظهرتش وكان التيكت على الازاز برضه زي اللي حصل معاك فأكيد هتروح المرور مش هتلاقي حاجه.

ياباشا تسلم لمرورك الكريم

[mahmoudysf]

ولا حاجة لقيت الورقة دي كذا مرة كنت بقطعها ومبلقيش حاجة في المرور دي حركة عشان السبوبه بتاعة الامين

[mazo.hero]

ولا حاجة لقيت الورقة دي كذا مرة كنت بقطعها ومبلقيش حاجة في المرور دي حركة عشان السبوبه بتاعة الامين

يارب تبقي كده ولاون الواحد برده غلطان بس نعمل ايه بس مفيش صف اول ركن ولو فيه تلاقي المحلات تمنعك ، ولا حتي في باركنج

[احمد المصرى]

حصلت معايا وكبرت دماغى ولا حصل اى حاجه انسى يا باشا ولا تسال فيهم

[hugan]

مرتين في الزمالك
بس كانت ب67 جنيه

[mazo.hero]

شكرا جدا يا جماعة لردودكم تسلموا يارب

[salodas]

انا استفدت من الموضوع ده .... شكر

[semsem7222]

اسألنى انا 300 تعمد تعطيل حركة المرور و20 انتظار فى الممنوع 6.5 مصروفات ادارية