نماذج وتصاميم لسيارات من الورق

[shawke hamed]

بسم الله الرحمن الرحيم

انا اخوكم شوقى حامد دى هوايتى قلت اشاركم فيها وهى منذ 15 سنة وانا بصنع نماذج وتصاميم لسيارات عندى ما يقارب 400 نموذج مصنع من الورق دول اربعة منهم قلت اشاركم فيها ويارب تنال اعجابكم
وجارى رفع الفيديو والصور

[BLACKVERNA]

موضوع لذيذ و ربنا يوفقك

[shawke hamed]

...............

[S O P H O S]

ما شاء الله
جميل الابتكار

[shawke hamed]

الله يخليك يا غالى وجارى رفع الفيديو

[lanos2004]

العربيات دى سولا ر ولا بنزين وفيه منها تيربو

[mem]

جميله تسلم ايدك

[shawke hamed]

الله يخليكوا يا رجالة

[matrix_it]

انت فناااان بصراحة روعة

[speed_magnum]

شكلها جميل القافله بتاعتك

[shawke hamed]

الله يخليكوا يا رجالة

[EngAhmedSayed]

ياه كانت ايام فكرتينى بيها
ايام ما كنت بحوش من مصروفى و انزل اشترى عربيات اللعبة و اعدل فيها
يعنى على سبيل المثال عربية بقلاب كنت بعملو ميكانيكال علشان يبقى قلاب اتوماتيكى عربية من غير موتور كنت بجيبلها موتور و بخليها تمشى بالكهرباء او بالبطارية

و كنت عامل جراج تحت السرير
كان عندى عربية قلاب
و عربية خلاط اسمنت
و عربية ميكروباص
و نش كبير
و كنت عامل كساحة كبيرة بخشب و عجل و جرار

غير عربيات السباق الصغيرة

ايام يا صديقى العزيز اتمنى ان ترجع تانى

بالتوفيق ان شاء الله

[aldesha989]

كام غيار دى :d
تسلم ايدك

[مصطفى-حسن]

ياه كانت ايام فكرتينى بيها
ايام ما كنت بحوش من مصروفى و انزل اشترى عربيات اللعبة و اعدل فيها
يعنى على سبيل المثال عربية بقلاب كنت بعملو ميكانيكال علشان يبقى قلاب اتوماتيكى عربية من غير موتور كنت بجيبلها موتور و بخليها تمشى بالكهرباء او بالبطارية

و كنت عامل جراج تحت السرير
كان عندى عربية قلاب
و عربية خلاط اسمنت
و عربية ميكروباص
و نش كبير
و كنت عامل كساحة كبيرة بخشب و عجل و جرار

غير عربيات السباق الصغيرة

ايام يا صديقى العزيز اتمنى ان ترجع تانى

بالتوفيق ان شاء الله

رجعتنى 26 سنة لورا
فكرتنى بنفسى لما كنت بعمل اى حاجة بسلوك الكهرباء الالومنيوم اللى بتتشد على العواميد
كان عمال الكهرباء يوم ما بيعملوا احلال وتجديد للسلوك الالمونيوم كان بيبقى يوم عيد عندى

انا فاكر اخر حاجة عملتها كانت عربية بتنور والشنطة والكبوت بيفتحوا من جوة والدركسيون بتاعها كان شغال يمين وشمال بس مكانش فيها فرامل وكان حجمها اد الكيبورد
اى والله زى ما بقولك
وكل دة كان بسلك الالمونيوم وبامكانيات بسيطة جدا
قلب فانوس رمضان
4 بكرة خيط بلاستيك
تحويلات ميكانيكية اخدت فكرتها من التحويلات بتاعة السكة الحديد

ياااااااااااااااااة
كانت ايام جميلة

[adelghanem]

ﻫﻮﺍﻳﻪ ﺟﻤﻴﻠﻪ