استفسار عن نقل الملكيه فى السياره الملاكى

[khaled_sabry]

السلام عليكم
عربيتي ورثتها عن والدى عليه رحمة الله و انا ليا اشقاء بالغين و قصر
عملت الناهرده عقد البيع لى (انا المشترى) و "اشقائى البالغين كانو عاملينلى توكيلات" و والدتى عن الاشقائى القصر
المهم فى العقد وقعت والدتى عن نصيبها و نصيب اشقائى القصر و وقعت انا عن نصيب باقى اخواتى الموكلين - مع العلم بأن صيغه العقد لاتميز الموقع ان كان مشترى ام بائع
فهل كده انا مجبر انى انقل الملكيه فى خلال شهر ؟؟ (لأنى اعرف فى عقود بيع السيارات لو وقع المشترى لابد عمل نقل الملكيه فى المرور فى خلال شهر )
وفى حالة نقل الملكيه من الان - الرخصه القديمه ( مرور اسيوط ) تنتهى مع تاريخ الفحص بعد عامين من الان
فعند نقلها الى المرور التابع له (مرور السلام اللعين) هل سوف اخسر مدة العامين و ادفع الرسوم كلها ؟؟
هل انا مجبر على احضار شهادة المخالفات من اسيوط - مع العلم بأنه لايوجد عليها مخالفات و ذلك بعد البحث موقع المرور على النت
و ماذا يحدث اذا لم انقل الملكيه فى خلال هذا الشهر ؟؟

[hossamalsadik]

السلام عليكم
عربيتي ورثتها عن والدى عليه رحمة الله و انا ليا اشقاء بالغين و قصر
عملت الناهرده عقد البيع لى (انا المشترى) و "اشقائى البالغين كانو عاملينلى توكيلات" و والدتى عن الاشقائى القصر
المهم فى العقد وقعت والدتى عن نصيبها و نصيب اشقائى القصر و وقعت انا عن نصيب باقى اخواتى الموكلين - مع العلم بأن صيغه العقد لاتميز الموقع ان كان مشترى ام بائع
فهل كده انا مجبر انى انقل الملكيه فى خلال شهر ؟؟ (لأنى اعرف فى عقود بيع السيارات لو وقع المشترى لابد عمل نقل الملكيه فى المرور فى خلال شهر )
ده لما تسجله فى الشهر العقارى بيديك فترة سماح شهر عشان تنقل الملكية
وفى حالة نقل الملكيه من الان - الرخصه القديمه ( مرور اسيوط ) تنتهى مع تاريخ الفحص بعد عامين من الان
بتحتفظ بالتامين العامين وبتزود سنه تدفع فولسها سنه واحده فقط لاكن الفحص بتدفع فلوسه 3 سنوات
فعند نقلها الى المرور التابع له (مرور السلام اللعين) هل سوف اخسر مدة العامين و ادفع الرسوم كلها ؟؟
لا بتحتفظ بمدة العامين
هل انا مجبر على احضار شهادة المخالفات من اسيوط - مع العلم بأنه لايوجد عليها مخالفات و ذلك بعد البحث موقع المرور على النت
نعم بتستخرج شهادة مخالفات وبيانات وده سهله وسريعه ان شاء الله

و ماذا يحدث اذا لم انقل الملكيه فى خلال هذا الشهر ؟؟

بعد التسجيل بالشهر العقارى بيديك مدة شهر ولو انتهت المدة بتدفع الرسوم تانى وأعتقد شهر كفايه يعنى
بالتوفيق ان شاء الله

[na3m977]

انا هرد على جزئية فى الموضوع وهو ما يتعلق بعملى ومتاكد من المعلومة وهى طالما ان سيارة الوالد ورثها والدتك واشقائك البلغ والقصر فلابد من الحصول على تصريح من النيابة الحسيبة المختصة فيما يتعلق بنصيب القصر فى السيارة حتى ولو والدتك وقعت على العقد عن نفسها وبصفتها وصية واى استفسار بخصوص اجراءت النيابة الحسبية انا تحت امرك ممكن تكلمنى على الخاص

[hossamalsadik]

انا هرد على جزئية فى الموضوع وهو ما يتعلق بعملى ومتاكد من المعلومة وهى طالما ان سيارة الوالد ورثها والدتك واشقائك البلغ والقصر فلابد من الحصول على تصريح من النيابة الحسيبة المختصة فيما يتعلق بنصيب القصر فى السيارة حتى ولو والدتك وقعت على العقد عن نفسها وبصفتها وصية واى استفسار بخصوص اجراءت النيابة الحسبية انا تحت امرك ممكن تكلمنى على الخاص

فعلا الكلام ده مظبوط

[khaled_sabry]

الف شكر على المساعده - لكن فيه حاجه واضح انى ماوضحتهاش فى كلامى
انا فعلا عملت العقد خلاص فى الشهر العقارى و كنت موقع عليه (لأنى موكل عن اخواتى كبائع)
فهل نفس التوقيع ده برضه يحتسب كمشترى ؟ و فى الحاله دى حبقى مجبر على نقل الملكيه فى خلال الشهر ده ؟
مشكلتى فى نقل الملكيه فى المرور هى انى ححتاج شهادة المخالفات (لن احتاج بيانات لأن الرخص لاتزال ساريه) و بكده حطر انى اسافر اسيوط و مافيش قطارات و الموضوع حيبقى بهدله حبتين
علشان كده سألت هل ممكن اتجنب سفر اسيوط مع العلم ان العربيه ماعلهاش مخالفات اصلا (انا سمعت ان ممكن اطلع شهادة مخالفات من مرور الدراسه بس مش متأكد)