هو بنزين 90 اتلغي يا رجالة ؟

[egyption2012]

السلام عليكم ورحمة الله وبركاته
امبارح اتفاجئت ان بنزين 90 اتلغي
هل الكلام ده صحيح في مصر كلها ولا بنزينات امارات مصر فقط ؟
شكرا لكم

[مهند-النجار]

لا يا راجل تلاقية بس شاحح شوية لو كان اتلغي كنت هتلاقي 500 موضوع ف المنتدي عن كدة

[egyption2012]

بنزينة امارات مصر في اسكندرية
لغت مسدس بنزين 90 نهائيا

[lada2105]

ياباشا طول ما انت فى مصر هتشوف العجايب قلنا الاخوان مش نافعين ومش حاسين بالشعب طلع ان احنا اللى مش حاسين ان الشعب عمره ما هيتغير التغير تغير داخلى وليس تغير رؤساء او حكومه للاسف كل اللى بيجى على الكرسى بيحب يشوف اعوانه فقط ربنا يستر على مصر ويكرمنا بحكومه وشعب يخاف على الوطن
فعلا يا نجم البنزين 90 اتلغ منذ فتره لان عندنا فى طنطا اتلغ المسدس وبقى 92 وضمتم للنضال

[2CODE]

نضف عربيتك وحط 92 على طول - احنا مش عايزين ننضف ولا نتقدم اكتر نهائي ليه !!!!!!!!!!!!!

[ابو لؤى]

انت عارف ياباشا من سنه كده بسأل فى بنزينه لوسمحت عايز بنزين 80 قالى مافيش قولتله ولا 90 قالى ياباشا 90 ده ملغى من زمان قولتله طب مافيش 70 ماردش عليا خالص ههههههههه بعدها بيوم مونت 90 وغالبا كان 80 الظاهر ان 90 هو 80 اصلا الفكره انهم بيحصلو فلوس اكتر وخلاص

[ZOoOoMA]

بقالي اكتر من سنه مش لاقي 90 و بحط 92 كل ما اخش محطه الاقيه كاتب على مسدس ال 90 خارج الخدمه

[aldesha989]

انا كتبت موضوع قبل كده انى مش بلاقيه وال 80 قليل جدآ لانى بشوف سواقين التكاسى واقفين على البنزينات بالهبل وبيزقو العربيات يعنى جايبين اخر لتر

وبعدين دخلت بنزينه عندنا ماكنتش بتبيع غير 92 و90 بس على البجر بتاعت التعاون او موبيل مش فاكر
المهم سئلته قالى الشركه قالتلهم انسى ال 90 خالص واللى هينزل 92 و95 لو نزل
و85 وهيتلغى ال 90 وال 80
وسعر ال 85 هيبقى ب 110 باين

بس من اسكندريه للقاهره وانا ما لقيتش بنزين 90 تمامآ وبفول 92 على طول دلوقتى ما فرقتش ال 10 قروش الزياده بس ربنا يستر ما يرفعوش سعر ال 92

[egyption2012]

مشكلة بنزين 92 مش في العشر قروش الفرق
المشكلة انه بيتبخر وبيخلص بسرعة

[egyption2012]

وعلى رأي السيسي
تدفع تشوف اللي عمرك ما شفته
لكن بلاش .. لا مفيش

[SAMEH_FOUAD]

ماهو المفروض فعلا يتلغى , ولا لية اى لزمة فرق 10 قروش , وسهل جدا يتخلط مع بنزين 92 وانت ماتعرفش , وكمان ادائة تعبان

[kmimsa]

فعلا بنزين 90 اتلغى و كانوا بيفكروا ينزلوا بنزين 85 و كانت فكرة فاشلة و لم تطبق حتى الان و دمتم للنضال

[aldesha989]

ايه يا جماعه كله اتعدى من استاذ صدام
يعنى كل واحد وله اسلوبه مش كل واحد بيقى يكتب ودمتم للنضال كل واحد وله اسلوبه ياجماعه مش كله اقتباس كده