اكلت مطب ويا ريت حد يفسرلي اللي حصل للعربيه ضروري

[aminibrahim]

جاي من المطار ونظرا للحظر في طريق السويس لازم نلف من الجبل وندخل من ناحيه الرحاب قبل بوابه ١٩ والاقي نفسي طاير ونازل علي الرض والحمد لله قدرت الم نفسي
لكن من شده اطيران والهبده ع الارض اتخضيت ونزلت من العربيه وبطلتها ولفيت حواليها وبصيت تحتها والحمد لله مافيش حاجه لكن
جيت اشغل العربيه مادارتش ولقيت الانوار بتضعف اضطريت استني وبعد نص ساعه معديه دوريه شرطه سالوني في حاجه قلتلهم عايز لسعه عشان البطاريه شكلها نام ،،، والحمد لله قامت العربيه وجربتها وكله تمام
وبعد كده وصلت البيت طفيت العربيه وشغلتها اشتغلت وركنت بتاع ساعه نزلت دورتها دارت ،،، انا في حيره ايه اللي حصل ومش هاكدب عليكو البطاريه بقلها اكتر من ٣سنين بتاعه الفابريكه حد ممكن يفسرلي اللي حصل والا جيب بطاريه تانيه وخلاص

[speed_magnum]

الحمد لله على سلامتك
متابع
.
بس اعتقد ان مشاكل المطبات غالبا بتكون في العفشه اوفي حوض الموتور خصوصا لو العربيه غير مصفحه ولو الحاجات دي سليمه يبقى باذن الله ما فيش مشاكل

[mohamedxsayed]

ممكن قشاط البطاريه كان فك او لخ لخ وعدلته وانت بتاخد التوصيله

[amr011111]

هتلاقى فعلا اى كابل من كابلات البطاريه فصل

[فبريكا]

هل القشاط السالب للبطارية عليه ملح ؟

[aminibrahim]

هل القشاط السالب للبطارية عليه ملح ؟

لا يا جماعه الصبح جيت ادورها نامت تبقي عايزه بطاريه

[lidosasa]

لا يا جماعه الصبح جيت ادورها نامت تبقي عايزه بطاريه

أسلم حل إنك تاخد البطارية نفسها لفنى البطاريات هو بيكشف عليها و حيقولك عايزة تشحن ولا باظت ومحتاجة تتغير

[abokoko]

لا يا جماعه الصبح جيت ادورها نامت تبقي عايزه بطاريه

بتاع البطاريات بيطلب منك اضاءة جميع الانوار وتشغيل كل الاجهزه الكهربائية بالعربيه
وتركها مضاءة وتعمل 10دقايق او ربع ساعه
وبعدها بيبص على الدائرة
لو كانت سوداء يبقي مشكلة اعادة شحن
لو كانت بيضاء فيبقي مطلوب تغيير البطارية

هذا ما حدث معى

[aminibrahim]

بتاع البطاريات بيطلب منك اضاءة جميع الانوار وتشغيل كل الاجهزه الكهربائية بالعربيه
وتركها مضاءة وتعمل 10دقايق او ربع ساعه
وبعدها بيبص على الدائرة
لو كانت سوداء يبقي مشكلة اعادة شحن
لو كانت بيضاء فيبقي مطلوب تغيير البطارية



هذا ما حدث معى

انا شغلت كل حاجه لمده عشر دقاءق ولقيت الانتظار والببان والانذار واشنطه مش عايزه تفتح وقطعت تماما

[moh19227]

هوا ف الغالب قطاشات البطاريه فصلت من الخبطه
ثانيا متقلقش ف الغالب الصدمه بتيجى ف المساعدين والسوست اللى قدام والعربيه بتنط من فوق المطب ومبتتخبطش من تحت الا لو انت كنت دايس فرامل وانت داخل ع المطب
ولو فى حاجه حصلت ف العربيه هتظهر اليومين اللى جايين

[kazamodia]

ياااااااااااااااااااااااااااااه فكرتني كلت نفس المطب ده في نفس المكان من شهر كده فعلا المطب ده مش باين خالص والمكان مغري جدا للجري شوفته في اخر لحظة وانا ماشي على 80 دوست فرامل على الاخر بس مفيش فايده والعربية طارت بمعني الكلمة وهبدت هبده وحشة اوي ونزلت بصيت وانا اصلا مش فاهم حاجة في اي حاجة هههههههههه بس الحمد لله جت سليمة
على فكرة المكان ده دلوقتي حاطيين فيه اكتر من علامة ان في مطب وموضحينها اوي

[windofchange]

ده مطب في الطريق الموازي للرحاب وبتتطلع منه علي طريق السويس تاني...لو كده انا خدته برضه والعربية نزلت ببوزها والردياتير فك من مكانه عندي