الزلزال قادم

[Dr_Peps]

حد قرأ مقالة خالد أباظة في ملحق السيارات أخبار اليوم السبت الماضي كان بيتكلم عن شركات كبيرة في مصر وأسيا وأوروبا وبيسفروا بطيرات خاصة علشان يمضوا العقود وتوكيلات مفاجأة للشعب المصري كله من أفقر واحد فينا لأغنى واحد وكلام كتير كده على أمل أنه ينقطنا بحتة كمان السبت الجاي
حد بقى عند فكرة عن الموضوع ده ولا لازم نستنى ليوم السبت

[Ramy_Ali]

هيطلع موضوع هيف فى الاخر
كلة كلام لشد الانتباة ورفع المبيعات للصحف
كلام فى كلام
يعنى اى كلام
وخلاص

[mostafabakry]

مطاااااااااااااااوي خالد بيه المعروفة

[MoToRiZeR]

خالد اباظة يعني كبر دماغك ..

[معتز]

فاكرين كومودوا.دة الجزء الثانى..........يا تره العربية دى مش حالها زى ماكان خالد اباظة بيقول عنها..........

[Sharky]

هو لسه فيه حد بيصدق مقالات خالد أباظة !!!

[mshanafi]

للاسف صحافة السيارات في مصر مختلط فيها التحرير بالاعلانات زي الشاي باللبن ......

[moh_kamal67]

احبائى واعزائى ليه كده بس
من اهم المصادر اللى بعرف بيها اتجاه السوق فى الفترة القادمة هو الراجل ده اللى بتابع مقالاته من كام سنة فى اخبار يوم السبت
نيجى للكلام المفيد
الراجل بيحذر الناس ان فيه تغيير يا بشر هايحصل فى السوق - طبعا غلطان كان يسيب الناس نايمة على ودانها
ييجى الواحد يشترى وبعد 3 شهور من دلوقت يلاقى السوق اتبدل يقعد محصور على نفسه واللى جراله
خدناها فى اولى ابتدائى : نزول عربيات جديدة للسوق وخاصة فى فئة متوسطى الدخل تغير منه وتحسنه فى مصلحة المشترى وضد مصلحة البائع لتوسع المنافسة عليه
انا اشتريت خلاص قريب ولكن اللى ناوى يشترى لازم يكون عارف اللى هايحصل فى السوق والا لا يلومن الا نفسه
موعدنا هنا فى نفس المكان بعد الحدوث الحقيقى لدربكة السوق
تحياتى

[Sharky]

يا باشا ما هو قال نفس الكلام دا على الكومودو الصينى و عربية حتكسر الدنيا و فى متناول الجميع و حتلاقيها فى كل بيت فى مصر
و فى الأخر حتى الأن العربية لسه ما طلعتش من المصنع أصلا !!

[som3aa]

يا باشا ما هو قال نفس الكلام دا على الكومودو الصينى و عربية حتكسر الدنيا و فى متناول الجميع و حتلاقيها فى كل بيت فى مصر
و فى الأخر حتى الأن العربية لسه ما طلعتش من المصنع أصلا !!

و حتى لو طلعت من المصنع هتفضل مركونة فى التوكيل!!!

احبائى واعزائى ليه كده بس
من اهم المصادر اللى بعرف بيها اتجاه السوق فى الفترة القادمة هو الراجل ده اللى بتابع مقالاته من كام سنة فى اخبار يوم السبت
نيجى للكلام المفيد
الراجل بيحذر الناس ان فيه تغيير يا بشر هايحصل فى السوق - طبعا غلطان كان يسيب الناس نايمة على ودانها
ييجى الواحد يشترى وبعد 3 شهور من دلوقت يلاقى السوق اتبدل يقعد محصور على نفسه واللى جراله
خدناها فى اولى ابتدائى : نزول عربيات جديدة للسوق وخاصة فى فئة متوسطى الدخل تغير منه وتحسنه فى مصلحة المشترى وضد مصلحة البائع لتوسع المنافسة عليه
انا اشتريت خلاص قريب ولكن اللى ناوى يشترى لازم يكون عارف اللى هايحصل فى السوق والا لا يلومن الا نفسه
موعدنا هنا فى نفس المكان بعد الحدوث الحقيقى لدربكة السوق
تحياتى

انا قولت هيجمعوا لكسس او اودى فى مصر من الكلام اللى انا قريته , طلع كله هجص و قعد برده يقول طيارات خاصة و كلام فارغ من دا و صاحب توكيل مرسيدس فى السعودية و معرفش سافر تونس يقابله و كلام كدا و فى الاخر طلعت عربية نص كم (محصلتش نص كم حتى).

[CosmicOne]

مش عارف لية حاسس بردو ان الكلام على عربيات صينى جديدة مش على حاجة جامدة يعنى

[MEDO80]

هوا مين خالد اباظة دا ؟

[drhaytham]

انا شفتها في السعودية شكلها هتبقى كويسة