عاوز حد يرد عليا

[motoxp]

انا امتلك السيينا موديل 2001 و 1400 cc وجميع الكماليات بصراحة عربية حلوة بقالها 7شهور و الله جميلة و لكن الحلو ما يكماش ظهرت بعض العيوب و ارجو منكم مساعدتى فيها :


1/ زرار التكييف ساعات يشتغل و ساعات لا علما بان الفيوز سليم مش عارف ليه (يعنى ممكن و انا ماشى بعد ساعتين مثلا اجرب يشتغل معايا يعنى بحالات مش دايما شغال مش عارف ليه )
2/ دواسة البنزين بتعلق يعنى ابقى ماشى مرة واحدة تلاقى rpm على 80 و 90 وصوت العربية عالى جدا كما لو هفرك (لازم تمور و تبطل العربية و تقعد تكرك بنزين كتير ثم تدور ترجع تمام تانى )
3/ هل عربيتى فيها abs
4/ نفسى فى كتالوج العربية دى طلبته كذا مرة و محدش رد عليا
5/ ازاى اضبط محطات الراديو فى الكاسيت نوعىclarion ard1670 اجيب المحطة بزرار يمين و شمال طيب ازاى اعمل حفظ للمحطة
6/بشم ساعات ريحة بنزين محروق وان بسخن العربية و ساعات وانا بركن ؟؟؟؟؟
7/ بيحصل رجة مستمرة فى العريبية عندما يشتغل التكييف هل ده عادى ؟
8/ لو حد يعرف ميكانيكى و كهربائى كويس بيفهم فى السيينا يقولى عليه ؟


ورمضان كريم وكل عام وانتم بخير ( اتا وضعت الموضوع فى العام لان فى قسم فيات لا احد رد )

[iBiZa]

انا ماليش فى الفيات بس هرد عليك فى المشكلات العامة حسب علمى:

1/ زرار التكييف ساعات يشتغل و ساعات لا علما بان الفيوز سليم مش عارف ليه (يعنى ممكن و انا ماشى بعد ساعتين مثلا اجرب يشتغل معايا يعنى بحالات مش دايما شغال مش عارف ليه )

سعات الزرار نفسة ممكن يكون بقى ناعم او بيعلق او فية حاجة فى كتاوت التكييف لازم كهربائى كويس او متخصص تكييفات يراجع عليها.

2/ دواسة البنزين بتعلق يعنى ابقى ماشى مرة واحدة تلاقى rpm على 80 و 90 وصوت العربية عالى جدا كما لو هفرك (لازم تمور و تبطل العربية و تقعد تكرك بنزين كتير ثم تدور ترجع تمام تانى )

دية ممكن تكون دواسة البنزين بتعلق فى حاجة او سلك البنزين بيعلق فى حتة معينة فا لازم الميكانيكى او انت تكشف على الموضوع دة بالتجربة, يعنى يبقى معاك حد عمال يدوس على دواسة البنزين و انت تتابع حركة الدواسة و السلك جوة الحوض.

3/ هل عربيتى فيها abs

لأ

5/ ازاى اضبط محطات الراديو فى الكاسيت نوعىclarion ard1670 اجيب المحطة بزرار يمين و شمال طيب ازاى اعمل حفظ للمحطة

بعد لما تظبط المحطة, تدوس على رقم من الستة اللى عندك لمدة 3 او 5 ثوانى و الكاسيت هيحفظ المحطة على الرقم دة.

7/ بيحصل رجة مستمرة فى العريبية عندما يشتغل التكييف هل ده عادى ؟

لا طبعا, غالبا كدة العربية مش بتعلى مع التكييف. يعنى اية ؟؟ المفروض لما تشغل التكييف تلاقى الRPM او كهربة العربية عليت شوية عشان حمل التكييف فا متترجش جامد او تطفى و دية اللى يشوفهالك متخصص تكييف.

[Ahmad Allawy]

انا باقترح ان المشكلة ممكنم تكون في الايدل كونترولر..
اللي هو بيتحكم في العربية وهي في السلانسيه.. عشان كده اوقات بتعلي لوحدها..
عندي كان اوقات بيعمل كده بس في عربية اوبل..

و الرجة مع التكييف.. غالبا الموتور مش بيعلا لما الكومبريسور يلقط.. ودي اسأل فيها حد بتاع تكييفات عشان في وحدة المفروض بتعمل تعويض لسحب التكييف و يبدو انها مش شغالة كوبس عندك..

[motoxp]

شكراا ارجو المزيد من الردود للاستفادة