بخصوص قانون الجمارك .. أعمل ايه ؟؟؟؟؟

[Dr_ElSioufy]

السلام عليكم و رمضان كريم
كان عندي استفسار بخصوص جمارك السيارات وموضوع المالك الاول والحاجات اللي تزهق دي , انا كنت سمعت ان العربيه مدام قعدت مع صاحبها اكتر من 10 سنين بتتعفى من الجمارك ! مش عارف ايه مدى صحة المعلومه دي , و دلوقتى الوالد معاه مرسيدس زلمكه مو 1986 وعدى عليها اكتر من 10 سنين بس المشكله في حكايه المالك الاول دي , لآن والدي كان اشتراها من الامارات من اجانس بيستورد العربيات مستعمله من المانيا فمين يعتبر المالك الاول للعربيه ؟ لآنه كان بيفكر يجيبها مصر ويدفع جمركها ويبيعها لآن العربيه دي دلوقتي سعرها في الامارات لو جيت تبيعها مش هتجيب اكتر من 7 ألاف درهم و لو نزلت مصر هتعدي ال 80 ألف جنيه بالميت !!!!
ياريت لو حد عنده خلفيه في الموضوع ده يفيدني بيها و لو حد يعرف ايه وضع وقوانين الجمارك دلوقتي يقولي لان معلوماتي قديمه على ما أعتقد .. وبأنتظار خبراتكم

[boty50]

عزيزي

قانون الجمارك الساري ، هو انك تكون المالك الأول
وقت شراء السيارة من التوكيل ويكون موديلها هو موديل
نفس السنة او السنة التي تليها بعد 1/10 من نفس السنة

يعني ، سيارة موديل 2008 تشتريها في سنة 2008
اي شهر الي 31/12/2008 وتكون جديدة وانت اول مالك
لها في مرور البلد اللي انت فيها بموجب شهادة مصدقة

كمان ممكن سيارة موديل 2009 اول متنزل الي الأسواق
في 2008 ولكن تدخل الجمارك المصرية بعد 1/10/2008
فقط ، والعبره ليست بوقت دفع الجمرك ولكن بدخولها ميناء الوصول

وده طبعا" غير منطبق علي سيارة الوالد

حكاية ال 10 سنين دي ماسمعتش عنها خالص وكمان غير
معقولة ايضا!!

[wara2]

اخي العزيز
بخصوص الجمارك هي ان تكون المالك الاول للسيارة في سنة الموديل وانالسيارة زيرو لم تستعمل واقصى خصم هو 50% بعد ان تكون قمت بتصديق كافة اوراق السيارة من السفارة المصرية الموجودة لديكم وهذا للعلم.

[HESHAM AMIN]

العربية دى مش ممكن تخش البلد
لان لازم عند شراءك العربية تكون زيرو
ثانيا لازم ميكونش عدى عليها اكتر من خمس سنين من سنة الصنع
يعنى حتى لو شاريها زيرو وعدى عليها خمس سنيين متخشش خالص

[mostafabakry]

عزيزي

قانون الجمارك الساري ، هو انك تكون المالك الأول
وقت شراء السيارة من التوكيل ويكون موديلها هو موديل
نفس السنة او السنة التي تليها بعد 1/10 من نفس السنة

يعني ، سيارة موديل 2008 تشتريها في سنة 2008
اي شهر الي 31/12/2008 وتكون جديدة وانت اول مالك
لها في مرور البلد اللي انت فيها بموجب شهادة مصدقة

كمان ممكن سيارة موديل 2009 اول متنزل الي الأسواق
في 2008 ولكن تدخل الجمارك المصرية بعد 1/10/2008
فقط ، والعبره ليست بوقت دفع الجمرك ولكن بدخولها ميناء الوصول

وده طبعا" غير منطبق علي سيارة الوالد

حكاية ال 10 سنين دي ماسمعتش عنها خالص وكمان غير
معقولة ايضا!!

+10000000000

كلام مظبوط