اقل خساره فى بيع عربية كسر زيرو

[maio_do]

بسم الله الرحمن الرحيم

السلام عليكم ورحمه الله وبركاته

محتار اجيب اية زيرو وابيع بعد سنة واخسر اقل خسارة اكيد الماركة وسوق العربية اكيد بيساعد فى اعادة بيعها تنصحونى باية من الماركات دية

هيواندى اكسنت ار بى ولا النترا

كيا سيراتو ولا كوبيه

بريليانس كروس ولا v5

متسوبيشى بومة ولا شارك

اوبل استرا

شيفرولية كروز

هوندا سيفيك

العربية بالكتير سنة ونص وابيعها باذن الله اية اقل عربية ممكن اخسر فيها وهخسر كام؟

[gezoo]

عليكم السلام ورحمة الله وبركاته

اخى الفاضل اشترى لانسر بومة اولا
ثم النترا
ثم اسنت ار ب
وابعد عن باقى الماركات اللى انت كتبها تماما

[maio_do]

عليكم السلام ورحمة الله وبركاته

اخى الفاضل اشترى لانسر بومة اولا
ثم النترا
ثم اسنت ار ب
وابعد عن باقى الماركات اللى انت كتبها تماما

ليه انا بفكر فى البريليانس v5

[saddam]

صديقي المواطن
إلانترا ثم نيسان ثم كورولا ثم سيراتو
حتتباع بسرعة والخسارة مش حتتجاوز 20 ألف ومتجيبش الهايلاين
جيب أتفه حاجة بس أوتوماتيك عشان الهايلاين في مصر بيخسر دايما والمشتري مش بيقدر المواصفات الزيادة نهائي وتبعد عن كل العربيات التانية لسرعة البيع ملحوظة البريليانس عربية عظيمة بس مش سريعة في البيع وحتخسر برضو في بيعها أنا لو حشتريها كسر زيرو بعد سنة ونص لازم ثمنها يقل 30 ألف عن يوم الشراء فمش حتنفعك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[hilal]

لانسر بومة قولا واحدا

[elmkaneeki]

لانسر بومة

[mody112]

لانسر بومة

[kokowasfy]

لانسر بومة

[hossam_elwani]

نسبة الخسارة بتتراوح من كام لكام ياجماعه فى تقديركم ؟؟

[S O P H O S]

البومة او الالنترا فأعتقادي

[Hussein_Ramdan]

باشا احنا السوق الوحيد الى مالوش قواعد ولاة اسس
انت ممكن تجيب عربية تتخفس بيها الارض فى السعر وممكن تجيب عربية تركبها سنة وبعد ما تبعها تكسب فيها
مثلا عندك
اللنترا الجديدة اول مانزلت - سبورتاج - قشقاى
العربية دى ناس اشترتها وبعديها باقل من السنة العربيات سعرها ضرب اكتر من عشرين الف
عندك انا مثلا كنت جايب اللنترا هاى لين ب 138500
وبعتها لصحبى بعديها بكام شهر ب 130000
من كام يوم عرفت انو عايز يبيع بقولو انا هاخدها
لقيتو بيقولى هبتعها ب 135000 هههههههههههههه بعد ما ركبها سنة
معا العلم الفئة الى انا اشترتها زيرو دلوقتى ب 172 الف هههههههههههههه احنا فى بلد العجايب