صيانة خارج التوكيل

[kilooo]

السلام عليكم و رحمة الله و بركاته


انا كان عندى استفسار

انا عربيتى ماشيه 80000 كيلو حاليا و المفروض انى اعمل صيانة ال 80000

انا بعمل كل الصيانات في التوكيل بس بحس انهم بيشتغلونى في الاسعار بالذات المصنعيات و الضريبه بتكون عاليه اوى.

السؤال هنا هل في مكان مضمون انى اعمل في الصيانه بره التوكيل و اتابع معاه بعد كده الصيانات بس اهم حاجه يكون امين و بيفهم ايه المفروض يتغير و يكون طبعا اسعاره كويسه
هى العربيه كيا ريو و شكرا لحضراتكم

[A.Saad]

هات جدول الصيانة من التوكيل او ابقى ابعته ليك
تختار مركز او ميكانيكى وتعمل الصيانة عنده
بقالى 30000 بعمل كدة
المياه بجيبها من التوكيل واغيرها فى بنزينة موبيل فى ش الطيران
البوجيهات من مركز هيونداى نفس بوجيهات عربيتى
الفلتر وقطع الغيار بشتريه من التوكيل واغيرهم بره عند ميكانيكى عارفه

[Ahmed Amin]

هات جدول الصيانة من التوكيل او ابقى ابعته ليك
تختار مركز او ميكانيكى وتعمل الصيانة عنده
بقالى 30000 بعمل كدة
المياه بجيبها من التوكيل واغيرها فى بنزينة موبيل فى ش الطيران
البوجيهات من مركز هيونداى نفس بوجيهات عربيتى
الفلتر وقطع الغيار بشتريه من التوكيل واغيرهم بره عند ميكانيكى عارفه

أيه نوع المية اللي بتجيبها من عندهم ولونها أيه ؟ وتركيزها كام ؟
وليه مش بتجيب مية موبيل أو أي نوع تاني,

[A.Saad]

عندهم مياه كيا خضرا
تركيز 50 %
الموبيل اخف 33%
التركيز اللى بيتصح بيه الكتالوج 50%
الانواع التانية فيه منها مضروب وتركيزات اخف
نفس التركيز لقيته فى البريستول فى شل
بس شكل الغلاف كام غير شكله على موقعهم على النت فقلقت منها