عربية اخوكم اتخبطت النهارده و هى واقفه قدام البيت

[amz2011]

عربية اخوكم لانسر بومة اتخبطت من ساعة و هى واقفه قدام البيت و انا للاسف كنت فى الشغل و البواب طلع قال لمراتى فقومت روحت و لقيت الاتى:
توكتوك خبط فيها كسر فوانيس الشبورة اللى لسه مركبها و ماشتغلت ساعه على بعضها المهم الاكصدام اتكسر و باظ خالص فوانيس الشبوره اتكسر و الاسلاك بتاعتها اتقطعت
المهم رحت اشتريت الاكصدام تايوانى 240 من المنير اللى فى شارع فيصل و روحت لسمكرى عشان اسئاله على حد يرش الاكصدام لقيته بيقولى هيكلفك 250 رش و خمسين جنيه تركيبفهل سعر الرش الاكصدام غالى و لا انا متهيالى و ياريت حد يفيدنى يقولى على حد بتاع رش فرن يكون كويس فى فيصل او قريب من شارع العشرين

[SAMEH_FOUAD]

ربنا يعوض عليك

وقدر الله وماشاء فعل , معلش قضاء اخف من قضاء

السعر كدة مناسب بالنسبة للرش , لكن التركيب كتير 50 جنية هو حلو علية 30 جنية , وتروح لكهربائى يعدلك الاسلاك دية عشان ماتلمسش فى بعضها

[salah_86]

بص هو الاكصدام 50 جنية تركيبة فعلا عندنا فى المنوفية بالسعر دا
انا رايى انك كنت تجيب الاكصدام الاصلى او عل الاقل كنت جبت قشرة اكصدام وكنت ركبت الحشو بتاع القديم بتاعك بس يلا قدر الله وما شاء فعل وفعلا رشة ب 250 جنية كدا كويس لان عربية ابن خالتى كيا ريو كنا بنرش اكصدام ورفرف ب 500 جنية

[Akram.Gamal]

معلش قدر الله و ماشاء فعل
الحمدلله على كل حال

[svneleven]

ربنا يعوض عليك و. لكن عملت ايه في التوكتوك ابن ال......

[saddam]

صديقي المواطن
طبعا هو المبلغ كبير على إكصدام وهناك طرق ثاتية لكن مش حتفرق كتير عشان الشغلانة صغيرة يعني الموضوع بوهية ورش كابينة ممكن يكلف 100 بس فمش حتور غير 150 جنيه فملهاش قيمة وأنا بعمل التالي
حتطلع كود العربية من البليتة وبعد كده تجيب ثمن بوهية بالكود ب 15 جنيه وتروح الفرن تديه 50 جنيه يرشلك اﻹكصدام وتديه 20 جنيه للصنايعي في الفرن عشان يسحقه وبس وممكن تديه طبقتين ورنيش وينشف
وتروح تركبه
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[Silent~Dream]

قدر الله و ما شاء فعل و بالنسبه للرش وكده انا مش عارف بس الرجاله وضحت كل حاجه فوق

[akmm]

قدر الله وماشاء فعل .......................

[Ahmed_Ramadan]

طيب ما تجرب تشوفه إستيراد نفس اللون ؟

[Eng_hatemfathy]

قدر الله وما شاء فعل
بص نصيحة قبل ما ترش قارن بين اكصدام العربية واللى انت اشتريته هتلاقى الجديد ناشف عن الاصلى وده ليه مشكلتين
الاولى اى ترييحة بيتعض فبينطر البوية
ثانيا مش بياخد ويدى مع الترييحات فبيتكسر بسهولة
رأىى لو لقيت الفرق ده يبقى قدامك انك توفر بس هترمى فلوس او انك تجيب الاصلى استيراد سليم وترشه او انك تجيب الاصلى جديد اسود وربنا يعوض عليك
انا بصراحة عملت كده فى الكروز والاكصدام بالشاسيه بالرش كلف 3206.5(1900 اكصدام وشاسيه حوالى 700 ورش 250 وفك وتركيب 100 وضريبه طبعا
طبعا انت هتجيب اكصدام بس (حوالى 1200) وترشة ب 250
قارن وفكر واستخير وربنا يهديك للخير