أحنا اللى نستاهل

[mokelanos]

الحمد لله اشتريت شقه بالتقسيط المريح فى حدائق الأهرام
أنا شقتى أصلا فى امبابه

المهم لما كنت بدور على الشقه كان السؤال التقليدى فيه جراج فى العماره ولآلأ علشان الواحد بيشترى للزمن وانتم عارفين مشكله الركنه
لغايه ما لقيت واحد خفيف بسأله على الجراج قالى ما تركن فى الشارع يعنى أنت حتدفع 10000 جنيه علشان تشترى مكان العربيه أنا الدم غلى فى عروقى
قلت له يعنى أنت عندك الشارع عرضه 12 متر ولازم العربيات تركن جنب العماره والعماره عرضها 20 متر يعنى 4 عربيات بالعافيه علشان المدخل وانت عندك 5 أموار كل دور اربع شقق وكمان بنيتوا على السطوح ( رووف) وبعتوه شقق يعنى عندك 24 عربيه حيركنوا فين سعادتك ورفضت الشقه والحمد لله اشتريت شقه دور أرضى بحديقه مدخل خاص بجراج
سؤالى للناس اللى عاوزه تشترى ليه ما نشترطش على صاحب العماره توفير جراج
على الأقل وأحنا بنسأل على شقه نسأل عن الجراج
علشان نحسس أصحاب العقارات أنها مطلب أساسى وبدونه لن يتم بيع شققه
وطبعا اللى حيركن أدام الجراج بتاعى

[دموع الثلج]

الف مبروووووووووووك على الشقه

ياريت الكل يهتم بموضوع الجراج ده
انا من خمس سنين اشتريت شقه وكنت مهتمه اووى بموضوع الجراج ده طلع صاحب العماره قالى طبعا فيه جراج بمساحه العماره كلها 400 متر قلت الحمد لله كويس لما خلص مبانى واستلمنا الشقق

ربنا ما يوريك منظر الجراج معمول مدخل فقط يعنى تدخل مفيش مكان تخرج منه والعربيات جوه مينفعش تعدل وتخرج مكان ما دخلت عشان اعمده الخرسانه
من الاخر الجراج ده ديكووووووووور وهيقلبه مخزن فى الاخر اول ما ياجره بس هقفلهوله ان شاء الله

معلش ممكن سؤال ؟
انت اخدت شقه فى اى بوابه فى الحداق وممكن تفاصيل عن التقسيط المريح ده لو مفيهاش تعب

[hazem_khidr]

من الاخر الجراج ده ديكووووووووور وهيقلبه مخزن فى الاخر اول ما ياجره بس هقفلهوله ان شاء الله

اهو دا آخرة اللي يسكن افوكاتوا في عمارته

[Ghamrawy]

قال هو صحيح ان قيمة الجراج حتتضاف على قيمة الشقة عند حساب الضريبة العقارية ؟؟

[mokelanos]

الف مبروووووووووووك على الشقه

ياريت الكل يهتم بموضوع الجراج ده
انا من خمس سنين اشتريت شقه وكنت مهتمه اووى بموضوع الجراج ده طلع صاحب العماره قالى طبعا فيه جراج بمساحه العماره كلها 400 متر قلت الحمد لله كويس لما خلص مبانى واستلمنا الشقق

ربنا ما يوريك منظر الجراج معمول مدخل فقط يعنى تدخل مفيش مكان تخرج منه والعربيات جوه مينفعش تعدل وتخرج مكان ما دخلت عشان اعمده الخرسانه
من الاخر الجراج ده ديكووووووووور وهيقلبه مخزن فى الاخر اول ما ياجره بس هقفلهوله ان شاء الله

معلش ممكن سؤال ؟
انت اخدت شقه فى اى بوابه فى الحداق وممكن تفاصيل عن التقسيط المريح ده لو مفيهاش تعب

أنت تأمر هو المتر كان ب 1500 دلوقتى ب 1750 والمساحات من 150 متر وانت طالع أنا دفعت 30% والباقى على 5 سنين
دلوقتى الباقى على 3 سنين

[mokelanos]

والله يا جماعه احنا اللى نستاهل فعلا
بصو كده على عمارات كورنيش المعادى متر الشقه ب 5000 جنيه
وسعر الشقه يعدى المليون بالراحه ومفيهاش جراج وممنوع وضع الدش فوق السطوح وكلهم مركبين الدش فى البلكونه طب ليه
فى ستين الف داهيه شقه عند مالك متخلف جشع ولا أيه رأيكم

[MoToRiZeR]

يا ريت كل الناس بالإيجابية دي
مبروك الشقة

[hfekry]

الف مبروك الشقة ياباشا .
معلش سؤال هيا الشقة فى أنهى منطقة بالظبط ؟

[mokelanos]

الف مبروك الشقة ياباشا .
معلش سؤال هيا الشقة فى أنهى منطقة بالظبط ؟

الشقه فى مدخل 2 خفرع منطقه و
ويارب نكون جيران

[2hmed_7osam]

الف مبروك للشقة وموضع الجراج دا خنيق وبحسه فعلا عند صحابي الحمدلله فيلتنا ليا جراج مستقل لعربية واحده والباقي قدامها ومحدش يقدر يقرب فمكان العربيات التانية والا برضو

[OlaOsman]

برج محترم على ناصية شارعنا، البلكونات من أول الدور التالت فيه بتشوف النيل مستريح اوي و الشقة بالشئ الفلاني.. أول ما اتبنى كان فيه جراج.. كام شهر و الجراج بقدرة قادر اتحول لمسجد و السكان بدأوا يركنوا في الشارع.. بالرغم من ان البرج ده على ناصية شارعين و الشارعين فيهم مسجدين لا يفصلهم عن المسجد اللي في البرج سوى أمتار.. انا مش فاهمة ازاي سكان البرج ساكتين على الوضع ده؟ هل خايفين لا ربنا يعاقبهم في رزقهم و عيالهم لو اتقدموا بشكوى عشان ده مسجد يعني؟.. طيب ماهي الناس كانت بتصلي فين قبل المسجد ده ما يتفتح؟ و لاهمه المسجدين التانيين ضاقوا بمصلينهم؟.. فعلا مش فاهمة.

[MoToRiZeR]

برج محترم على ناصية شارعنا، البلكونات من أول الدور التالت فيه بتشوف النيل مستريح اوي و الشقة بالشئ الفلاني.. أول ما اتبنى كان فيه جراج.. كام شهر و الجراج بقدرة قادر اتحول لمسجد و السكان بدأوا يركنوا في الشارع.. بالرغم من ان البرج ده على ناصية شارعين و الشارعين فيهم مسجدين لا يفصلهم عن المسجد اللي في البرج سوى أمتار.. انا مش فاهمة ازاي سكان البرج ساكتين على الوضع ده؟ هل خايفين لا ربنا يعاقبهم في رزقهم و عيالهم لو اتقدموا بشكوى عشان ده مسجد يعني؟.. طيب ماهي الناس كانت بتصلي فين قبل المسجد ده ما يتفتح؟ و لاهمه المسجدين التانيين ضاقوا بمصلينهم؟.. فعلا مش فاهمة.

في المواقف اللي زي كدة يا علا الموقف بيبقي معقد أوي
لأن اللي سالب حق الناس بيبقي فاكر إن معاه الحق و بيقولك بكل شجاعة "عايز الناس متصليش عشان تركن عربيتك!!" مع إن الناس ممكن تصلي عادي جداَ و الشارع زي ما بتقولي مليان جوامع و ده في أي منطقة أكيد فيها جامع كبير علي الأقل .. إنما فيه ناس متفهميش بيبقوا عايزين ياخدوا ثواب الجامع فا بيعملوا من وراه ذنوب كتير !

يعني عندك اللي يلغي الجراج و يعملوا جامع و الناس تحتاس
و اللي يفرش الشارع كله يعمله جامع و الناس تولع بجاز .. دنا شفت و الله مرة جامع حاطط أدامه سلاسل حديد !
و الجوامع اللي بتحط سماعات للميكروفون ولا الدي جي !! و الله الجامع اللي جنبينا كان حاطط سماعات بتصحيني مفزوع كل يوم الفجر!! رحت كلمته بالذوق الراجل قالنا مش عايزين الناس تصحي تصلي الفجر ؟! و عاملنا معاملة الكفار .. فا عملنا شكوي رسمية ضده بجد معتقدش اللي بيعملوه ده ولا يقرب للدين بحاجة يعني ده إسمه إزعاج للأخرين و تعطيل لمصالحهم .
و القاعدة .. طالما جامع يبقي إنت أكيد غلطان و الحق معانا و إذهب إلي الجحيم !

[OlaOsman]

في المواقف اللي زي كدة يا علا الموقف بيبقي معقد أوي
لأن اللي سالب حق الناس بيبقي فاكر إن معاه الحق و بيقولك بكل شجاعة "عايز الناس متصليش عشان تركن عربيتك!!" مع إن الناس ممكن تصلي عادي جداَ و الشارع زي ما بتقولي مليان جوامع و ده في أي منطقة أكيد فيها جامع كبير علي الأقل .. إنما فيه ناس متفهميش بيبقوا عايزين ياخدوا ثواب الجامع فا بيعملوا من وراه ذنوب كتير !

بس على فكرة انا سمعت من فترة ان فيه قانون بيعفي صاحب العقار من العوايد لو بنى جامع تحت العمارة.. معرفش إذا كان ده لسه ساري و لا لأ.

يعني عندك اللي يلغي الجراج و يعملوا جامع و الناس تحتاس
و اللي يفرش الشارع كله يعمله جامع و الناس تولع بجاز .. دنا شفت و الله مرة جامع حاطط أدامه سلاسل حديد !
و الجوامع اللي بتحط سماعات للميكروفون ولا الدي جي !! و الله الجامع اللي جنبينا كان حاطط سماعات بتصحيني مفزوع كل يوم الفجر!! رحت كلمته بالذوق الراجل قالنا مش عايزين الناس تصحي تصلي الفجر ؟! و عاملنا معاملة الكفار .. فا عملنا شكوي رسمية ضده بجد معتقدش اللي بيعملوه ده ولا يقرب للدين بحاجة يعني ده إسمه إزعاج للأخرين و تعطيل لمصالحهم .
و القاعدة .. طالما جامع يبقي إنت أكيد غلطان و الحق معانا و إذهب إلي الجحيم !

ما بلاش يابني تفتح على نفسك طاقة جهنم.. عموما لو حد سألني عنك هاقول كان راجل طيب

[hfekry]

الشقه فى مدخل 2 خفرع منطقه و
ويارب نكون جيران

يشرفنى يا باشا أن نكون جيران
انا شقتى فى : البوابة الأول . منطقة أ شارع رقم 17 .
انا كنت واخد الشقة من سنة ونص . وكان المتر بالف جنيه . تدفع النص والباقى على سنتين
بالمناسبة ماتعرفش ايه أخبار النادى . يعنى هيفتح امتى وبكام الاشتراك ؟