العربيات واشكالها

[speranz]

السلام عليكم ورحمة الله وبركاته

الموضوع دا جى فى بالى من فترة من كتر مبقيت بمشى فى الشارع ابص على شكل العربيات
لاحظت ان العربية عندنا فى مصر لما يتغير شكلها سعرها بيعلى حتى لو كان مجرد تغير شكلى
وعربيات تانية شكلها ثابت من التسعينات ولسا بتتباع زيرو بالفهلوة

متعو نظركم

قصدى اقرفو نظركم من الاشكال الى عفى عليها الزمن











المشكلة انها عربيات خلاص راحت عليها وعندنا فى مصر مصممين يجمعوها ويبعوها للمصرى الغلبان على انها عربية جديدة
لو قولت لاى شخص برا مصر ان العربية دى موديل 2013 مش هيصدق وهيفتكرك مجنون
لانه عارف ان مبقاش ينزل منها جديد واتعود على الاشكال الجديدة الى تناسب التطور مع مرور السنين واظن 2014 جاية المفروض نكون خلصنا من الاشكال دى ومنشوفهاش زيرو تانى
ويبتدو ينزلو اشكال جديدة بسعر اقل ولا المصرى ملوش نفس يركب عربية زيرو بسعر قليل ويكون شكلها حديث مش عدا عليه عقود من الزمن

[Silent~Dream]

لا حياه مع العلم ولا حياه لمن تنادى :xd

[amoor89]

هى الفكرة اننا شعب بيخاف من المجهول وبيفضل يلزق فى الماضى كتير واللى تعرفه أحسن من اللى متعرفوش
مع ان دلوقتى فى موديلات اوروبى باسعار مقاربه للموديلات دى وعوامل أمان أعلى وتكنولوجيا أعلى لكن ده حال السوق المصرى

[hossam_elwani]

عشان احنا مصريين بس كده

[Mostafa.Mahran]

قطع الغيار و سعر اعادة البيع هم الى بيعملو كده

[SAMEH_FOUAD]

والله اللى يخلينا نشترى عربية مافيش فيها اى عوامل امان بسعر فوق ال 100 الف جنية

المفروض يتعمل فينا اكتر من كدة

ولما نشترى عربية تمنها غلى 40 الف جنية من غير مايكون فيها , اى حاجة تبرر الزيادة دية , وتلاقى الناس بتشترى وفرحانة وكمان بتشترى ب over price وبحجز بالشهور عشان تستلم العربية

يبقى المفروض يتعمل فينا اكتر من كدة

لما الواحد يبقى دافع 190 -200 الف جنية فى عربية , ويلاقى فيها عيوب صناعة وعيوب تقفيل , والتوكيل بتاعها اسوء مايكون فى المعاملة بيحسسك انة مديلك العربية for free , ويديك قطع غيار مبالغ فيها جداا وهية اصلا ماتساويش ربع تمنها واحنا مابنتكلمش وساكتين لأ وكمان مبيعاتة بتزيد يوم عن يوم ( على اية ) محدش عارف

يبقى المفروض يتعمل فينا اكتر من كدة

لكى الله يامصر