هوة انا كدة غلطان

[lanos2004]

كنت راجع من التجمع الاول ونازل على شارع الثورة والدنيا زحمه والواحد اتخنق صراحه
المهم عربيه رينو سانديرو كانت جنبى وانا ماشى عادى جدا عدينا الملف الى عند دار الاشارة
انا مصدقت حته فاضيه طلعت امريكانى وطرت
السانديرو تقريبا سخن على صوت الانوس
الطريق قفل تانى بسرعه دوست فرامل والحمد لله وقفت والسرعه لم تتجاوز 80 لانى كنت على الغيار التانى لسه
المهم سانديرو داس فرامل هوب العربيه اخدتها زحف لحد اما لبست تقريبا فى سيراتو -وطاخ
رينو سانديرو مبتقفش بتزحف بس
انا ليا ذنب فى حاجه -مبيعرفش يقف بيجرى ليه
الراجل الى اتخبط من ورا دة صعب عليا جدا صراحه
انا كنت مستعجل وكملت على مشوارى
كل الى عملت انى دوست بنزين زياده هوة سخن مع نفسه
انا كدة ليا ذنب فى حاجه

[ahmedalaahosny]

لاحضرتك مش غلطان ولا حاجة هو المفروض اللي عارف ان عربيته مش قد الجري والشد مايجريش لان ممكن ف مرةتقلب بكارثه مش خبطة عادية

[AhmedNaeem]

فعلا المفروض الواحد يكون عارف امكانيات عربيته
لكن للاسف اغلب الحوادث اللي بتحصل دلوقتي بتكون بسبب قلة الخبرة وسوء التقدير للعربية والطريق
ربنا يحفظنا جميعا ويلطف بينا

[MOTOR HEAD]

لاطبعا مش غلطان :)

الصراحه ان هو سواق حمار و المفروض بتاع السيراتو ياخد حقه منه

[mahmoud869]

انت مالكش دعوة هوه الي غلطان

[lanos2004]

شكرا ليكوا يعنى انا كدة برىء الحمد لله

[تامر.محمد]

تقريبا هو كان جاب التالت :)

[lanos2004]

تقريبا هو كان جاب التالت :)

هيه هتفرق لو التالت او التانى فى الفرامل
الى وقف الانوس انها معدله امامى وخلفى وتماسك aa
لوجان وسانديرو ملهمش علاقه بميجان ون ولا تو اصلا لا من قريب ولا بعيد

[hossam_elwani]

لا مش غلطان اطلاقا كل واحد بيسوق يبقى قد سواقته

بس انت بتجيب 80 على التانى ازاى هو الموتور مش بيصوت تحت رجلك ويصعب عيك ؟؟

[atala]

علي رأي واحد صاحبي اجري علي قد فرامللك ما تجيبك ( لازم كل واحد يبقي عارف امكانيات عربيته ويمشي علي قد الامكانيات دي )

[lanos2004]

لا مش غلطان اطلاقا كل واحد بيسوق يبقى قد سواقته

بس انت بتجيب 80 على التانى ازاى هو الموتور مش بيصوت تحت رجلك ويصعب عيك ؟؟

لا عادى انا بنقل على 6400 لما بجرى كان فاضل فى التانى 8 كيلو كمان

[تامر.محمد]

هيه هتفرق لو التالت او التانى فى الفرامل
الى وقف الانوس انها معدله امامى وخلفى وتماسك aa
لوجان وسانديرو ملهمش علاقه بميجان ون ولا تو اصلا لا من قريب ولا بعيد

مش باتكلم على فرق اداء الفرامل , بس انت اكيد التاني لم العربية معاك جامد اوي يعني

[lanos2004]

مش باتكلم على فرق اداء الفرامل , بس انت اكيد التاني لم العربية معاك جامد اوي يعني

كان فيه مسافه كويسه اصلا عن نفسي انا مش بهجم علي حد الي حصل انه اصر يطلع من الانوس فالمسافه عنده اصبحت اقل من قوه فرامل عربيته

[تامر.محمد]

فهمتك , الغشم كان عامل مهم يعني

[ahmedesmat1987]

كان فيه مسافه كويسه اصلا عن نفسي انا مش بهجم علي حد الي حصل انه اصر يطلع من الانوس فالمسافه عنده اصبحت اقل من قوه فرامل عربيته

لا فى الحاله دى لو هوا حاول يطلع منك عشان ينتش غرزه قدامك وانت بدافع الحماس متنازلتش عن عدم الاستسلام واديتو فرصته (بالبلدى كدا قفلتها عليه ) يبقى فى شى من الغلط عليك لانك كان فى ايدك انك تنقذه لو اديته فرصته انه يعديك او يكسر عليك هوا غلطان طبعا ويتحمل جزء كبير جدا من الغلط لانه حماسى زياده عن اللزوم بس كلنا بنتحط فى الموقف دا وياما ناس كتير بتوجب معانا وبتفتحلنا طريق وكلو طبعا بعد ستر ربنا ....


بعيدا بقى عن الكلام دا ........كان ليا سؤال هو الراجل دا كان منظره عامل ازاى وهو بيجرى ويحرق على العربيه ......اصل الصراحه كنت راكب عربيه صاحبى الاستيب واى اعلى فئه abs واير باج وعلى ما اظن الموتور مختلف لانه مش نفس شكل السانديرو ........ ورغم ذالك عربيه فى الجرى عيانه جدا يمكن كمان عربيتى بتجرى عنها ..........ومش هنسى ساعه مكنت بشد بيها مع لانسر بومه واتحط عليا حطه سودا لو كنت راكب 128 مانكش هيتعمل معايا كدا ... يلا هيروحو من ربنا فين .

تحياتى