امثلة لفروق الاسعار بين 2012 و2014 واكتر شركة استغلت الظروف

[drcobra]

بيرليانس كروس مانيوال 2012 78,000 2014 88,000
تويوتا كورولا مانيوال 2012 151,900 2014 160,000
دايهاتسو سيريون اوتو 1.5 2012 99,000 2014 131,000
رينو فليونس مانيوال 2012 122,000 2014 140,000
سوباروا امبيريزا اوتو 2012 149,900 2014 159,000
سوزوكى سيلاريو مانيوال 2011 62,000 2014 79,000
سيات ابيزا 2012 128,777 2014 142,000
سيتروين سى 3 اوتو 2011 128,000 2014 145,000
شيفرولية اوبترا مانيوال 2012 91,000 2014 107,000
فولكس باسات 1400 2012 235,000 2014 266,000
فيات 500 اوتو 2012 134,000 2014 160,000
كيا بيكانتو مانيوال 2012 73,500 2014 82,000
كيا سيراتو مانيوال 2012 105,555 2014 133,000
لانسر بومة اوتو 2011 115,000 2014 131,500
لانسر شارك اوتو 2011 138,000 2014 136,000
نيسان صنى سوبر صالون 1,6 2011 102,000 2014 120,000
هوندا سيتى اوتو 2011 126,000 2014 155,000
هوندا سيفيك اوتو 2010 179,000 2014 199,000
هيونداى اكسنت ار بى 2012 103,000 2014 128,000


دى امثلة توضيحية لبعض الفروق بين نفس السيارات او فروق بسيطة زى مثلا الشارك بقت 1600 سى سى بدل من 1500 سى سى والسيراتو مثلا الشكل اتغير

انا حبيت ادى امثلة لبعض السيارات من بعض الشركات علشان نعرف نقارن كل شركة استغلت الظروف اد اية المعلومات كلها من موقعيين هما (عربيتى) والموقع مش شغال انا كنت عامل داونلود لاسعار السيارات موديل 2012 من علية...دلوقتى وموقع كونتكت كار

[Mohamed.Hany]

كورولا 2014 شكل جديد برضو وتبدا من 162500 مانيوال

[rompo10]

ياباشا الافيو وصلت ل 97 الف تقريبا مع احترامي لملاك السياره والسيراتو اعلي فئه تقريبا 190 الف دا هبل

[Amr_tika88]

ماهوا طالما في ناس بتشتري ومش هاممها حاجه هتفضل الاسعار في الهبل ده واكتر كمان ولسه ياما نشوف في العقارات او في السيارات وغيره وغيره

[M I D O]

كل الشركات استغلت الظروف وخصوصا هيونداي و شيفورلية لاكن الشركات الي بتبيع عربيات اوروبية و ياباني و الماني دول ماعتقدش انهم استغلو الظروف لان ارتفاع اسعار الدولار رفعلهم اسعار السيارات بس اتسغلو الظروف حاليا لما سعر الدولار نزل و الاسعار ثبتت لاكن رقم واحد في الاستغلال هيونداي و شيفورلية وحضرتك نسيت الافيو الي كانت ب 78 الف تقريبا مانيوال ووصلت حاليا ل 92 الف

[al_manara]

[shaaban2008]

شعار غبور
طالع واكل
نازل واكل

[svneleven]

كل الشركات استغلت الظروف وخصوصا هيونداي و شيفورلية لاكن الشركات الي بتبيع عربيات اوروبية و ياباني و الماني دول ماعتقدش انهم استغلو الظروف لان ارتفاع اسعار الدولار رفعلهم اسعار السيارات بس اتسغلو الظروف حاليا لما سعر الدولار نزل و الاسعار ثبتت لاكن رقم واحد في الاستغلال هيونداي و شيفورلية وحضرتك نسيت الافيو الي كانت ب 78 الف تقريبا مانيوال ووصلت حاليا ل 92 الف

هو حضرتك ما شوفتش الدايهاتسو السيريون اللي كانت ب 99 و بقت ب 131 ؟

[Mohamed.Hany]

الاوروبي استغل برضو الجولف كانت ب١٨٠ بقت ٢٢٣

[drcobra]

يا جماعة انا حاولت اقارن بين بعض السيارات مش الكل واللى انا لاحظتة ان مثلا
شركة تويوتا زودت فى موديل زى الكورولا 8,000 جنية فقط ودا اعتقد لانها محبتش تستغل الظروف لكن حبت تزود الطلب على عربيتها اللى عليها منافسة كبيرة فى نفس الفئة

وشركة زى سوباروا زودت على موديل امبيريزا 10.000 جنية فقط

فى المقابل شركة يابانية تانية زى دايهاتسو زودت فى موديل السيريون 1.5 اوتو 32.000

وشركة زى هوندا زودت موديل سيتى حوالى 29.000

________________________________
الكورى مثلا هيونداى وسيراتو استغلوا الظروف اسوأ استغلال
اكسنت ار بى زادت بمعدل 25.000 جنية
سيراتو زادت بمعدل 28.000 وهل يستحق الموديل الجديد الفرق دا
_____________________________________

نيجى للاوروبى

رينو مثلا زودت على موديل فلونس 18.000 جنية بالرغم من التعديلات على الموديل

ابيزا زادت 14.000 جنية

سيتروين سى 3 زادت 17.000 جنية

_____________________
انا شايف ان موديل زى الامبيريزا احترم المستهلك
يلية مثلا التويوتا
يلية ابيزا

[K.Ossama]

عالم حرامية كلهم
بس كيا الحقيقة.........ولا بلاش

[raedegypt]

كورولا 2014 شكل جديد برضو وتبدا من 162500 مانيوال

السعر 60 الف ريال فى السعوديه

[Ahmed TRAVCO]

شركة تويوتا زودت فى موديل زى الكورولا 8,000 جنية
موديل 2013 كانت اعلى فئة بتنزل بـ167 ووصلت في النهاية -ومع الهوجة- لـ183 (فرق 16 ألف جنيه في نفس الموديل)... ولو سألت دلوقتي هتلاقي ان 2013 -لو موجودة- واصلة للـ190 ألف!!!!!

وشركة زى سوباروا زودت على موديل امبيريزا 10.000 جنية فقط
ده على سبيل المدح؟؟ طيب ايه السبب انها تزيد 10 آلاف يعني؟؟؟ طبعا طبعا قياسا بالأسعار التانية هي من العربيات النادرة اللي تستحق سعرها... بس برضه ايه الحكمة انها تنط 10 آلاف فجأة ونقول كمان انها محترمة علشان زودت -فقط- 10 آلاف؟؟؟؟



نيجى للاوروبى

رينو مثلا زودت على موديل فلونس 18.000 جنية بالرغم من التعديلات على الموديل
برة مصر مفيش حاجة اسمها هزود السعر علشان فيه تعديلات في الفتيس والعدادات بقت ديجيتال!!!! العربية فئة معينة والمفروض يبقى "توبها" قد كدة كسعر وما تزيدش عنه بحيث لا تقترب من الفئات الأعلى ولا تقترب منها عربيات الفئات الأقل... بس هي جت على الرينو يعني؟؟؟ مش مهم!!


انا شايف ان موديل زى الامبيريزا احترم المستهلك
يلية مثلا التويوتا
أمال موديل زي الشارك يبقى ايه اذا كان الهايلاين في 2008 سعره 158 وفي 2010 يا دوب طلع للـ163 والسنة اللي فاتت يا دوب بـ167؟؟؟ وبعدين ازاي أساسا الكورولا الجديدة بتتباع في السعودية بـ60 ألف ريال -زي الشارك برضه- وتلاقيها هنا واصلة لـ210 ألف؟؟؟ وبلاش حكاية الـ7 ايرباجز اللي في اعلى فئة لأن اللي بـ60 ألف ريال دي فيها 8 ايرباجز!!!!

أضيف كمان... المازدا -رغم قلة مبيعاتها وندرة انتشارها- سعرها للبيزلاين وصل لـ160 (كان بينزل بـ130 قبل كده) والهايلاين تقريبا بـ190 (كانت بـ158 برضه)!!!!!!!

الموضوع كله سرقة X سرقة... بس بدرجات

[drcobra]

يا باشا الشارك لا غبار عليها ومن وجهة نظرى هى والبجو 301 الصفقة الافضل فى الفئة السعرية دى

اما بالنسبة للسوباروا انا مش بمدحها ولا حاجة ولا عمرى سوقتها ولا عايز اجيبها دى ملاحظة فقط ان الزيادات ممكن تكون معقولة بسبب زيادة الدولار وعوامل تانية منقدرش نهملها

انا قلت موديل زى الكورولا المانيوال زاد بالرغم من تغير الشكل كامل وموديل زى الفلونس عمل فيس ليفت كلام حضرتك صحيح ان دى فئة معينة تغير الشكل المفروض ميزودش السعر

فى النهاية انا هدفى كلة هو معرفة المسخرة اللى احنا فيها والسرقة اللى احنا فيها والمساعدة فى اختيار افضل شركة من حيث احترام السوق المصرى كشركة وكوكيل

[شريف]

فيرنا الاوتو بقت ب 92 الف بدل 75 و اية استلام بعد شهر