مقابلة رمضان التاريخية للنايل موتورزاوية

[mohamed ibiza]

المقابلة أكتر من رائعة حضرها ناس كتيير

-محمد ايبيزا: خوف الإيبيزا بتاعتي وبطلت تطلع صوت مع المارش روحنا مع بعض و كان ادامي (بس بيني و بينك انت بتفرمل كتيييير يا محمد انا كنت هتجنن)

.............

ههههههه انا بس عايز اجري و في نفس الوقت مش عايز اعدي احمد علاوي فبلمس فرامل كده عشان تهدي بس بصراحة الاداء كان 100 100 و انت فتحت بعد شوية:D:D
اتشرفت بمعرفتك يا بوب

[mohamed ibiza]

توقيعك عاجبني ...وقته فعلا

ما انا بقول كده برضه....

[theking2690]

دول كام صورة كده على الماشي 3 بس







الكاميرا لحقته و هو بيشرب (القزازة على بق واحد ربنا يدينا الصحة جميعا) هههههه


اما ده ....... اللي يعرف صاحبه يتصل بزيرو عشر تسعات

(تم حذف هذه الصورة بناء على طلب صاحب السيارة)

ليه الفضايح ديه بس


والله و انا سعدت جدا بمقابلتك يا دكتور و كان نفسى اقعد مع حضرتك اكتر من كده و متخافش هصلح المخضع قريب:party:

[Karim_Monir]

الصور نزلت هنا http://www.new.facebook.com/event.ph...id=79549375095

طلع عيني والله يا علا وقاعد بفقر ونايم على نفسي
خاصة اني صاحي من بدري
واديني قاعد لما الفيديو الاول يخلص تحميل واقوم اسطح على القطر
ها ها
------------
اكرم
اوعدك بكرة اللي هو النهاردة لما اقوم من النوم اشوف الكوربت فين واحاول اظبطة ببرامج تصليح
بس حتتة بتاعة كدة 3 جيجا مبهدل الدنيا
معلش
كل سنة وانتم طيبين
حاسسكم يعني مروحين فايقين ولا الاكل كابس على نفسكم ولا حاجة
شكلكوا كنتو عايزين موزة ضاني بجد

[Nour_Peugeot]

بجد بجد بجد اعدتكم متتعوضتش خالص

و الله انا كنت في الناتش بفكر اجيلكم ازاي بس الحمد لله ربنا وفقنا و كسبنا

و شعدت اني اتشرفت بكم كلكم

اخوكم الصغير نور

[NaderNabil]

انا هاعيط :(:(:(:(:(:(

اعملولي مقابلة تانية و الا هاعملكم فضيحة و أقفلكم المنتدى ده...

[mbluethunder]

انا هاعيط :(:(:(:(:(:(

اعملولي مقابلة تانية و الا هاعملكم فضيحة و أقفلكم المنتدى ده...

أنا سألت عليك معاذ يا نادر وقالي إنك مش جاي لظروف خاصه عندك
يارب تكون خير وتعدي بسلام

--------------------------------

بجد اليوم كان جامد قوي وأنا مشيت بدري شويه وملحقتيش أقعد مع الناس كلها
بس الحمد لله إني قدرت أروح اليوم ده. كنت هازعل قوي

[Mohd_Adel_Amin]

أنا اتشرفت بيكم يا جماعة وكنت حاسس أن قدامي بحر مليان ناس محترمة مش عارف
أتعرف فيهم بمين ولا مين ....
واتمنى اني اشوفكم بإذن الله في المقابلات الجاية ونفسي ابعث سلاماتي بالإسم لكل الناس الروعة اللي عرفتها .. بس أخاف أنسى حد

[د.محمود صلاح]

أنا فى الصورة رقم 12 وراء المهندس كريم منير

[Yarisawy]

الواحد كان نفسه يجيى يتعرف عليكوا ... بس للأسف مكنتش هاعرف خالص :(

ان شاء الله الواحد يجى المرات اللى جايه

[AhmedGen2]

كان شكله يوم جامد ..

[Eslam_A]

كان نفسي اكون معاكو بس للاسف انا لسة جديد ومعرفش حد خالص في المنتدي ان شاء الله المرة الجاية اجي معاكو

[bee]

انا كنت ناوي اجي بس لكذا ظرف حصلي مقدرتش وإن شاء الله تتعوض
على ما اصلح العربية بقه :)

بس بجد منظركم هايل .. ويا رب يديم المحبة
واعتقد المقابلة دي هتكون نقطة تحول في المقابلات الجاية

[د.محمود صلاح]

اقتراحات للمقابلات الجاية ان شاء الله : -
1 - جهاز مايكروفون عشان الكل يسمع المناقشات
2 - جدول أعمال القابلة
3 - كارت باسم كل عضو يعلق على صدره - لماذا اختفى هذا التقليد ؟

[Hassan Khalil]

ما شاء الله ..
تجمع رائع لناس اكثر من راااااائعة
ربنا يجمعكم دائما علي الخير ...
و كل سنة و انتم جميعا بخير
--------
كيمو ..
اتعب معانا شويتين .. و شفلنا صورتين تلاتة فيهم ناس كتير .. و اعملهم tag.. ياللا ..كفاية نوم و كسل :)