تحذير من بنزينة شيل الشيخ زايد

[Khaled Lanos]

صباح الخير
من الآخر يا جماعة بنزينة شيل الشيخ زايد اللي خلف التوحيد والنور بنزينها وحش جدا وأنا شاكك الصراحة انهم بيغشوه..كل مرة اروح افول من عندهم ألاقي العربية مخنوقة جدا وحاسس انها مش قادرة تمشي واستجابتها ضعيفة أوي..اللي حصل امبارح:
لمبة البنزين نورت وروحت افول على الساعة 2 الظهر كدا خدت العربية وروحت مضطر لشيل لأنها اقرب واحدة ولما وصلت لقيتهم حاطين اقماع والعامل بيقولي مفيش بنزين..خدت العربية وطلعت على بنزينة توتال اللي قبل ميدان جهينة لقيت عندهم بنزين ودخلت فولت,,وكانت المفاجأة لما طلعت من عندهم لقيت العربية فايقة جدا وبتجري من لمسة بنزين ولما اكبس جامد العربية تفرك وهي على التاني ودا مكنش بيحصل قبل كدا خالص..حتى لقيت سيراتو 2014 جمبي سخن وعايز يشد
حبيت أنقل تجربتي واحذر الناس..وعموما مش هروح شيل تاني خالص إن شاء الله وتوتال بنزينة نضيفة.
ياترى في حد زيي حس انها مش كويسة بردو؟

[Ahmed_Adham]

اللي قبل ميدان جهينه موبيل مش توتال سواء من ناحيه جامعه النيل أو من ناحيه مول العرب وفعلا بنزينها كويس وبنزينه كالتكس اللي جنب نادي المهندسين كويسه برضه مش بمون الا من دول في أكتوبر.

[S O P H O S]

مرة مونت منها
واحد طيب قالي مون منها
ومن ساعتها .... الحمد الله علي كل شئ

[MuslimMeskeen]

حمايا مون منها مرة من سنة تقريباً بيقولي العربية بقت تنتش منه.. وأكد لي إنهم حاطين عليه مية فهي اللي بتعمل كدة.. خلوا بالكم لأن مش دي أول شكوى منها.. وإن كنت أعرف بعض الناس اتعاملت معاها ومشتكتش.

[MOSTAFA.EID]

كنت لسه هناك في شل الشيخ زايد كنت عايز اغير زيت الفتيس واحب اقولك معلومه كويسه البنزينه ديه اتباعت خلاص وهتقفل اخر الشهر لان توتال اشترتها وهتعملها من جديد تقريبا كده توتال هتشتري اكتوبر كلها

[احمد المصرى]

وبرضوا علشان الموضوع يكتمل فى بنزينتين فى الطريق بين ميدان جهينه وبين الطريق الصحراوى واحده فيهم مش كويسه خالص سمعت اكتر من شكوى منها

انا بمون من البنزينه ال بجوار نادى المهندسين والحمد لله تمام


بنزينه الحصرى طبعا شكلها لوحده كفايه ان الواحد يقرف يمون منها

والبنزينه ال قبل ميدان جهينه على طول وانت نازل ميدان لبنان برضوا كويسه جربتها كام مره

[J A G U A R]

شكرا لنقل التجربه

[kokowasfy]

البنزينة الى فى ميدان جهينة كلها تكاتك و متسولين و العمال الى هناك رخمين اوى اوى اوى اوى يرفع المسحات غصب عنك ينضف الازاز و الشحتين هناك بلهبل و مرة اتسرق موبيلى فطلت امون من هناك خااااااالص بس الى قبل ميدان جهينة نضيفة بنزينة محترمة

[Khaled Lanos]

اللي قبل ميدان جهينه موبيل مش توتال سواء من ناحيه جامعه النيل أو من ناحيه مول العرب وفعلا بنزينها كويس وبنزينه كالتكس اللي جنب نادي المهندسين كويسه برضه مش بمون الا من دول في أكتوبر.

لا ياباشا موبيل دي وانت جاي من المحور وعديت هايبر وزايد 2000 ودي فعلا نضيفة جدا ومحترمة..انا قصدي توتال وانت رايح على ميدان جهينة بس مش من المحور من جوا زايد..وممكن بردو وانت في ميدان جهينة تخش يمين هتلاقيها.
اعتذر على عدم التوضيح.

مرة مونت منها
واحد طيب قالي مون منها
ومن ساعتها .... الحمد الله علي كل شئ

معلش بقى كل شيء نصيب..ممكن الراجل الطيب دا كان مخدوع فيها بردو

حمايا مون منها مرة من سنة تقريباً بيقولي العربية بقت تنتش منه.. وأكد لي إنهم حاطين عليه مية فهي اللي بتعمل كدة.. خلوا بالكم لأن مش دي أول شكوى منها.. وإن كنت أعرف بعض الناس اتعاملت معاها ومشتكتش.

فعلا البنزين بتاعهم واضح جدا انو مغشوش سواء بمية او غيره.

كنت لسه هناك في شل الشيخ زايد كنت عايز اغير زيت الفتيس واحب اقولك معلومه كويسه البنزينه ديه اتباعت خلاص وهتقفل اخر الشهر لان توتال اشترتها وهتعملها من جديد تقريبا كده توتال هتشتري اكتوبر كلها

ياريت والله..بس المهم توتال تحافظ نضافتها ومتبقاش وحشة زي شيل كدا بعد فترة.

وبرضوا علشان الموضوع يكتمل فى بنزينتين فى الطريق بين ميدان جهينه وبين الطريق الصحراوى واحده فيهم مش كويسه خالص سمعت اكتر من شكوى منها

انا بمون من البنزينه ال بجوار نادى المهندسين والحمد لله تمام


بنزينه الحصرى طبعا شكلها لوحده كفايه ان الواحد يقرف يمون منها

والبنزينه ال قبل ميدان جهينه على طول وانت نازل ميدان لبنان برضوا كويسه جربتها كام مره

شكرا للإضافة المفيدة.

شكرا لنقل التجربه

العفو تحت أمركم.

البنزينة الى فى ميدان جهينة كلها تكاتك و متسولين و العمال الى هناك رخمين اوى اوى اوى اوى يرفع المسحات غصب عنك ينضف الازاز و الشحتين هناك بلهبل و مرة اتسرق موبيلى فطلت امون من هناك خااااااالص بس الى قبل ميدان جهينة نضيفة بنزينة محترمة

واللي في الحصري بردو تحس انك في العتبة وكلها تكاتك وتسول..عن نفسي مبمونش منها خالص.

[lanos2004]

شيل اصلا بتبيع 80 على انه 92 فى كل محطاتها مش دى بس

[Ahmed Selim]

هااااااااااااااااار أسود....ده أنا مش بمون غير منها بقالى فترة !!!!!!!!!!!!!

و حاسس العربية مش مظبوطة و بتبقى عاوزة تكركر بس بدوس بنزين جامد شوية.

و كل لما أقول أنا عاوز أروح للميكانيكي بالصدفة أكون مونت قبلها من بنزينة تانية و ألاقي العربية ظبطت.

هجرب كده أفول المرة الجاية من بنزينة تانية و أقولكم.

[Khaled Lanos]

شيل اصلا بتبيع 80 على انه 92 فى كل محطاتها مش دى بس

طب كويس ان فيه 80 كتر خيرهم..فيه بنزينات تانية بتغشه بمية

[Khaled Lanos]

هااااااااااااااااار أسود....ده أنا مش بمون غير منها بقالى فترة !!!!!!!!!!!!!

و حاسس العربية مش مظبوطة و بتبقى عاوزة تكركر بس بدوس بنزين جامد شوية.

و كل لما أقول أنا عاوز أروح للميكانيكي بالصدفة أكون مونت قبلها من بنزينة تانية و ألاقي العربية ظبطت.

هجرب كده أفول المرة الجاية من بنزينة تانية و أقولكم.

جرب تفول من توتال او موبيل اللي بعد زايد 2000 وشوف الفرق.

[drcobra]

غير البنزينة ومتستناش البنزينة واللى ماسكها يتغير عامة انا بفضل وطنية احساسى انهم مينفعش يغشوا

[lanos2004]

غير البنزينة ومتستناش البنزينة واللى ماسكها يتغير عامة انا بفضل وطنية احساسى انهم مينفعش يغشوا

وطنيه بنزينها هوة مصر للبترول