مخالفة معملتهاش!!!

[ZaIeD]

سلامه عليكم...
النهارده يا جماعة قولت ابص على موقع خدمات المرور واشوف المخالفات..
وفؤجت بكارثة الصراحة...
1005 جنيه مخالفة تعمد السير عكس الاتجاه!!
طيب ابص على تفاصيل المخالفة.. الاقيها في بني سويف.. عادي مش مشكلة لكن الاقيها بتاريخ 26-6-2013
ده بقى جنان الجنان نفسه!!
التاريخ ده قبل 30 يونيو ب4 ايام
وانا بعيد عنكم وعن السامعين في الجيش دلوقتي
في الفترة دي الكتيبة كلها كانت محجوزة قبل اليوم ده باسبوع
يعني انا مكنتش موجود في بني سويف اساسا... مع العلم ان محدش بيتحرك بالعربية غيري ف البيت لان محدش بيعرف يسوق اساساً وكدة كدة المفتاح معايا

حد يفكرر معايا في تفسيييير

[Ahmod]

متتعبش نفسك في التفكير لانك هتدفع هتدفع

[elpasha1]

اتنقل الرقم غلط
او واحد غمز العسكرى بقرشين راح مغير الرقم اللى كتبة
وبرضوا هتدفع هتدفع

[ZaIeD]

طب في حاجة تانية اغرب :d
المخالفة بتاريخ 26-6 وانا مجدد الرخصة بتاريخ 20-7
ازاي منزلتليش المخالفة دي قبل ما اجدد؟
هو عامة يعني المخالفة لسة نازلة ع الموقع مش قبل شهر لاني كشفت من شهر تقريبا ومكنش في مخالفات
----
اه حاجة كمان
مكتوب في الصفحة اني تبع وحدة مرر الهرم, وانا اصلا تبع مرور فيصل

[meero_boy2000]

اقرا الموضوع ده كنت عامله من 10 ايام تقريبا بس كده كده هتدفع للاسف

http://www.nilemotors.net/Nile/393166-a.html

[ZaIeD]

لو وصلت لاني ارفع قضية هرفع
ازاي يعني؟ ةازاي اجدد من غير ما تنزلي المخالفة؟

طب في حاجة تانية اغرب :d
المخالفة بتاريخ 26-6 وانا مجدد الرخصة بتاريخ 20-7
ازاي منزلتليش المخالفة دي قبل ما اجدد؟
هو عامة يعني المخالفة لسة نازلة ع الموقع مش قبل شهر لاني كشفت من شهر تقريبا ومكنش في مخالفات
----
اه حاجة كمان
مكتوب في الصفحة اني تبع وحدة مرر الهرم, وانا اصلا تبع مرور فيصل

[AHMED12345678]

يا اخى انت مكبر الموضوع لية
اعتبرها مساهمة فى دعم اقتصاد مصر
احنا المواطنين كدة
بنيجى نقف فى حاجات مالهاش لازمة ومبالغ تافهة
وننسى جمايل الحكومة علينا
هتقولى ازاى
اولا /بترفع لياقتك البدنية من المشاوير الى انت رايح جاى فيها والسلالم الى طالعها ونازلها علشان المخالفة
ثانيا/ بتتعلم الصبر من التعامل مع مستوظفين الحكومة
ثالثا/ تدينك بيزيد من كثرة ترديد مقولة حسبى الله ونعم الوكيل
رابعا/ ممكن تتعرف على اخوك توأمك الى كان تاية بقالة سنين وعرفت انة موجود لما ساق العريية من وراك وانت مش موجود وخد المخالفة والحكومة افتكرته انت فنزلت المخالفة عليك ........ شفت العيلة اتلم شملها ازاى

بطلوا افترا على الحكومة وشوفوا الحكومة بتعمل اية علشانكوا

[mohraga2y]

يا اخى انت مكبر الموضوع لية
اعتبرها مساهمة فى دعم اقتصاد مصر
احنا المواطنين كدة
بنيجى نقف فى حاجات مالهاش لازمة ومبالغ تافهة
وننسى جمايل الحكومة علينا
هتقولى ازاى
اولا /بترفع لياقتك البدنية من المشاوير الى انت رايح جاى فيها والسلالم الى طالعها ونازلها علشان المخالفة
ثانيا/ بتتعلم الصبر من التعامل مع مستوظفين الحكومة
ثالثا/ تدينك بيزيد من كثرة ترديد مقولة حسبى الله ونعم الوكيل
رابعا/ ممكن تتعرف على اخوك توأمك الى كان تاية بقالة سنين وعرفت انة موجود لما ساق العريية من وراك وانت مش موجود وخد المخالفة والحكومة افتكرته انت فنزلت المخالفة عليك ........ شفت العيلة اتلم شملها ازاى

بطلوا افترا على الحكومة وشوفوا الحكومة بتعمل اية علشانكوا

ههههههههههههههه فظييييييع

[shndoo]

والله حصلت معايا بس 1510 الـ 1000 سير عكس و الـ 500 تعطيل و الـ 10 مصاريف اداريه او حاجه زى كده
و كانت فى اسوان وانا من الجيزه اساسا d:
ودفعتهم فدا عادى ماتستغربش

[engaass]

حصلت معايا برضه وفى اﻻخر دفعت مع انى معملتش المخالفة برضه ومش بينفع تتظلم ﻻنها مخالفة واحدة وده الحد اﻻدنى
بس اللى غيظنى هما ازى عرفو اننا متعمدين السير عكس اﻻتجاه

[S O P H O S]

متتعبش نفسك في التفكير لانك هتدفع هتدفع

معملتش تظلم ولا ايه يا دكتور
ولا عملت واترفض ؟

[Ahmod]

طب في حاجة تانية اغرب :d
المخالفة بتاريخ 26-6 وانا مجدد الرخصة بتاريخ 20-7
ازاي منزلتليش المخالفة دي قبل ما اجدد؟
هو عامة يعني المخالفة لسة نازلة ع الموقع مش قبل شهر لاني كشفت من شهر تقريبا ومكنش في مخالفات
----
اه حاجة كمان
مكتوب في الصفحة اني تبع وحدة مرر الهرم, وانا اصلا تبع مرور فيصل

هيقولك لما جيت ترخص كانت المخالفة اتاخدت عليك بس لسه ماتسجلتش على الكومبيوتر !!

بص يا باشا نفس اللى حصل معاك ده حصل معايا بالملي وبرضوا في مرور فيصل ودفعت 1425 جنيه مخالفات

فادفع واستعوض ربك لان مالهاش حل تاني

[Anxs111]

أسأل محامي يمكن ليهم سكة

[abo_lamar]

مش يمكن الموقع ده بيخرف و مديك معلومات غلط ؟؟

[akmm]

عادى وهتدفع ............. نفس اللى حصل معايا 1310 جنيه مخافتين سير عكس الاتجاه وتعطيا حركه المرور .... منطقه السيده زينب .. وعمرى مارحتها اساسا بعربيتى او حتى بتاكسى او على رجليا ... ومحاولات وفلفصه وفى الآخر دفعت ...