استفسار من رجال الزقازيق (ضرورى لضيق الوقت)

[abo_anas]

السلام عليكم
ان شاء الله فى عربيه فى الزقازيق رايح اخلص فيها غدا الاحد ، ومحتاج استشارة ضروريه فى محطه بنزين او مركز يكون فيه كشف على الشاسيه والموتور وارفع العربيه فيه فى الزقازيق
العربيه النترا 2011
برجاء السرعه فى الرد علشان هنخلص باكر ان شاء الله

[michohat]

حسب معلوماتي مفيش حاجه زي كده في الزقازيق
اغلب الشراء والبيع هنا السمكري والميكانيكي تبعك بيكون معاك وبيعاين
في مركز تصليح عربيات اسمه قورة ع طريق هريه بس ده اللي اعرفه عن انه تصليح وكمبيوتر اعطال وبس

[assaf]

لاسف الزقازيق الكشف بيكون عن طريق ميكانيكي معاك

[abo_anas]

طيب ممكن حد يكون بيشتغل فى الكورى ميكانيكا وتكون سمعته طيبه

او محطة بنزين نرفع فيها علشان نتفرج على العربيه من تحت بوضوح
شكرا للاخوة الافاضل

[ahmedsrs]

محطة شل فى طريق موقف المنصورة

[abo_anas]

محطة شل فى طريق موقف المنصورة

الله يكرمك
طب دى فيها كشف على السيارات والشاسيه والموتور ، وياريت توصف لى مكانها

[michohat]

مفيش بنزينه او مركز بيكشف
محطه شل طريق موقف المنصورة او اي محطه فيها رافعه هيدروليك او مجره فيهم عمال تشحيم وغسيل وغيار زيت وبس
يفضل تجيب السمكري بتاعك والميكانيكي معاك

[abo_anas]

شكرا لكل الاخوة الافاضل

[ahmedsrs]

اخى الفاضل مفيش كشف هى رافعة عشان تبص على العربية من تحت بس نصيحة لوجه الله لا تعتمد على الميكانيكية والسمكرية حتى لو هتديهم فلوس كلهم نصابين اعتمد على خبرتك ولو معندكش خبرة هات صديق ثقة يكون صاحب خبرة ومتشتريش عربية بها توكيلات وشوف شكل صاحب العربية هل مهتم بيها ولا ميعرفش حاجة عنها وبالتوفيق

[abo_anas]

جزاك الله خير يااستاذ احمد وكل الاخوه اللى ابدوا النصيحه لى
ان شاء الله هاخد معايا نسيبى ومع شويه الخبرة اللى اخدتهم من نايل موتورز، يبقى اولا واخيرا توفيق ربنا، انا صليت استخارة وربنا يختار لى الخير

[assaf]

انا للاسف في الشغل دلوقتي مش في الشرقيه لو عايز اديك رقم تليفون الميكانيكي اللي بتعامل معاه في الكرستاله ممكن تروح له وتشوف رأيه انا تحت امرك ولو عايزني اكلمهولك علي اساس انك قريبي عشان يهتم و تخليه يبص عليها انا تحت امرك

[zadreamer]

في حضرتك مؤسسة خالد للتجاره ده توكيل عربيات صيني وكوري
ف بنزينة كالتكس و اوليبيا و شل و التعاون و كتير
وابعتلي ع الخاص هديك رقمي وانا هنزلك انا من الزقازيق

[abo_anas]

انا للاسف في الشغل دلوقتي مش في الشرقيه لو عايز اديك رقم تليفون الميكانيكي اللي بتعامل معاه في الكرستاله ممكن تروح له وتشوف رأيه انا تحت امرك ولو عايزني اكلمهولك علي اساس انك قريبي عشان يهتم و تخليه يبص عليها انا تحت امرك

في حضرتك مؤسسة خالد للتجاره ده توكيل عربيات صيني وكوري
ف بنزينة كالتكس و اوليبيا و شل و التعاون و كتير
وابعتلي ع الخاص هديك رقمي وانا هنزلك انا من الزقازيق

يانهار ابيض ، انا شاكر افضالكم جدا جدا ، معلش انا لسه شايف الردود دلوقتى
عموما الحمد لله انا روحت انهارده ، واخدت معايا اخو زوجتى وخبرتنا الحمد لله مش بطالة ، ورفعنا العربية فى محطه شل عند موقف المنصوره ، وفرزنا العربيه والحمد لله حالتها كويسه ، واشتريت العربيه والحمد لله
وعملنا المخالفات والتوكيل وربنا كان ميسرها
ولاينقصنا الا دعاؤكم
وجزاكم الله خيرا

[zadreamer]

يانهار ابيض ، انا شاكر افضالكم جدا جدا ، معلش انا لسه شايف الردود دلوقتى
عموما الحمد لله انا روحت انهارده ، واخدت معايا اخو زوجتى وخبرتنا الحمد لله مش بطالة ، ورفعنا العربية فى محطه شل عند موقف المنصوره ، وفرزنا العربيه والحمد لله حالتها كويسه ، واشتريت العربيه والحمد لله
وعملنا المخالفات والتوكيل وربنا كان ميسرها
ولاينقصنا الا دعاؤكم
وجزاكم الله خيرا

تحت امرك ف اي وقت
وربنا يديك خيرها و يبركلك فيها ويكفيك شرها وشر الطريق

[michohat]

مبروك وربنا يديك خيرها ويكفيك شرها ده اولا
وثانيا في حق عرب
ازاي تعدي ع الزقازيق وتنزل فيها ومش نتقابل ونتعارف