اسعار السيارات

[ahmedabutaleb]

هيا ليه اسعار العربيات بقت مش طبيعيه يعنى الكورى واليابانى بقى ب 180 الف و ب 200 الف فى حين ان الاوربى والامريكى بقى تقريبا بنفس السعر.
يعنى الواحد ليه يشترى كرولا لما بنفس التمن ممكن يجيب دودج او اوبل استرا او بى ام 116.
هوا موضوع قطع الغيار حتى الان فى صالح الكورى واليابانى بس اعتقد لو استمر الوضع على كده العربيات الاوربى هتنتشر اكتر وقطع غيارها هتبقى متوافرة صح ولا انا غلطان.
وكمان الواحد مستحرم يدفع 180 فى عربيه من كورى لما يكون بنفس التمن ممكن يركب المانى.
واعتقد ان سعر الاوربى هيفضل ينخفض لان المفروض فى 2019 تكون جمارك الاوربى 0%.

[Silent~Dream]

اتاكد الاول من اسعار قطع الغيار لفئه معينه من الاوروبى vs الكورى و اليابانى مش هتلاقيها فى صالح الكورى و اليابانى بتكلم على ( الاسعار فى التوكيلات )

[akmm]

انا اوافقك الراى ......................

[menaraafat85]

انا اوافقك الراى ......................

+111111111111111111111111
جداااااااااااااا

[ahmedabutaleb]

يعنى الدودج بنفس تمن الكرولا ازااااااااااااى

[speranz]

زمان الاوروبى كان نمبر 1 فى مصر بس دلوقتى الكورى اكل الجو
وصعب تغير ثقافة الشعب وتخليه يرجع يحب الاوروبى تانى
اذا كان الامريكان بيفضلو العربيات اليابانى عن الامركانى والاوروبى
بس كل حاجة وليها وقت

[akmm]

زمان الاوروبى كان نمبر 1 فى مصر بس دلوقتى الكورى اكل الجو
وصعب تغير ثقافة الشعب وتخليه يرجع يحب الاوروبى تانى
اذا كان الامريكان بيفضلو العربيات اليابانى عن الامركانى والاوروبى
بس كل حاجة وليها وقت

نظريه صحيحه .... ولكن الكورى مغالى فيه جدا ..............................

[محمود حامد]

هى الثقافة صحيح صعب تتغير لكن مع مرور الوقت وانخفاض الجمارك على السيارات الاوروبية ان شاء الله الطلب هيزيد وبالتالى هتتوفر قطع الغيار ومتنسوش ان اكتر حاجه بتحكم المشترى هى السعر واعتقد لما يبقى سعر الاوروبى زى اليابانى الوضع هيتغير ويا سلام لو السيارات الاوروبية تكون اقتصادية فى البنزين زى اليابانى والكورى

[S O P H O S]

لما تركب عربية ب 200 الف زي الكورولا او سوبارو او سيفيك اعلي الياباني
لكن ب 200 الف مش هتعرف تركب الا اقل الاوروبي ولازم تزود كمان
كرأي فقط

[تامر.محمد]

هوا موضوع قطع الغيار حتى الان فى صالح الكورى واليابانى بس اعتقد لو استمر الوضع على كده العربيات الاوربى هتنتشر اكتر وقطع غيارها هتبقى متوافرة صح ولا انا غلطان.

اتأكد بس من معلومة ان قطع غيار الكوري و الياباني ارخص من الاوروبي , لأن الموضوع ده كان زمان
خصوصا بالنسبة لاوبل و بيجو و رينو و اظن سكودا كمان

[AshTurbo]

للمعلومية اتفاقية الاتحاد الاوروبي أتأجلت بناء على طلب الحكومة المصرية لمدة سنتين .. بالنسبة للعربيات الكوري مش بس ثقافة المصريين أتغيرت ناحية الكوري العالم كله بيشتري السيارات الكوري وهيونداي - كيا ثالث وصلت أنها تكون ثالث أكبر منتج للسيارات مش تحيز للكوري علشان انا راكب كوري ولكن دي الحقيقة بالأرقام والمبيعات حاولوا تتعايشوا معاها ... بالنسبة لأسعار الأوروبي دلوقتي معتقدش أني ممكن أشتري عربية أوروبي محترمة أقل من 280 -300 ألف .

[hossam_elwani]

ولسه الدولار بيرفع

[smsm451]

الناس اللى بتشكر فى الكورى واليابانى على حساب الاوربى...لا طبعا من كل النواحى الاوربى افضل وخاصة من الكورى من ناحية الامان والامن ونوعية المواتير والمعايير الاوربية فى السلامة ده غير الجودة فى الخامات المستخدمة وكذلك الاسعار بعد قفزة سعر الكورى الغير مبررة بالمرة يعنى سعر السيراتو او الالنترا ممكن يعدى 200 الف فى حين الاسترا الالمانى بكل عظمتها وكمالياتها ومتانتها والتكنولوجيا فى حدود 180 الف ... يبقى الاختيار سهل وبلاها الكورى ومرحبا بالاوربى سواء المانى او فرنسى ... ويجب ان يعمل الوكيل للكيا او الهيونداى ان الاسعار مبالغ فيها جدا ... وان الاوربى احسن فى الامكانيات وارخص فى السعر ... وسوف يحين الوقت قريبا ليمتنع المشترين عن اسعار السيارات الزائفة مقابل الامكانيات والكفاءة والامن والسعر غير المبالغ فيه للسيارات الاوربية

[Hunting_Eagle]

هيا ليه اسعار العربيات بقت مش طبيعيه يعنى الكورى واليابانى بقى ب 180 الف و ب 200 الف فى حين ان الاوربى والامريكى بقى تقريبا بنفس السعر.
يعنى الواحد ليه يشترى كرولا لما بنفس التمن ممكن يجيب دودج او اوبل استرا او بى ام 116.

عموما هي العربيات الياباني في مستوى الامريكي و ان كانت العربيات الياباني تتفوق كمان

بس الموضوع هو اننا لازم نخرج من موضوع اوروبي و ياباني و كوري و نخلينا نشوف الشركة نفسها بتعمل ايه

يعني لو اخدت على سبيل المثال بيجو .. الاسم انها فرنساوي و حاجة اوروبي محترمة .. بس الحقيقة ان نسبة كبيرة من موديلاتها فشلت .. وعلى العكس تويوتا الياباني معظم موديلاتها ناجحة

كمثال بيجو 508 .. عربية تحفة مفيش كلام .. بس شوف تمنها يجيب تويوتا افالون .. اعلى عربية سيدان عند تويوتا .. والعربية دي من اجمل ما ابدعت تويوتا

و كمثال تاني.. شوف مثلا مبيعات امريكا اللي تعتبر اكبر سوق في العالم .. اكتر عربية بتبيع فيها هي تويوتا كامري

وكمثال تالت .. اعلى عربية باعت في التاريخ .. تويوتا كورولا ..

طبعا ان كلامي عموما مش بتكلم على مصر بس

تحياتي

[Anxs111]

بناء علي تجربة عربيات كتير مؤخرا ....
لسة في فجوة زمنيه كبيرة بين الأوروبي وأي حاجة تاني ...
الكوري من ٢٠١١ حصلتله طفره خياليه وبقي زي الياباني إذا ماكنش بقي أحسن كمان ...
وعربيه زي السوناتا علمت جامد علي الإكورد والكامري ...
عربيه زي الكيا اوبتيما التصميم بتاعها عدي كل الياباني ...
أصبح عنصر الأمان والكفاءة في كتير من مدلتهم زي الياباني ...